BLOGGER TEMPLATES - TWITTER BACKGROUNDS »

٢٥‏/٠٦‏/٢٠٠٩

كيف تختارين شريك حياتك؟

من تحب الجود والكرم..تأخذ سعودي

من تحب النفخة...تأخذ تركي

من تحب الرزانة.....تأخذ انجليزي

من تحب الجبن...تأخذ فرنسي

من تحب الصبر والجلد...تأخذ هندي

من تحب قلة العقل...تأخذ صيني

من تحب التكنولوجيا...تأخذ ياباني

من تحب الجاذبية...تأخذ اسباني

من تحب المكرونه...تأخذ ايطالي

من تحب البساطة...تأخذ هولندي

من تحب الدلال...تأخذ لبناني

من تحب السحر...تأخذ مغربي

من تحب ثقل الدم..تاخذ اردني

من تحب الكسل.....تاخذ سوداني

من تحب النكد...تأخذ فلسطيني

من تحب الوسامة تأخذ سوري

من تحب الفلوس....تاخذ قطري

^ ^

^

^

واللي عايزة بس الاجر تاخذ

مصري

ولها الثواب إن شاء الله

٢١‏/٠٦‏/٢٠٠٩

مراتك وللا شغلك؟؟

وصلنى ميل دمه خفيف كدا قلت انزله هنا ::::::: اعترافات موظف مصري ذو خبرة طويلة > >مراتك ... ولا ... شغلك ؟؟؟ > > (الجواب تحت) > >كل نساء العالم يتهمن أزواجهم بأنهم بيحبو الشغل أكثر منهم. وأنا (الموظف المصري) اصالة عن نفسي ، ونيابة عن الرجال ، أعترف بأن هذا صحيح ... صحيح ..... صحيح. ليه؟؟؟ لي أسبابي ، ومبرراتي ، التي أرجو منكم التفكير فيها بعين العقل : > > > >أولا: الشغل بيصرف عليّ ، بس أنا اللي أصرف عليها!!! > > > >ثانيا: في الشغل ممكن تزعّق براحتك ، وزعيقك يجيب نتيجة. مع مراتك ، صعب انك تزعّق براحتك ، ومهما زعّقت ، مش هيجيب نتيجة ..... > > > >ثالثا: ممكن تزوغ من الشغل في أي وقت من غير ماحدّياخد باله أو حدّمن الزملاء يغطّيك ، أنما تزوغ من مراتك ؟ هيهات ... أنسى > > > >رابعا: في الشغل ، عندك مدير ، ممكن ترضيه لو اشتغلت كويس. إنما مراتك لو عملت قرد ، حمار ، أي حاجة ، مش ممكن ترضيها !!! > > > >خامسا: في الشغل ، من حقّك تأخد أجازه ، دا غير يوم الجمعة والعطلات الرسمية، أنما مع مراتك ، مش ممكن تاخد إجازه. بالعكس ، دانت لازم تلزق فيها يوم إجازتك ، وإلا يبقى نهار اهلك مالوش ملامح !!! > > > >سادسا: في الشغل ، ممكن تترقى و تاخد منصب بيه وباشا كمان ، ويبقى لك مكتب لوحدك ، ومراسل ، وسكرتيره خاصة ، والكل يضرب لك تعظيم سلام. في البيت ، حتعيش زوج ، وتموت زوج ، واللقب الوحيد اللي ممكن تاخده لما تنادى عليك مراتك وتقولك: يابابا ، أو ياحاج. ولما تعجز ، تقولك: يابركه. > >سابعا: الشغل ، لو زهقت منّه ، ممكن تسيبه بدون مشاكل وبسهوله. أنما مع مراتك ، لو روحك طلعت ، لازم تحطّ في بقّك كوتش ، وتفكّر مليون مره في المحاكم ، والمؤخر ، والنفقة والعيال. > > > >ثامنا: في الشغل ، لو سبته ، أو بلغت سن المعاش ، بتاخد مكافأة كبيره ، ومعاش ، وحفله تكريم. أما مراتك ، لو سبتها قبل ماتموت ، أنت اللي حتدفع مكافأة ومؤخر ونفقه ، وشقه كمان ، وتتحبس لو ما دفعتش > > > >تاسعا: ممكن تغيّر شغلك وتتنقل لغيره لو لقيت شغل أحسن منه ، في حين أنك طووول الوقت بتشوف بنات أحلى ميت مره من مراتك بس ماتقدرش تغيّرها !!! > > > >عاشرا: في الشغل ، متأمن عليك عشان لو حصل لك حاجه. ولو حصل لك حاجه ، مراتك هي اللي هاتقبض التأمين > > > >في النهاية: بتحب مين أكتر ، مراتك ولا شغلك ؟؟؟ أكيد مراتك أحسن يوقع الايميل ده في ايدها ... تبقى مصيبة

١٩‏/٠٦‏/٢٠٠٩

A new post from Eno

أولا وقبل أى شىء عايزة أقول ألف ألف ألف مليون مبروك لأجمد منتخب فى الدينا

مبروووووووك لكل المصريين

ومن انهاردة مفيش برازيل ولا ايطاليا عشان منتخبنا هو الحكومة هههههه

بجد فرحانة اوى اوى بفوز المنتخب

ويارب يارب نكسب أمريكا كمان

عشان الكورة دى هى فرحة المصريين الوحيدة ويارب يفرحنا كلنا كمان وكمان

وكمان عايزة اقول كل سنة وانت طيب يا كابتن حسن شحاتة عشان عيد ميلاده انهاردة بجد تستاهل التهنئة وفوز المنتخب هو اجمل هدية لعيد ميلادك

.............................

ثانياً بأشكر إينو صاحبة مدونة رقة احساس على تمرير التاج ليا

اسمك ؟؟ باربى جيرل.. الحقيقى إيمان سنك ؟؟ 23 سنة اسم مدونتك ؟؟ أوقات فراغ مجال درستك ؟

انا خريجة كلية الالسن قسم لغة ألمانية ولغتى التانية الانجليزية

مترجمة يعنى يلا حد عنده شغل فى أى مكتب ترجمة .. حسنة قليلة تمنع بلاوى كتير ههههه صورتك الرمزيه في المدونه بتعبر عن ايه ؟؟ بتعبر عنى أنا وخطيبى ( وش ومكسوف) هل فكرت في اغلاق مدونتك ؟ والسبب؟ لا.. أنا بحب المدونة دى أوى.. حتى لو قررت بعد الشر يعنى انى مكتبش فيها فهسيبها مفتوحة بردو ايه رد فعلك لو حد قل ادبه عليك في المدونه ؟ همسح الرد بتاعه اسوأ مدونه دخلتها؟ مرة حد زمان دخل رد فى مدونتنا ولما دخلت مدونته لاقيته واحد ملحد ينكر وجود الله .. دى كانت أسوأ مدونة دخلتها فى حياتى بس مش فاكرة اسمها هيحصل ايه لاايميلك بعد لما تموت ؟ هيموت هو كمان عطيت الباسورد لحد قبل كده؟ أه.. مع خطيبى السفر بالنسبه لك؟ بحبه شعان ممتع وبخاف منه فى نفس الوقت من كتر ما بشوف حوادث طرق فى التليفزيون بقيت بخاف شوية المود بتاعك ايه ؟ متقلبه شوية رايقة وشوية رخمة بتعمل ايه في وقت فراغك ؟ بقرأ قران

بقرأ اى كتاب خاصة الروايات

بقعد على النت

برخم على اخواتى

بترجم اى خبر يشدنى الاكلات المفضله ؟؟ الجمبرى

الحمام المحشى بالفريك

الديك الرومى والبط المشوى

الرز بالكارى الصفات اللي اخدتها عن ولدك ؟

الصلاة فى موعدها العصبية الصفات اللي اخدتها من ولدتك ؟ الصبر.. بنحب اللون الموف.. الهدوء اكتر ست حاجات بتحبهم ؟ البحر

القران

الضحك

الهدوء

التغيير

الترجمة اكتر ست حاجات بتكرهم ؟ الكدب

إسرائيل

كل الدول اللى تكره مصر انا بكرهها

الحكام بتوع ماتش مصر وايطاليا امبارح كانوا عنصريين جداً

الكبر

القسوة

شخصيتك نوعها ايه ؟؟ هادية لماذا دخلت عالم التدوين من الاساس ؟ عشان نكتب اى حاجة جوانا فى اى موضوع يخطر على بالنا

احلي جمله قيلت في وصف مدونتك ؟ أنها مدونة ثرية وموضوعاتها شيقة اهميه التعليقات بالنسبه لك ؟ أكيد بحبها عشان بحب اعرف الاراء المختلفة فى موضوعاتنا حتى ولو كانت ضد أراءنا احلي بوست كتبته وضع اللينك مع ذكر السبب ؟ اكيد كل الحاجات اللى بكتبها عسولة هههههه دا طبعاً تواضع منى

بس اللى فاكراه دلوقت هو موضوع افضال عمرو خالد عليا كتير

http://spare-times.blogspot.com/2009/06/blog-post.html افضل مدونه قرائتها ؟ كل المدونات اللى باتباعها وبرد فيها اكيد بحبها

بس من اكتر المدونات اللى بتضحكنى مدونة عايزة اتجوز باتابعها من زمان وبتموتنى من الضحك الشغل بالنسبه لك ؟ لو فى مجالى هحبه ولو غير كدا يبقى مش عايزاه

اهمية الانترنت بالنسبه ليك ؟ عالم مفتوح بحبه وبقى حاجة مهمة جدا بالنسبة لى تمرر التاج ده لمين ؟؟

سمسمة 28

اميرة الغروب" برنسيس"

MǿиY El-Shreef

:( ELMASRYA - MRS WRITER

لفراشة الصغيرة

الست فرويد

١٨‏/٠٦‏/٢٠٠٩

ليه خلينا ربنا أهو الناظرين الينا؟؟

والله بقينا معندناش دم

ايوة بجد معندناش دم

حياتنا بقت معاصى فى معاصى

ناكل ونشرب وننام+ نعصى ربنا

وكأن دا بقى من أساسيات يومنا

استحلينا الحرام وبقينا نقول عادى

مش عارفة من امتى بس بقى الحرام عادى

هو احنا بنعمل المعصية واحنا فاكرين ان ربنا مش شايفنا؟؟

بجد دى كارثة لو كان فكرنا هو كدا هو ان ربنا مش شايفنا او مش هيحاسبنا

١٤‏/٠٦‏/٢٠٠٩

How to protect yourself & others from H1N1

قد تبين وصول هذا المرض إلى مصر والبحرين والإمارات والسعودية ، ومن المهم جدا اتخاذ الاحتياطات لدينا ، وحتى نكون حذرين يرجى اتباع التعليمات المدرجة ادناه والصادرة من منظمة الصحة العالمية

١٣‏/٠٦‏/٢٠٠٩

إذا دعتك نفسك إلى معصية الله فاعصه

ذا دعتك نفسك إلى معصية الله فاعصه ولكن اليك خمسة شروط ! أقبل رجل إلى إبراهيم بن أدهم .. فقال : يا شيخ .. إن نفسي .. تدفعني إلى المعاصي .. فعظني موعظة! فقال له إبراهيم : إذا دعتك نفسك إلى معصية الله فاعصه .. ولا بأس عليك .. ولكن لي إليك خمسة شروط قال الرجل : هاتها! قال إبراهيم : إذا أردت أن تعصي الله فاختبئ في مكان لا يراك الله فيه! فقال الرجل : سبحان الله ..كيف أختفي عنه ..وهو لا تخفى عليه خافية! فقال إبراهيم : سبحان الله .. أما تستحي أن تعصي الله وهو يراك .. فسكت الرجل ..

ثم قال :

زدني!

فقال إبراهيم : إذا أردت أن تعصي الله .. فلا تعصه فوق أرضه

فقال الرجل : سبحان الله .. وأين أذهب .. وكل ما في الكون له!

فقال إبراهيم : أما تستحي أن تعصي الله .. وتسكن فوق أرضه ؟ قال الرجل : زدني! فقال إبراهيم : إذا أردت أن تعصي الله .. فلا تأكل من رزقه فقال الرجل : سبحان الله .. وكيف أعيش .. وكل النعم من عنده! فقال إبراهيم : أما تستحي أن تعصي الله .. وهو يطعمك ويسقيك .. ويحفظ عليك قوتك ؟ قال الرجل : زدني!

فقال إبراهيم : فإذا عصيت الله .. ثم جاءتك الملائكة لتسوقك إلى النار .. فلا تذهب معهم!!

فقال الرجل : سبحان الله .. وهل لي قوة عليهم .. إنما يسوقونني سوقاً!!!!! فقال إبراهيم : فإذا قرأت ذنوبك في صحيفتك .. فأنكر أن تكون فعلتها! فقال الرجل : سبحان الله .. فأين الكرام الكاتبون ... والملائكة الحافظون .. والشهود الناطقون ثم بكى الرجل .. ومضى .. وهو يقول : أين الكرام الكاتبون .. والملائكة الحافظون .. والشهود الناطقون!!!!!

٠٩‏/٠٦‏/٢٠٠٩

حلقة عمرو خالد مع عمرو أديب حول منعه من الفضائيات المصرية

عمرو خالد ليس ممنوعاً من الدخول او الخروج من مصر ولكن برامجه هى اللى اتمنعت من على الفضائيات المصرية.. عشان كدا المحور والحياة اعتذروا عن عرض برامجه عليهم.. عموماً احنا هنتابعه حتى لو اتعرض على الاوربى..

دى لينكات حلقة عمرو خالد مع عمرو أديب حول منعه من الفضائيات المصرية http://www.youtube.com/watch?v=ufXllDdj3QA ــــ http://www.youtube.com/watch?v=ZjNImg-iN8o ــــ http://www.youtube.com/watch?v=VuB0d3qVNsA ـــــ http://www.youtube.com/watch?v=aVBC5hz6PTI ـــــ http://www.youtube.com/watch?v=RgckFDAilv4 ــــــ http://www.youtube.com/watch?v=spKnu6hRzEE

٠٥‏/٠٦‏/٢٠٠٩

أفضال عمرو خالد عليا كتير

أعتقد إن الاستاذ عمرو خالد أفضاله على كتير من جيل الشباب دا.. وأنا بأعترف إن أستاذ عمرو خالد أفضاله عليا أنا كتير أوى أوى.. ليه كل لما يجى يعمل خير توقفوه؟ وليه كل لما يلتف حواليه الشباب تطردوه؟؟ وليه منع برامجه من على الفضائيات المصرية أصلاً.. ونرجع ندعى ونقول إحنا دولة ديمقراطية!! طيب يعنى إيه ديمقراطية فى دولة الفساد فيها باقى والخير فيها بيتهاجم بالشكل دا؟؟

شوفوا عندنا كام قناة فضائية عربية مليانة بالعرى والخلاعة والأغانى اللى كلها إيحاءات جنسية ؟؟!! كاااااام؟؟ عددهم أد إيه؟؟ وشوفوا فى المقابل فى كام قناة دينية متشددة مبتتكلمش غير على اللحية والنقاب واللبس الأسود ويتتكلم عن أهمية إن البنات يبقوا متخلفين وميكملوش تعليمهمظ؟؟ فضائيات مليانة ببرامج كلها صراخ ونواح فقط دون أن تجذب الشباب إلى فعل الخير والى تحويله إلى واقع عملى!!

ولما يجيلنا دعاة جدد محترمين أمثال الأستاذ عمرو خالد ومصطفى حسنى نلاقى الكل شد الهجوم عليهم وكأنهم عملوا كبيرة من الكبائر.. كل دا ليه؟؟ لما الاستاذ مصطفى حسنى عمل حلقة البدعة الاف الناس هاجموه.. وطلعوا فيه هو نفسه البدع.. أنا بقول لكل اللى هاجموا أستاذ مصطفى حسنى كلكم غيرانين منه.. موتوا بغيظكم .. كل ما بتهاجموه بردوا بتزادا شعبيته وبتعملوا له دعاية أكتر لبرنامجه" خدعوك فقالوا"

وأستاذ عمرو خالد الانسان المحترم اللى شغال فى التنمية بالإيمان واللى ملتف حواليه ملايين الشباب فى العالم العربى المتعطشين لإصلاح أنفسهم ومستعدين لفعل الخير كمان منعتوا برنامجه من الظهور على الفضائيات المصرية فى رمضان.. الله حرام عليكم.. قال يعنى مفيش فضائيات تانية غير مصرية.. ما أكثر الفضائيات المحترمة اللى ممكن تتبنى برنامجه.. أنا من طقوسى الثابتة فى رمضان إنى أصلى التراويح ولما أرجع من الصلاة أتفرج على برنامج عمرو خالد ..وأكيد مش أ،ا بس أكيد فى زيى الملايين اللى بيستنوا برنامجه فى رمضان.. ودا أكبر غباء من التليفزيون المصرى انه يمنع برامج استاذ عمرو خالد..

لما سمعت خبر منع برنامجه فى رمضان قعدت أفتكر زمان من أيام ثانوى يعنى من حوالى 8 سنين لما كنت فى سنة تانية ثانوى وكنا فى حصة الدين ومدرس الدين كان بيكلمنا فى وسط الحصة عن شريط سمعه من أستاذ عمرو خالد ودى كانت أول مرة فى حياتى أسمع اسم عمرو خالد وبعد كدا بقيت أسمع له وأشوفه فى التليفزيون.. ساعتها مكانش عندنا دش وكان من الأسباب اللى خلتنا نجيب دش هو اننا عايزين نشوف برامج عمرو خالد..

وسنة ورا سنة بقيت متابعة برامجة وكلنا فى البيت كدا..

ولما قعدت أفتكر أنا اتعلمت من عمرو خالد ايه.. لاقيتنى بقول لسة طوييييييييييييييييله أوى اتعلمتها من برامجه..عرفت إن أفضاله عليا كتير

اتعلمت من عمرو خالد

1_ أهمية صلاة الفجر.. لأنى مكنتش بصليه فى معاده.. كنت بصليه لما أصحى.

2_أهمية صلاة الضحى

3_ الأذكار

4_إزاى اختار شريك حياتى..وطبقت كلامه لما جيت أختار خطيبى من غير ما أقوله ههههه

5_ حدود العلاقة بين المخطوبين

6_ اتعلمت أبوس إيد ماما

7_العفو عند المقدرة

8_ ما أتنازلش عن حقى

9_أكون مسلمة شيك ومش معنى التدين ان الواحدة تكون مبهدلة فى نفسها

10_عرفت ان سيدنا محمد كان بيحب زوجاته وبيلعب معاهم ودى كتير منننا ميعرفوهاش وفاهمين ان الدين هو عبوس وكراهية

11_ صلاة القيام ولو ركعتين

12_ الدعاء والالحاح فى الدعاء

13_ أحب شهر رمضان وأستناه واستعد له من سنة لسنة.. بعد ما كان رمضان عندنا هو نوم وتليفزيون وأكل بعد الفطار وحلويات وبس

14_ اتعلمت أحط نية كويسة وانا باعمل أى حاجة عشان أثاب عليها.. يعنى لو حضرتلهم الفطار فى رمضان أحط نية إفطار صائم.. ولو جهزت الغدا فى غير رمضان أحط نية بر الوالدين عشان اخد ثواب حتى على تحضير الأكل.

15_ أهمية صلاة الجماعة مع أهلى بالبيت.. مكناش بنصلى جماعة أبداً ودلوقتى بقيت لما أجى أصلى أنادى أى حد منهم يصلى معايا.

16_ الصبر

17_مناجاة ربى

18_أكون قوية طالما معايا الحق

19_ أهمية القراءة.. ولو كانت حتى بسيطة

20_ قراءة ورد من القران

اتعلمت حاجات كتير أوى .. لو قعدت أعدهم مش هخلصهم

وفى النهاية مفيش بإيدى حاجة أساعده بيها غير انى أدعى لأستاذ عمرو خالد بإن ربنا يفرج كربه وياريت كلنا ندعيله.. لأن أفضاله على ناس كتيييييييييييييييييييير