المصريون حالهم بقى يصعب على الكافر من كترة الوقفات الاحتجاجية اللى كلهااااااا عن الاجور والمرتبات المهينة
مش عارفة بعد كدا حالنا هيوصل لايه.. بس النكتة بقى ان من كام يون كدا كان فى برنامج عمرو اديب بيتكلم عن
معاناة اخرى من معاناة المصريين وهى ان الحشيش بقى شاحح فى السوق .. يعنى الداخلية لمت الحشيش كله
من السوق وقال ان صحيفة اللوس انجلوس تايمز مطلعة تقرير بيقول ان الحشاشين فى مصر عددهم 7 مليون
مصرى.. يا فضيحتنا وسط باقى الدول .. هو احنا اما مفضوحين بالفقر او مفضوحين بالحشيش.
الطريف بقى ان الناس كانت بتتصل بالبرنامج وبتشتكى وبتزعق وبيقولوا حررررراااااام هى الحكومة عايزة مننا
ايه؟ حتى الحشيش كمان بتاع الفقراء ومحدودى الدخل منعوه عننا؟؟!!
يا حلاوة ويا جمال الشعب الجميل اللى بقى شايف ان المخدرات كمان بقى فيها محدودى الدخل ةبقى فيها
تقسيمات للمخدرات ان الفقراء يشربوا بانجو وحشيش والاغنياء يشربوا الهيروين والحاجات التانية .
شفتوا احنا منظمين نفسنا طبقات طبقات مش بس فى الرواتب والسكن والاكل والشرب والترف ولكن كمان فى
المخدرات
4 comments:
هو مسموح باستخدام الالفاظ الابيحة هنا ولا ممنوع :)
انا بصراحة مش عارف الواحد يرد يقول ايه والله يا باربى حاجة تقرف والله لما يكون الحشيش مطلب اساسى للشعب
انا مش عارف دا يتقال عليه ايه
ربنا يهدى يارب ويهديهم
المفاجاة بقى انى شوفت برنامج الحياة والناس مع رولا خرسا والانفاق على المخدرات وصل ل تقريبا 27 مليار جنيه
الله يا حلاوته يا جماله الشعب ابو مزاجه
أحمد راضى..
لا ممنوع استخدامها يا فندم :)
27 ملياااااار يا ما شاء الله بس ماتقولش كدا قدام حد لحسن يتحسدوا
الافرب ان فى نفس الحلقة واحد اتصل وقال ان كل من يعرفهم يتعاطون الجشيش على انه شىء عادى ومش محرم ومش حاسبينه ان الحشيش من انواع المخدرات اصلاً ..
السوءال بقى ليه الداخلية ملمتش كل انواع المخدرات مع بعض عشان المدمنين يعملوا وقفة احتجاجية قدام مجلس الشعب ويطالبوا فيها بتوفير المخدرات لهم
النكته بقى اللي طلعت أنهم بيفكروا يتغلبوا على الازمة بانهم يستودروا حشيش صيني :(
نحمد
حلوة حكاية الحشيش الصينى دى فكرة برضوا تحل المشكلة للمدمنين هههه
إرسال تعليق