1_تخيلت لو بلادنا مافيهاش مشاكل.. والناس كلها مرتاحة وعندها فلوس مكفياها .. تخيلت لو الناس كلها عايشين فى رخاء كل واحد عنده شقة وعربية وبيصيف فى مارينا وبيشتى فى شرم الشيخ.. يا ترى كان ساعتها هيبقى فى أحزاب معارضة فى مصر؟ يا ترى كان هيبقى عندنا حركات زى كفاية وغيرها؟؟ ياترى ساعتها كانت قناة الجزيرة هتلاقى أى بنى ادم مصرى يطلع يهاجم بلده على الهواء ويشتم ويسب ويلعن؟؟ ياترى ساعتها كنا هنبقى عايشين ازاى؟؟
2_إمبارح سمعت خبر يموت من الضحك.. قال إيه وزير التعليم العالى بيقول إن فى فائض فى ميزانية البحث العلمى فى مصر عشان ايييييه؟؟ عشان مفيش أبحاث علمية جديدة ولا مشروعات جديدة.. بالزمة مش خبر يفطس من الضحك!!!
3_ إسرائيل لحد انهاردة بتاخد فلوس من ألمانيا بسبب الهولوكوست.. ومصر عندها الصحراء الغربية مليااااااااااااااااااااانة ألغام زرعتها ألمانيا وبريطانيا من ساعة الحرب العالمية التانية ومصر قال ايه مش عارفة تقلد إسرائيل وتاخد تعويضات تشيل بيها الالغام اللى معبية الصحراء الغربية دى.. وسايبة تمانين مليون بنى أدم قاعدين فى 6% فى مساحة مصر..ها ايه رأيكم فى النكتة دى كمان!!!!
2 comments:
ياسلام
بلدنا بجد حاجه رافع راسنا
والله يابنتي مش هنتعدل طول مابو كرش والاسره الحاكمه ع قلوبنا
ربنا ينتقم من كل حد عمل فينا كده
مع ان معظم الي فينا بعمايل ادينا
ربنا يهدي
وحشتيني ياسكره
نكت رائعه بجد بلدنا دي مفرفشانا والله :)
وكله كوم وموضوع البحث العلمي ده كوم تاني
هههههههههههههههههههههههههههه
تحياتي :)
إرسال تعليق