BLOGGER TEMPLATES - TWITTER BACKGROUNDS »

٠٩‏/٠٨‏/٢٠٠٧

دبور...وزن على خراب عشه...؟

بجد مالقتش حاجة توصف اللي بيعمله "بعض" من المسيحين في مصر أو الخارج غير المثل ده النهاردة على موقع في البلد قرأت خبر عن إلقاء القبض على كل من الأستاذ عادل فوزي والأستاذ بيتر عزت المشرفين على موقع منظمة مسيحي الشرق الأوسط بمجوعه من التهم وهى -ازدراء الدين الاسلامى -التبشير التنصير ويقولوا انه قد قام بتنصير ثلاثه اساءه سمعه مصر التخابر مع جهات اجنبيه حسب موقع منظمة مسيحي الشرق الأوسط نفسه وبجد أنا مش عارف هي المجموعة دي ومن على شاكلتها عاوزين إيه بالظبط وعاوزين يعملو إيه في مصر...؟! اللي المنظمة بتقولوا وأنا حاخد كلامهم كوبي وبست من موقعهم نفسه وحلونه هنا بالأحمر هو (نرى أن مسيحي الشرق الأوسط يعانون من التمييز الديني وحقوقهم مهدره بسبب الشريعة الإسلامية التي سلبتهم ابسط حق لهم إلا وهو أن يعيشوا مثلهم مثل غيرهم من غير المسيحيين ..) إيه هو التميز اللي بيعانوا منه....؟! خصوصا هنا في مصر المسيحين دلوقت تقريبا كل ماتروح في حتة تلاقلهم كنيسة أو أتنين (على الرغم من قلة عددهم بشدة مقارنة بالمسلمين في مصر) المسيحين دلوقت بيتقلده أكبر المناصب في الدولة وأذكر مثلا الدكتور بطرس غالي اللي كان وزير الدولة للشئون الخارجية في عهدي الرئيس محمد أنور السادات رحمه الله والرئيس محمد حسني مبارك ومن ثم تولى منصب أمين عام الأمم المتحدة 1992 - 1996 وكان هو العربي الوحيد الذي شغل هذا المنصب يعني ماكنش مسلم أهه عشان الناس اللي بتتكلم عن الإضهاد دي. وعلى فكره والد الدكتور بطرس غالي وهو بطرس باشا نيروز غالي كان رئيس وزراء مصر من 12 نوفمبر 1908 إلى 1910 وإن كانت فترة رئاسته للوزراء سيئة جدا لموالاته الشديدة للإنجليز وده تاريخ مش إفتراء من عندي أو تأليف من خيالي وعندنا الدكتور يوسف بطرس غالي وهو يشغل حاليا منصب وزير المالية وهو عضو مجلس شعب واللي بيتكلمه عن إضهاد المسيحين في مصر أدعوهم فقط لإلقاء نظرة على المناصب التي تقلدها الدكتور يوسف بطرس غالي بالنسبة للأعمال الحرة والمشاريع أغنى عائلة في مصر وأغنى شخص فيها هي عائلة رجل الأعمال الشهير نجيب سويرس الغني عن التعريف وبالنسبة للحياة السياسية في من أعضاء مجلسي الشعب والشورى مسيحين الدولة قررت أعياد المسيحين أعياد رسمية (وتاني وتالت ورابع وخامس)حطوا في بالكم إن مصر دولة إسلامية حد شاف فيكم مسيحين وهما مشين في الشارع المسلمين بيهجموا عليهم ويضربوهم مثلا حد سمع عن منع مصري مسيحي من المرور في الشارع ولا التنفس ولا السباحة ولا منعه من العمل ولا منعة من إصدار رخصة قيادة ولا عرقلة إجرائته الرسمية ولا منعه من الترشح في الدوائر الإنتخابية ولا منعه من السفر ولا منعه من الصلاة لمجرد إنه مسيحي حد يعرف مسلم أو غير مسلم بيجي على الفطار الصبح يكلوا إتنين مسيحين ويحلي بواحد صغير أنا ما بهزرش والله اللي يعرف يقول ولو فيه قولوا لإني ما عرفش بصراحة ومستغرب إضهاد إيه اللي بيكلموا عنه إضهاد إيه وكلنا سمع و رأى سيادة الرئيس محمد حسني مبارك وهو يشدد دائما على مبدئ المواطنة في حملته الإنتخابية الأخيرة وفي التعديلات الدستورية الأخيرة إضهاد إيه وأغلب المسيحين في مصر حطين على إيدهم وشم الصليب ومحدش بيكلمهم إضهاد إيه والولاد والبنات على حد سواء بيلبسوا الصليب ويعلقوه في سلاسلهم ومحدش بيكلمهم إضهاد إيه ولما تدخل أي محل مسيحي تلاقيه معلق صورتي (لمن يعتقدوتن) أنهم المسيح ومريم العذراء عليهم السلام إضهاد إيه وأي مسيحي بيبنه بيت بيحط على بوابة البيت صلبان وبعضهم بيزين سور البلوكونات بيه...؟! وأنا مرة كتبت على الموقع بتعهم إنته حد عارف فيكم إيه هي حقوق المسيحين في الشريعة الإسلامية اللي إنتوا بتقولوا إنها سلبت المسيحين أبسط حقوقهم لو حد عارف يبعت يقلي أو يكتب ويقول مصدره لإنه ممكن يكون جايبها من مكان غلط ومحدش رد خالص عليا طب منين مش عارفين إيه هي الحقوق اللي أقرها الإسلام لغير المسلمين عموما وبتقولوا إن الشريعة الإسلامية سلباكم أبسط حقوقكم المنظمة بتطالب أيضا ( بقيام دوله علمانيه يحكمها القانون وليست الشريعة الإسلامية .. الجميع متساويين في كل شيء .. لا مجال للدين في السياسة ..) بجد أنا مش عارف أعمل إيه غير الضحك يا إخوانا بالعقل كده تعداد مصر في أول يناير 2005 كان 73.67 مليون نسمة كم يبلغ تعداد المسيحين في مصر 25% مثلا (شخصيا أنا شايف إنهم أقل من كده بكتير ولايتجاوزا بأي حال من الأحوال 12%) بس خلينا نزود يبقى عددهم كام حوالي 19000000 نسمة طب هل ينفع عشان ربع السكان ألغي شريعة ودين ال 3 أرباع الباقية من الشعب ده بأي عقل وأي منطق الكلام ده لو شايفين إن ليهم حقوق مهضومة فحقهم كل الحق إنهم يطالبوا بيها ومحدش ييقدر يقول حاجة فهم أولا وأخيرا مصرين ولهم حق في وطنهم لكن إنهم يطالبوا بتغير شريعة بقيت الشعب ويمشوهم على مزاجهم فده اللي مرفوض شكلا وموضوعا وأسألهم بكل صدق وأمانة حيكون إيه رد فعلهم لو المسلمين في الغرب طالبوا بتطبيق الشريعة الإسلامية كنظام للحكم والتشريع في هذه الدول وهم -أي المسلمين - أقل من المواطنين المسيحين في هذه البلاد (وهو نفس وضع المسيحين هنا) إيه حيكون ردة فعلهم وحيقولوا إيه عليهم أسيب أي حد منهم يرد على نفسه. آخر حاجتين هذه التجمعات ومن على شاكلتها وللإمانة هم ليست بالشريحة الكبيرة أبدا من المسيحين ممن يقولون هذا الكلام إيه لازمة وما الداعي للإهانة إلى الإسلام ورسوله الكريم صلى الله عليه وسلم هل هذه هي أخلاق المسيح عليه السلام عندكم...؟! هل كان المسيح في دعوته عندكم يسب موسى ويوسف وإبراهيم عليهم جميعا الصلاة والسلام..؟! لما كنت بدخل على البال توك كانت غرف الدعوة للإسلام بتدعو بالدعوة الحسنة وحتى في المناظرات والله كان الكلام بالمنطق والحجة لكن لما كنت بدخل على بعض غرف المسيحين للإسف كانت كلها سب وشتم في رسول الله صلى الله عليه وسلم والإسلام وأنا ما بفتريش على حد البال توك موجود والغرف موجودة للي يحب يتأكد فإذا كنتم تطالبون بحقوقكم كما تدعون فما الداعي للسب والإهانة في الإسلام ورسوله صلى الله عليه وسلم إنت تطالب بقانون أو سياسة فاليه السب والشتيمة ليه ليه وصف الإسلام بالإحتلال الإسلامي لمصري وهو كان فتح وليس إحتلال أنا أعرف اللي بيطالب بحقة يطالب بأدب وأنا مش شاف أي تبرير لهذا الهجوم غير ضعف الحجة والدليل عندهم هما مش عارفين يقولوا إيه فبيشتموا وخلاص وإذا كنتم تدعون المطالبة بحقوق المسيحين في الشرق الأوسط فالمسيحين في فلسطين يبتسحلوا من قوات الصهاينة أفتكر قبل حوالي 7 أ 5 سنين لما مجاهدين لجؤا إلى كنيسة القيامة للإحتماء بيها من قوات الإحتلال ورفض رهبان الكنيسة بكل الطرق تسليمهم لقوات الإحتلال وفرض القوات حصار على الكنيسة بل قذفت بعض مناطقها واللي عرفته من أصدقائي المسيحين إن دي يمكن تعتبر أهم كنيسة في العالم المسيحي لا شوفنا مظاهرات ولا تنديدات ولا كلام عن الحقوق ولا شجب وإستنكار ولا جمعيات ومنظمات إتكونت ولا أي بطيخ ولا أملك إلا أن أفكر ضاحكا لو كان المسلمين هما اللي عملوا كده وقذفوه الكنيسة كان حيبقى إيه ردة فعل مسيحي الشرق والغرب وكلمة أخيرة لهذه المجموعات الصغيرة ومن على شاكلتها مصر بوتقة أنصهر فيها كل أطياف الناس على إختلاف مذاهبهم ودياناتهم مصر عاش وسيعيش فيها المسلم والمسيحي فأرضها واسعة وصدرها رحب وقلبها محب لكل أبنائها مهما كانت ديانته الإسلام دين سلام وتعايش ويعرف أكثر من أي ديانة أخرى حقوق الغير الإسلام أباح حرية العبادة والدين والكل (مسلم ومسيحي ) يعرف هذه الأية { لا إكراه في الدين قد تبين الرشد من الغي } (البقرة:256) والمسيحية عند من يعتنقوها دين تسامح ألا يتغنى المسيحيون بمقولة المسيح عندهم ( من ضربك على خدك الأيمن فأدر له خدك الأيسر) فأين هذا القول مما تفعلون يا من يدعون الدفاع عن المسيحية وأنتم أول من يخالف ما تقالون أنها تعاليم المسيح عليه السلام وعندكم في سفر الأمثال 29 : 25 ، متى 10 : 36 ، 37 ، وأننا سنقف أمام خالقنا يوم للمحاسبة دون أن ينفعنا مال أو أهل أو ولد فالأولى أن تنفذوا ما تقولون أنه تعاليم دينكم قبل أن تقولوا إنكم تدافعون عنها

22 comments:

mohamed يقول...

المسحين والكنيسة هما اللي بيختلقوا الازمة وبيصروا علي انهم يظهروا بمظهر المتهضين
عشان ياخدوا مكاسب من ورا دا

دا غير انهم عايزين يكدوا للاسلام اللي بيحقدوا عليه


كان معانا بنت في الجامعه مسيحية مكنتش تحب تقعد مع التكتلات بتاعتهم وتقولنا كل اللي جواهم سواد
لدرجة انهم اشتكوها في الكنيسة انها بتقعد مع مسلمين وانها بتتعامل معانا بطريقة كويسه من غير نفاق

The Rock يقول...

وهو ده اللي محيرني يامحمد

إيه المكاسب اللي عاوزنها من ورا كده وليه

بس للأمانة مش كل مسيحين مصر كده بالعكس أنا ليا والله أصدقاء مسيحين زي العسل

ولكن في نفس الوقت الهجمة دي

الهجمة على الإسلام ورسوله صلى الله عليه وسلم

والهجمة على النظام الإجتماعي والسياسي في مصر برضه مش قليلة وبتزيد من يوم ليوم

وإن كنت أعتقد إن مصدرها الرئيسي هو بعض المسيحين المصرين المقيمين في الغرب

وشكرا على مرورك والتعليق

عمرو فكرى يقول...

التدوينة دى عاجبانى جدا يا روك روك
بجد قلت كلام كتير كنت بقوله دايما ف الموضوع ده

safa7_karmooz يقول...

الاول امسك اللنك ده ليك انت وبس ...هات الصور بقى

http://meshmesh5000.blogspot.com/2007/08/2.html

---------------------------

نعمل كومنت ...

بص يا جميل هوا اغلبهم دلوقتى بيعترض لمجرد الاعتراض...سابولهم الحبل عالغارب

ومحدش بيكلمهم لو قالوا بم...بس للاسف مش عارفين يعترضوا بعقل او حتى بنضافه لازم يشتموا ولا يوسخوا ...ميعرفوش ان سيدنا محمد كان حليم بيهم ايام زمان...وميعرفوش ان ده دين وده دين...بس ربنا واحد ...

لكن للاسف الحقيقة غائبة عنهم كلهم جدا جدا...

وشايفينا نايمين وساكتين انهم بيخبطوا ويرزعوا زى ماهما عاوزين واحنا طبعا لازم نسكت...بس كويس انه فى ناس لسه صاحية

من فترة عند مدون كتب انتصار للمسيحية منذ نزولها عشان واحد ارتد عن الاسلام والمفروض يتقتل ...

بس اصلا خلفية الواد اللى ارتد ده عارفه انه بتاع فلوس...يعنى حد جالك وقاله ادخل كذا ...وهديك 10 الاف هيدخل عشان زى الكلب بيجرى ورا فلووس مش قضية دين...لذا بالهنا والشفا ليهم بيه

break يقول...

حلو اوى اسم البوست
احنا عندنا على اول الشارع كنيسة مكنش حد بيسمع بيها
تانى سنة بئت تفتح وجرس وحاجات كدا
تالت سنة بنو دور تانى
السنة دى بئت فيها حضانة للمسيحين بس و ميكرفونات و قصص
و بسمع من البيت هنا عيد ميلاد سعيد للمسيح !
و الغريب انه كل يوم

catroz يقول...

بيحاولوا يثبتوا وجودهم بأى طريقه
حتى لو غلط
و كل طرقهم دلوقتى غلط و خلاص
مش فاهمه معظمهم عايشين ازاى
بس مش كلهم كده
لكن الاغلب كده
معندهمش ضمير ولا اخلاق
بيثبتوا وجودهم بأسوا الطرق و على حساب الغير
دى عقده نقص عندهم

The Alien يقول...

هو من ناحية فيه تمييز ففيه تمييز
والتمييز من الطرفين
تلاقي المسيحي ينحاز بدون تفكير للمسيحي
وتلاقي المسلم ينحاز بدون تفكير للمسلم
وكله بسبب إننا بندخل الدين في تعاملاتنا مع بعض
يعني أول حاجة بيفكروا فيها هي إنت أو إنتي ديانتك إيه
وهو دا اللي لازم يتغير عشان الحال يتعدل

بالنسبة لموضوع الدولة العلمانية
فدا مش مطلب للمسيحيين
والعلمانية ملهاش علاقة بالدين
العلمانية غرضها فصل الدين عن السياسة
ودا مطلب منطقي وضروري وناس كتير بتطالب بيه

بالنسبة لموضوع الشتايم
أنا أقولك ليه المسيحيين بيشتموا ف الإسلام براحتهم
ببساطة لإن مفيش حد بيعترف باللي بييجي بعده
يعني اليهودية مش بتعترف بالمسيحية
والمسيحية مش بتعترف بالإسلام
وهكذا
فتلاقي المسيحي يشتم ف الإسلام وهو مرتاح الضمير
لكن المسلم ميقدرش يشتم ف المسيحية عشان هو معترف بيها ودينه بيحترمها

بس أكيد دا مش سبب لقلة اﻷدب
يعني ممكن جدا الناس تتكلم بإحترام وتعرض اﻷفكار وتطالب بحقوقها من غير تعدي علي معتقدات حد

مصر بلد حلوة وناسها طيبين
كل اللي بيحصل دا شغل سياسة

تحياتي

hana يقول...

مدونة جميلة
وبوست رائع بجد
كل اللى فيه أنا باقولة كماان
أنا شايفة انه المسحيين فى كصر
أخدين حقوقهم وزيادة
دة الكنايس مليه الدنيا حوالينا
وكل شوية بتتبنى لهم واحدة ورا واحدة


احييك على البوست الروعة
تحياتى

أنا حر يقول...

الموضوع كويس قوي بس في شوية حاجات لازم تتوضح انا فعلا متفق ان كلمة اضطهاد بتستخدم من جانب المسيحيين عمال على بطال علشان يضغطوا على رجال السياسة ويحصلوا على تنازلات اكتر بس الموضوع ملهوش علاقة بالعلمانية من قريب او من بعيد انا ارجل علماني مسلم الديانة عمر العلمانية مل بتلغي الدين وكلمة فصل الدين عن الدولة دي مش كفر وزالدولة المدنية دي قمة التحضر الدليل على كده ان اوروبا علمانية وفيه مسلمين كتير عايشين ومبسوطين هناك صحيحي في بعض تجاوزات معاهم بس ده من بعض الناس مش تجاوزات دايما من الحكومات
الموضوع علشان يريح المسلمين والمسيحيين لازم نلغي التكتلات ونذوب دول في دول يعني نقنن كل شيء بشكل موحد على المسلمين والمسيحيين علشان في الاخر الكل يتساوى قدام القانون وده على فكرة هي المواطنة
تحياتي

غير معرف يقول...

أولا تسلم كده يارب.. وجهة نظر رائعة أقرب ما تكون إلى الحقيقة فى نظرى

ثانيا الدولة لما تكون ضعيفه كل الزبالة تطلع ع الوش

ثالثا بقى غير ان المسيحيين مزقوقين من ماما أمريكا عشان تعمل فتنة طائفية ف مصر..أنا متفقة معاك تماما ف إنهم زودوها أوى و إنهم واخدين أكتر من حقهم.. بس احنا نستاهل.. احنا مش بنتعامل مع بعض بتماسك زيهم.. عمرك شوفت شحات مسيحى؟؟لأ طبعا.. ليه؟ عشان غصب عن عينهم الكنيسة بتاخد من فلوسهم و تدى المحتاج منهم بردو.ياريتنا بنعمل كده كلنا.
عارف اننا كمسلمين مش متطرفين بطبعنا و الدليل على كده ان لما حد يروح مستشفى يتبرع بيتبرع للمرضى كلهم سواء مسلمين أو غير مسلمين إنما همه لما بيحبوا يتبرعوا مثلا بيتبرعوا ف الكنيسة حضرتك.. عشان مضمون الفلوس حتروح لأخوه ف المسيحية المحتاج مش للأخوة الأعداء.

لسه حنشوفهم كمان و همه بيحاولو تغيير كل حاجه اتعودنا عليها ف البلد مع انى متأكده تماما ان مفيش مسلم عادى -أقصد مش متطرف يعنى- بيعامل المسيحيين باستقصاد أو تفرقة.

الأجيال الجديده منهم شربوهم الغباء و التفرقة..اتربوا على كلمة احنا و انتو و الدليل على كده انك متشوفش مسيحى أكبر من 40 أو 50 سنة بيقول انتو أو بيفرق بين المسلمين و المسيحيين إلا نادر أوى..

ربنا يهديهم و يقوينا عليهم..اللى يستاهل منهم طبعا.

بوست جامد جامد يا روك

The Rock يقول...

عمرو فكرى

مشرفنا ومنورنا هنا في بلوجنا المتواضع

وبصرة حلوة إننا متفقين في الرأي



====================================

safa7_karmooz

أولا شكرا على الإعلان ياكبير السفاحين

وبالنسبة للبطيخة اللي أرتد ده

انا شايف إن موضوعه منتهي وهو تطبيق حد الردة عليه

بس مش عارف الهيئات القضائية والدينية كمان للأسف بتماطل ليه

مع إن النص صريح جدا في مثل هذه الحالات

===================================

break

شكرا على تعليقك الجميل

وكويس إن إسم البوست عجب حد لإني كنت محتار أسميه إيه

وأتمنى بجد إنهم يرمونا من الكلام ده ويدونا break

The Rock يقول...

catroz

هي فعلا عقدة نقص

لكن مصاحب ليها فكرة "نزيط في الزيطة"
بمعنى إن العالم الغربي معظمه للأسف بيسئ للإسلام والمسلمين وبيصورهم على إنهم إرهابين
فا أفتكر إن البعض منهم هنا قال هي جت علينا إخنا

مه كله شغال يشتم

خلينا ندوس إحنا كمان

===================================

The Alien

أهلا بيك هنا وإن كنت أختلف معاك في إن العلمانية مطلب ضروري

وحبقى أشرح ده في بوست منفصل قريب إن شاء الله

لكن برضه تظل وجهة نظرك وتحترم طالما كان التعبير عنها في حدود الأب واللياقة وده اللي بقول عليه في البوست

عبر عن رأيك أو طالب بما تعتقد إنه حق

بس من غير قلة أدب ولا تعدي على الأخرين ولا بروباجندا مزيفة

===================================
hana

شكرا على كلامك الجميل

وشرفتينا هنا في مدونتا

ويارب تتكرر الزيارة

The Rock يقول...

أنا حر

أهلا بيك معانا

شكرا على مرورك وأقلك نفس الكلام اللي قلته لThe Alien

وياريت تكونوا موجودين في الموضوع اللي حتكلم فيه عن العلمانية

حتى تكون وجهتي النظر موجودة المؤيد والمعارض

===================================

Queen eraser

أولا شكرا على الكلام الجميل

وعلى مرورك هنا

وعلى فكرة مدونة حضرتك جميلة وضفناها عندنا ده بعد إذنك طبعا

وفعلا كلامك مظبوط هي الحركة دي منتشرة جدا بين شباب المسيحين

وكأن في حملة منظمة

كتير من قرايبي بيجي يقلي إن صاحبي
ويكون مسيحي يقولوا أي لصديقي أو قريبي إنته دينكم في كذا وكذا غلط

والجرأة دي ماكنتش موجودة أبدا أبدا زمان من 7 سنين بس

لكن في حاجة أتغيرت

وفي شئ مدبر

ويارب يلطف بمصر وبناسها

أجدع ناس

barbie girl يقول...

طيب لما الولد اللى اسمه محمد بقى مسيحى ايه اللى جرى؟

قالو الدين الاسلامى بيقول لكم دينكم ولى دين

وان حد الرده مش منطبق عليه لانه ليس من وراءه ضرر وكلام من دا

ولما بنتين مسيحيتين اسملوا عملوا ايه؟؟

الكنيسة والدولة قلبوا الدنيا عشان يرجعوهم لديانتهم وفعلا رجعوهم للمسيحية تانى

يبقى فين الظلم دلوقتى

-_- يقول...

لا تنسى مطالبتهم بتغير العلم و حذف كلمة العربية من اسم جمهورية مصر العربية لتصبح الجمهورية المصرية على اساس انهم ليسوا عربا بل المسلمين المحتلين هم العرب و انا اتساءل

هل لدى المسلمين في مصر وضع شعار اسلامي على علم الجمهورية مثل لفظ الجلالة او الشهادة مثلا ؟

الجواب

طبعا لهم الحق , و انظر الى اعلام اغلب الدول الاوروبية لتجد الصليب هو رمز الدولة رغم ان عدد المسلمين يتجاوز نسبة ال 6 % بكثير و هذه هي نسبة المسيحيين بجميع طوائفهم كما حددتها وكالة الاستخبارات المركزية الامريكية

safa7_karmooz يقول...

ايه يا سمسم ...ولا يا باربى...مش هنشوف بوست جديد ولا ايه؟؟؟

Foxology يقول...

مش هقول غير ... الله يفتح عليك وتسلم اديك

سجدة يقول...

كله بثمنه

حسن ارابيسك يقول...

الحقيقه
المواضيع الشائكة حينما يتم تناولها بشكل جيد وحيادي وبعيد عن التحيز والعنصرية بيقى هايل

the others يقول...

انا شايفة ان الاضطهاد هو اضطهاد من الحكومة للشعب سواء كان مسيحي او مسلم
وشايفة ان المسيحين غلطانين لو كانوا فاكرين ان أمريكا بتدور على حقهم

غير معرف يقول...

السلام عليكم ورحمة الله وبركاته ...بجد انا فرحانه جدا ان لسه في حد بيفكر في دينا اوي كده لان حسه ان الفتره دي انتمائنا لدينا قل اوي علي عكس الجانب الاخر واللي انا شايفها من ساعة مادخلت الكليه لاني انا ماكنتش ليه تعامل معاهم خالص ان هم بيحاولوا بكل الطرق يقربوا اوي من بعض وعلطول في حفلات في الكنيسه وعلي فكره ممكن مع بعض مايبقوش كويسين لكن لما حد بيجي علي حد فيهم بيبقوا ايدواحده ... بس انا بتمنالهم الهدايه من كل قلبي وخصوصا حد معين مش عارفه ليه ممكن لانه مختلف عنهم وانامستخساره فيهم فانا مملكش الا اني ادعيله بالهدايه وفي الاخر ربنا يهدينا جميعا

حبة حاجات (ايمان) يقول...

انا علا مش فاهمه هما عايزين ايه مننا
بس ياجماعه مش كلهم برضه

فى منهم اللى مش بيعجبهم العجب وحاسين ان فى تمييز ودول طبعا ليهم مصالح تانيه غير الدين بتاعهم

بس رجاء منى مانحولش نزيد الطين بله بينا وبينهم مصر مش ناقصه

تحياتى