وصايا أستاذ عمرو خالد لإستقبال رمضان 4

** أنا و الدعوة الى الله : قال رسول الله " لان يهدي الله بك رجلا خير لك من الدنيا و ما فيها و خير لك مما طلعت عليه الشمس " • أقعد انت و مراتك أو انتي و جوزك أو انت و عيلتك كل يوم و لو حتى مره في الأسبوع قولهم يلا نقرا قرآن و لو حتى لربع ساعه .. اقروا من كتاب رياض الصالحين .. اقروا أي كتاب دين .. • اعزم الجيران على الفطار و هات شرائط و وزعها عليهم و ذكرهم بتقوى الله . • لازم تبقى ماشي و في جيبك هدايا .ده شريط , ده كتيب .. الخ ** أنا و الدعاء : قال رسول الله " و للصائم دعوه لا ترد " ادعي كل يوم لازم .. ادعي لنفسك , ادعي لأهلك , ادعي للمسلمين .. اوعى تنسى تدعي للمسلمين في فلسطين و الشيشان .. الخ **** ملحوظات : -1 خللوا بالكم من الشيطان هيتسلسل من 1 رمضان عشان كده مش هيسيبك الا أما يكعبلك في ذنب يفضل معاك رمضان كله .. مثلا يعرفك على بنت و يسيبك هوه و يمشي .. خناقه ما بين زوج و زوجته و مشاكل تضيع رمضان عليهم .. ركز قوي و خد بالك .. الشيطان أكيد دلوقتي محضرلك كارثه أو مصيبه يعملهالك قبل ما يمشي و يسيبك .. اللهم سلم .. اللهم سلم .. اللهم سلم .. -2 أول شعبان ان شاء الله يبقى كله تجهيز لرمضان .. أصل لو استنيت تشد في رمضان أسبوع و هتقع .. عشان كده عود نفسك من دلوقتي .. -3 أهم حاجه التوبه قبل رمضان عشان تدخل رمضان نضيف . تم بحمد الله .. نصائح مني أنا لكم اخوتي و أخواتي في الله : -1 الشباب و الفتيات لا تذهبوا في شهر رمضان الى أي Café فكلنا نعلم الناس و المناظر اللي بتكون فيها. -2 الأخوات الغير متحجبات ارتدوا الحجاب في رمضان .. حتى و لو كان في رمضان فقط حتى تصوموا صيام الخواص و يتقبل الله منكي الصيام و يعتقك .. 3-لا تجعلوا نفسكم الأماره بالسوء تقولكم مثلا " ايه الرياء ده يعني تعملوا كده في رمضان و بعديه لأ .. ده انتوا كده مش جادين .. ده كده الناس هتتريق عليكم .. لا لا انتوا زي قبل رمضان زي رمضان زي بعده " اخوتي اتحدوا أنفسكم و مثلا ان وجدتي نفسك أختي أنعم الله عليكي برداء الحجاب اعلمي ان صيامك قد قبل و افرحي لرضا الله عليكي .. -4ابدأ بتعويد نفسك من الآن أخي على عدم شرب السجائر من أجل رمضان .. 5-عامل قلبك أخي كأنه ورقه بيضاء ان قمت بعمل أقل شيء غلط كأنك وضعت نقطه سوداء .. فتخيل ان أصبح قلبك كله أسود .. هل ستقدر على الطاعات ؟ هل تضمن أن يعتقك الله من النار في رمضان هذا العام .. تذكر قول الله ( حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ) ( المؤمنون :99) اللهم بلغنا رمضان هذا العام , اللهم اجعلنا من عتقاءك هذا العام , اللهم بلغنا ليلة القدر , اللهم اجعلنا ممن يصومون رمضان ايمانا و احتسابا و يقومون رمضان ايمانا و احتسابا و يقومون ليلة القدر ايمانا و احتسابا .. يارب العالمين .. أعزكم الله .. حفظكم الله .. و السلام عليكم و رحمة الله و بركاته