عمرك أتمنيت إنك متفكرش؟
عمرك حسيت إنك تعبان من كتر ما مخك شغال وعقلك بيفكر؟
بفكر فى مليون حاجة..دماغى وجعتنى ..لدرجة انى بقبت بحسد الناس اللى مش بتفكر.ز
من عادتى انى باسمع اكتر مما باتكلم بكتير ..ومن كتر ما بسمع وبشوف ..بقيت افكر افكر فى كل حاجة!!بقيت اقارن
بينى وبين اى حد بيلفت نظرى..فى الاخر بتكون النتيجة ان الناس كلها مش ذى بعضها..
احيانا بحس انى نفسى ابقى خليط من شخصيات مختلفة..
هو ينفع كدا؟؟
*****
عرفت صحفية صغنونة كدا فى روزاليوسف..هى بنوتة عسولة..قوية جدا..ذكية جدا جدا..واثقة فى نفسها
مووت..بقينا اصحاب فى فترة قصيرة اوى..اثناء كلامنا مع بعض علمتنى حاجات من غير ما تقصد ومن غير ما انا
اقصد كمان..لانى لاحظت انها مختلفة عن ناس كتير فى العصر دا..دماغها مركزة فى الشغل اوى ..وساعات نومها
قليلقة جدا جدا جدا..فى الوقت اللى فيه ناس كتير كسلانين وعاوزين كل حاجة تجيلهم لحد عندهم..لاقيتها مختلفة
وواقوى حتى من الولاد اللى فى سنها ..كلامها معايا علمنى الجدية ..يعنى اكون جادة فى اى حاجة باعملها..يعنى وقت
الجد جد ووقت الهزار واللعب هزار بضمير هههه
لكن بعد كدا قعدت افكر..ياترى شخصية قوية زيها ممكن ان يقبلها الرجل زروجة له؟؟
اعتقد أن الرجل يستمتع بقوته وسيطرته ولا يقبل له ندا..
هل هيقدر رجل يتحمل ان تكون له زوجة بهذا الذكاء؟؟
طيب بعد كدا جه فى مخى سؤال تانى..هل ممكن ان يغنى الشغل عن الحب والحياة الاسرية الدافئة؟
*****
عرفت بنوتة تانية صاحبتى فى الكلية..دى بقى عكس الالى خالص..لانها مستعدة تضحى بمستقبلها العملى وتتفرغ فقط
من أجل ان يكون لها حياة أسرية دافئة وناجحة..لدرجة انها بدأت من دلوقتى انها تقرأ فى علم النفس وفى كتب عن
تربية الاطفال عشان عاوزة اولادها يطلعوا جيل صالح..مع العلم انها مخطوبة فقط ..
وأصبحت كل حاجة بتعملها فى حياتها متعلقة بانها هيبقى لها اسرة صغنونة فى المستقبل ولازم الاسرة دى تنجح
ودى بقى علمتنى بردوا من غير ما تحس اهمية ان الانسان لو عنده اسرية ورعية هو هيبقى مسئول عن الاسرة دى
ولازم يبذل كل جهده من اجل نجاحها..
*****
عرفت بنات تانيين كل همهم الاهتمام بجمالهم فقط
وشكلهم ولبسهم واهمال اى حاجة تانية فى الدنيا..
مش مهم ثقافة..ولا دين..ولا ادب..ولا حب..ولا اى حاجة
دول نموذج غريب شوفته بردو
عجبنى فيهم اهتمامهم بنفسهم
بس رافضاهم كنموذج كدا ذى ما هم
*****
هههههههههههههههه
حاسة انى بقيت متخصصة فى انى اخد بالى من تصرفات كل حد
يمكن لانى عاوزة ابقى حد كويس اوى
مش عارفة دا ينفع وللا ايه؟
انا قاعدة احكم على كل حد باتعامل معه وبانتقد كل حاجة ..
ياترى مين بينتقدنى ومين قاعد يقول باربى دى شخصيتها عاملة كذا وكذا
بس البنت دى رخمة وبتعمل كذا وكذا
باين عليا مخى ضرب بوووم
23 comments:
الاولاد زي البنات كل واحد فيهم له ميول واهتمامات مختلفه,المراه مثلا قد تري في طموحاتها او شغلها هما الغايه ووصولها لهذه الغايه قمة نشوتها وسعادتها مع اني شايف ان الاسره تشكل اهميه كبري لدي المرأه حتي التي بتدعي بان شغلها اهم عندها من اي شئ ,اعتقد ان طبيعة المراه تميل الي الاسره والبيت والاطفال حتي ولو ادعت بان شغلها يحتل رقم واد في اولوياتها
انا متفقه معاكى ياايمى..انا برده لما اتعرفت ع صديقتنا الصحفيه حسيت بكل حاجه انتى حسيتىبيها...الناس فعلا مختلفه اخلاقهم تفكيرهم احتياجتهم..:ل واحد مش زى التانى وانتى مش هتقدرى تبقى زى حد..احنا ممكن نتعلم منهم لكن مش هنبقى شبههم...انا شايفه ان المرأة او الشابة اللي لسه هتبدأحياة جديده بعد التخرج...لازم يكون أولويتها انها ازاى تحقق طموحتها العمليه ف الاول...تشتغل وتكمل دراسه وتتعرف ع انواع جديده من البشر لان هو ده اللي هايخليها تعرف تتحمل مسؤليه بيت واسرة ولما يجى نصيبها ف الجواز هتلاقي طوحها راح ف انها زى ما حققت مكانه عمليه ناجحه ..تحقق بيت واسرة ناجحين
التوااااااازن هو الحل
بس انا شخصيا يعجبني ان تفكير المرأة الرئيس والاساسي في قيادتها لبيت ناجح وحياة اسرية دافئة
wahed:
فعلا الاسرة لها الاهمية الاولى لدى المرأة
لكن اعتقد ان شغلها بردوا له اهمية ولو صغيرة فى حياتها
سمسمة 28:
منورة المدونة يا قمراية
انا مش قصدى ان شخصيتها مش عجبتنى لكن هى لايقة عليها هى وبس ومش لايقة عليا خالص..عشان كدا باخد منها اللى يناسبنى فقط وبسيب الباقى
اكيد اى انسان باتعامل معه باتعلم منه حاجة جديدة تنفعنى
التوااااااازن هو الحل
جبت من الاخر يا مصراوى
........
بس انا شخصيا يعجبني ان تفكير المرأة الرئيس والاساسي في قيادتها لبيت ناجح وحياة اسرية دافئة
دا تفكير معظم الولاد بردو
عمر الناس اللى بتراقب تصرفات الناس التانيه ما بيستريو فى حياتهم
سيبك من ناس وركزى مع نفسك وقدراتك وانت تكسبى ومفيش مانع بين فترة واخرى تلاحظى تصرفات الناس وتاخدى منها الكويس وتهملى الوحش \
متهيالى ده هيبقى افضل من الغباء
بوست هايل جدا وملاحظات دقيقه
خلى بالك من نفسك وبالتوفيق ان شاء الله
بوست جميل والأجمل انه عامل زى الفلاش باك كدة بتاع السينما كذا لقطة ورا بعض وكل لقطة ملهاش اى علاقة بالتانية غير ان فرد واحد بيشوفهم كلهم!!!
التوازن مطلوب ومش وحش انى اخد احسن حاجة ف كل لقطة واحاول اعمل زيها ويمكن أحسن منها كمان
ده رأيى وممكن يكون صح وممكن يكون غلط
البلوج حلو اوى يا باربى
ربنا يوفقك يارب
وبالنسبه للموضوع
اكيد كل واحد ليه ميول
وهو بيطلع كده حسب تربيته فى اسرته
يعنى اكيد صاحبتك الصحفيه دى اهلها معودنها من زمان على المسئوليه حتى لو فى حاجات بسيطه
كل واحد بيطلع نتيجه اسرته
وفى الاخر ياريت كلنا نتحمل المسئوليه لانها اهم حاجه حتى لو فكرتى بعد كده انك تفضلى الحياه الاسريه على الشغل
بس هتبقى ساعتها سند لجوزك وحاجه كبيره اوى فى نظر اطفالك وبالتالى اكيد ان شاء الله هيطلعوا جيل صالح
بوست جميل للغاية وقيم
يناقش قضية خطيرة للغاية
بين التقتير والتبذير
تحياتي اختاة
جميل فعلا !
بس لازم يكون فى بلانس..قيادية وفى نفس الوقت برده مش عنيفة.. القيادة والعاطفة ممكن بجتمعوا جدا
مصراوي
انتا مية مية
التوازن هو الحل
هوا البوست اللى بعد ده راح فين؟؟؟
ممكن اوى يبقى فيه مكس بين الاتنين , إن الواحدة تبقى مهتمة باسرتها وتحتفظ برومانسيتها طول الوقت ومع اختلاف اعمار سنها وتقدمها دا مهم جدا , وف نفس الوقت لازم يبقى ليها كيانها وشخصيتها اللى حساهم بيرفعوها ادام الناس وبيكبروا من شأنها , ماينفعش يبقى كل تفكيرها فى الشغل وتسيب اسرتها زى الصحفية ولا ينفع انها تترك العمل وتدفن شخصيتها بين اربع حيطان
semsem:
شكرا على النصيحة يا قمر ومنورة البلوج
foxology:
الحمد لله انه عجب حضرتك
lost love:
أكيد مهم جدا ان كل حد يعرف يتحمل المسئولية
مش بس الصحفية هى اللى متحمله المسئولية عشان مهتمة بشغلها ..لاءة لكن البنت التانية كمان متحملة مسئولية أسرة لسة متكونتش اصلا
بس كل واحدة فيهم شايفة مسئوليتها من ناحية تانية خالص مختلفة عن الاخرى
صاحب البواية:
اهلا بحضرتك بس مقلتلناش رأيك فى الموضوع نفسه والتناقض دا؟؟؟؟؟
caaaaat:
ممكن بس دى عاوزة شخصية من تركيبة خاصة
واحد من الناس:
شكرا لحضرتك
سفاح كرموز:
انت بتتخيل
زى الهوا: انا متفقة معاكى يا موحة فى رأيك جدا
اجمل ما فى الشخص ان يكون هو هو
اما ان كان كل شخص نسخه مكرره من اخر فدائما سنبحث عن النسخه الاصليه وسيبقى الاخرون مجرد صور باهته لاصل واضح لكنه غير موجود
كونى نفسك
حتى تصبحى اصل
وحتى يخرج من يود ان يكون مثلك
تحياتى
حلو إن دماغك شغاله
صحيح ده شئ متعب بس برده كويس
شغليها دايما
أنا في منك في الحكايه دي
كل حد بنعرفه في حياتنا بيأثر فينا ونأثر فيه
سلامي ليكي ولدماغك الصاحيه
مش عارفة لية بتفكريني بنفسي
اكيد كل حد فينا عاوز بيقى حاجة كويسة
بس مش لازم نبقى زي حد بالذات نحاول نكون نفسنا كل حد فينا مختلف عن التاني وفي صفات تختلف عن التاني لو كل واحد فينا دور على الصفات الحلوة وحدد اهدافة هيقدر يكون
وبلاش تشتتي نفسك بين الشخصيات لانك شخصيتك مختلفة عن كل شخصية هتقابليها ممكن تستفادي من كل شخصية وتتعلمي منها لكن صعب اوي انك تكوني كوبي منها لان كل واحدة متخلف عن التاني وان اشتركوا في بعض الصفات
عجبني البوست ده اوي عشان انا كمان بفكر زيك بالضبط
بعد اقول ياربي انا عاوزة اهتم بنفسي انا بنوتة وبتاع
وفي نفس الوقت تلاقيني بش في شعري ادام كورس على النت او مشروع عاوزاه يزبط
وبعدين تلاقيني بهيس مع صحابي بحيث اللي يشوفني يقول هيه دي مجنونة ولا ايه
وساعات بعد اقول ياربي هوه فارس الاحلام فين دلوقتي ده وحشني اوي :D
بصي انتي حاولي تزبطي نفسك في كل الحاجات دي
حتلاقي نفسك مبسوطة في حياتك :)
انا في مرة جاتني الحالة دي باتشد قوي لشخصيات باقابلها وباخد منهم حاجات كتير .ده شئ جميل انك تاخدي الحلو من كل شخصية .
النفس البشرية دي سيستم معقد جدا وكل يوم يعدي علينا المفروض نفهم فيه نفسنا اكتر ونعرف نوصل للي جوانا
عجبني اوي الكلام ده
تحياتي ليكي
التوازن هو الحل الامكن والصيحيح فى الحلات دى بجد ده اللى عندى
إرسال تعليق