سلاموا عليكم امبارح وانا بتفرج على عمرو أديب ( مذيع لبرنامج توك شو) اسمه القاهرة اليوم.. لاقيته بيحكى حكاية.. بيقول ان واحدة اتصلت بيه وقالتله ان جوزها مش بيراعى الاتيكيت قدام الناس.. فعمرو سألها " تقصدى ايه؟؟ هل تقصدى انه بينزل من السيارة مثلاً ومش بيفتحلك الباب؟؟" فقالتله : لاء .. دا لما بنكون بناكل بره مع ناس جوزى بياكل الرز بالمعلقة!!!!!!.. فرد عمرو وقالها : وايه يعنى ... أومال الرز بيتاكل ازاى؟؟ ماهو بيتاكل بالمعلقة!! وقالها ان هو كمان بياكل الرز بالمعلقة.. فردت عليه وقالتله: لااااااااااااا الرز بيتاكل بالشووووووووكة.. المعلقة اتعملت عشان نشرب بيها الشوربة مش ناكل بيها الرز..
فأنا (باربى) قلت اكيد لما المشاهدين هيتصلوا دلوقتى هيتريقوا على حكاية الرز بالشوكة دى.. لاقيت الصدمة.. تلات اربع المشاهدين اللى متصلين بيتريقوا على المذيع وبيضحكوا عليه ومصدومين ومذبهلين عشان عمرو بياكل الرز بالمعلقة وبيقولوله ازاى تاكل الرز بالمعلقة... أصول الاتيكين بتقول ان الرز يتاكل بالشوكة..وكذا ست اتصلت وقالت لو كنت خارجة مع جوزى ولاقيته بياكل الرز بالمعلقة قدام الناس هسيبه وامشى ومش هخرج معه تانى عشان هو كدا يبقى كسفنى قدام الناس وشكله مش شيك خالص وجرح شعور الناس اللى قاعد معاهم..
يا جماعة أنا أول مرة أعرف المعلومة دى فقلت أقولهالكم لانى بصراحة باكل الرز بالمعلقة.. وفضولى مخلينى عايزة أعرف إذا انتو كمان بتاكلوا الرز بالمعلقة وللا بالشوكة.. مرة كنت خارجة فى مكان باتغدى بره وكنت طالبه رز وشيش طاووك.. فجابولى شوكة وسكينة بس ومفيش معلقة.. فطلبت معلقة.. وكلت بيها الرز عادى وانا كلى ثقة فى نفسى.. تلاقي الناس ساعتها ضحكوا عليا وقالوا انى مبفهمش فى التيكيت.. بجد بجد بتاكلوا الرز ازاى؟؟؟
فأنا (باربى) قلت اكيد لما المشاهدين هيتصلوا دلوقتى هيتريقوا على حكاية الرز بالشوكة دى.. لاقيت الصدمة.. تلات اربع المشاهدين اللى متصلين بيتريقوا على المذيع وبيضحكوا عليه ومصدومين ومذبهلين عشان عمرو بياكل الرز بالمعلقة وبيقولوله ازاى تاكل الرز بالمعلقة... أصول الاتيكين بتقول ان الرز يتاكل بالشوكة..وكذا ست اتصلت وقالت لو كنت خارجة مع جوزى ولاقيته بياكل الرز بالمعلقة قدام الناس هسيبه وامشى ومش هخرج معه تانى عشان هو كدا يبقى كسفنى قدام الناس وشكله مش شيك خالص وجرح شعور الناس اللى قاعد معاهم..
يا جماعة أنا أول مرة أعرف المعلومة دى فقلت أقولهالكم لانى بصراحة باكل الرز بالمعلقة.. وفضولى مخلينى عايزة أعرف إذا انتو كمان بتاكلوا الرز بالمعلقة وللا بالشوكة.. مرة كنت خارجة فى مكان باتغدى بره وكنت طالبه رز وشيش طاووك.. فجابولى شوكة وسكينة بس ومفيش معلقة.. فطلبت معلقة.. وكلت بيها الرز عادى وانا كلى ثقة فى نفسى.. تلاقي الناس ساعتها ضحكوا عليا وقالوا انى مبفهمش فى التيكيت.. بجد بجد بتاكلوا الرز ازاى؟؟؟
18 comments:
هههههههههههههههه
لا انا عارفه المعلومه دي فعلا
بس عمري ف حياتي ماكلت الرز بالشوكه
هي دي فعلا قواعد الاتيكيت بس الرز ماينفعش الا بالمعلقه
وبعدين ياستي تلاقي الي بيتصلواع عمرو يقولوله كده تلاقيهم بياكلوا باديهم اصلا وبيتمنظروا :D
وبعدين الست دي كل حاجه ف حياتها بيرفكت ووقفت ع الشوكه
صحيح ناس ف الهايفه وتتصدر
ياباربي ياحببتي كلي براحتك ماحدش ليه حاجه عندك
نا عن نفسي لو شفت حد بياكل الرز بالشوكه هتريق عليه :D:D
سلام بقى عشان رغيت كتير
السلام عليكم ورحمة الله وبركاته
اختى باربى دى اول زيارة ليا وان شاء الله مش الاخيرة
شوفى الحمد لله باكل بالملعقة هو الرز المفلفل يتاكل بالشوكة ازاى
وبعدين يا ستى ياكلو بالشوكة وماله يا خويا مش عيب
ههههههههههههه
يا ستى ربنا يهنى سعيد بسعيدة والرز بالشوكة
ههههههههههههه
لا بجد ان شاء الله هتابعك
واتمنى تزورى مدونتى البسيطة
ههههههههههه
موضوع جميل جدا
هو فعلا يا باربي الرز بيتاكل بالشوكة
وكمان وضع الشوكة والسكينة بداية الأكل يختلف عن نهايته بمعنى لما تخلصي أكل بتعكسي وضع الشوكة والسكينة ودي بتكون علامة للنادل يعني للجرسون علشان يشيل الطبق
بالنسبة ليا أنا بره البيت بتبع نظام الإتيكيت في الأكل 100%
وفي البيت أحيانا تطلع في دماغي آكل بنظام الإتيكيت وأحيانا ببقى عايزة أضرب قوانين الإتيكيت وآكل براحتي لذلك بستخدم المعلقه
بس تعرفي إن أكل الرز بالشوكة ممتع جدا ومش بيخليكي تاكلي كمية كبيرة
جربي وهتدعيلي
أحبك في الله
ههههههههههههههههه
والله الواحد مش عارف يقول ايه ؟؟
بس هو المعلومة فعلا صحيحة .. بس بصراحة مش بمشى بيها اساسا .. غير برة البيت .. يعنى لو طلبت منظر بس .. لكن اساسى الرز بالمعلقة .. ثم انتى هتجيبى رز البيت زى رز المطاعم برده
هههههههههههههههههه
مدونة عشرة على عشرة .. موز جدا
بصي علي قد ماانا بحب اقري عن الاتيكيت جدا بس مش هنكر انه في حاجات بتخنق جدا مافيش شك
اولها اني لو اتحط قدامك الشوكه والسكينه اني اخد الشوكه بالشمال وافضل اكل بالشمال
وده عكس دينا تمام وكذا مره اتحط في الموقف ده وبكل فخر اخد الشوكه باليمين وابدأ اكل باليمين زي مادينا وصانا
وموضوع الارز بالشوكه ده تعب اعصاب انا باكل طبعا بالمعلقه ده انا اتخنق انا هفضل اكل 4 رزات 4 رزات ده وجع قلب D;
تحياتي :)
لا الهالا الله دى كل مشكلتها مع جوزها يعنى لا بيضربها ولاا بخيل ولاا عينه زايغه ولاا هاجرها
رحمتك يا رب
فعلا كل واحد ودماغه ونفسه ما علينا
انا بئه من الجهله اليى بياكلوا الرز بالمعلقه
ولو عايزه ادخل فى محطط رجيم باكل اى شئ بالشوكه ومن ضمنهم الرز بس ده فى حالة الرجيم فقط وفقط لا غير
امال اليى بياكلوا الرز بأيديهم بئه يتعمل فيهم ايه
http://norsad.blogspot.com/
لو سمحتى ياريت تدخل المدونه بتاعتى
حسبى الله ونعم الوكيل فيكى يا فكره من الزمن دا ربنا ينتقم منك
يمهل والا يهمل
mony el shreef:
هاى مونى
طلعتى انتى كمان عارفة حكاية الشوكة.. وانا يا حينى عليا محدش قالى وااااااااء وااااااااء
مامة مازن:
وعليكم السلام ورحمة الله وبركاته.. اهلا بيكى يا مامة مازن وسعيدة جداً لأنك هتكونى من متابعى مدونتنا العسولة :).. ههههههه طلعتى بتاكلى بالمعلقة زىىىىىىى يا حلاوة يا حلاوة لولولى .. تعالى معايا نستخبى ومنقولش لحد على مكانا :))))))))
ELMASRYA - MRS WRITER:
يا كزوفى يا كزوفى كرامتى ضاعت قدامك يا مصرية هههههههه.. خلاص هعمل زيك وهضحى واكل الرز بالشوكة بره البيت.. خايفة اكله بالشوكة فى البيت يضحكوا عليا ويتريقوا.. خليها بره البيت احسن عشان الفضايح وبعد كدا لما اخرج اكل بره مش هبقى اطلب معلقة بالفم المليان كدا تانى.. خلاص بقى ما انا عرفت السر.. اما حكاية وضع الشوكة والسكينة بشكل كروس كدا دى انا عارفاها الحمد لله .. اومال ايه ما انا بردوا عندى شوية معلومات عن الاتيكيت :)))
AhMeD RaDy :
اهلاً بحضرتك استاذ احمد.. ما انا خلاص قررت انفذ نفس الخطة دى بره البيت بس عشان مييبقاش شكلى جاهلة وللا حاجة
eno :
هاى اينو انا كان حكاية الاكل بالشمال دى بتضايقنى وبردو باكل باليمين ما هو انا دائماً باضرب بالاتيكيت عرض الحائط ومحدش واخد منها حاجة هههههههه
استاذة محاسن:
طلعتى زيى اهو ههههههه بس انا عملت خطة وتمويه هاكل بالشوكة بره وبالمعلقة جوه بس تقوليش لحد
ههههههههههههههههه
ازيك ياقمرر الاول امممم فعلا هي قاعدة من قواعد الاتيكيت ناكل بالشوكه
بس مش كل حاجة لازم نعملها زي الشوكة ف الشمال والسكينه ف اليمين
عادي انا عن نفسي ببدل بس هو فعلا الاكل بالشوكه للرز
للي عاملين دايت حلو لانه بيشبعك بسرعه وبيخلي مش ناكل كميه
انتي زي العسل اصلا وطريقتك ف العرض جميله زيك
تحياتي ,,,,
ازيك يا باربى
الحقيقه انا باكل الارز بالشوكه يمكن أنا الوحيده فى اسرتى..بس ده من زمان
برتاح فى اكله بالشوكه
وافتكر ايام خطوبتى ..كان عقد قرآن زوجى وقتها طلب منى عندما ازورهم آكل بالمعلقه حتى لا يتعبروها إهانه
على الرغم ان منهم من يعمل فى السلك الدبلوماسى ومنهم من هو طبيب وآخر مهندس
ولكن فى البيت عند والدهم طقوس ابوهم وامهم يسرى على الكل ولا يستوردوا أى اتيكيت خارجهم
وانا طبعا مرضيتش ازعله واكلت بالمعلقه
بس دى حاجه انا برتاح فيها
وبالنسبه للسكينه والشوكة
عودت نفسى اقطع بالسكينه وهى فى إيدى الشمال
والشوكه فى إيدى اليمين
بس كمان اتعودت اعمل إللى يريحنى ويرضى ربى وميهمنيش يقولوا ان ضد الاتيكيت
لو بصيتى على الاتيكيت كله ضد الاسلام
ليدز فرست يعنى الست الأول علشان تدى فرصه للرجل يتفرج
الشوكه فى الشمال علشان ناكل بالشمال
وهكذا
سيبك منهم
المهم انك تكونى نفسك ومرتاحه
واللى مش عاجبه ميبصش
مسخرة والله العظيم
عموما فى ناس مش لاقية الرز اصلا عشان ياكلوه بالمعلقة او بالشوكة
والله عمرو اديب دة مبيجيبش الا الكلام اللى يحرق الدم
قلب ارهقته الاحلام : هاى عليكى يا قمر.. تصدقى بقيت اكله بالشوكة خفت تيجيلى عقدة نفسية ههههههه وفعلاً بيشبع بسرعة وينفع للدايت وميرسى كتير على المجاملة يا جميلة
::::::::::
ام البنات :
منورانى يا قمراية
احسن حاجة انك ممشية حالك.. مرنة يعنى انا هعمل زيك
:::::::::::::
enjy :
اهلاً بيكى بس مش عارفة انتى عصبية كدا ليه؟؟ يا بنتى دا موضوع هزار .. انا بحب اتفرج على عمرو اديب وباحترمه كإعلامى.. واحنا ماختلفناش فى ان فى ناس مش لاقين الرز زى ما قلتى بس دا مش موضوعنا.. معلش لو مكنتش عرفت اوصلك المعلومة كويس يا انجى ونورينى دائماً يمكن التوبيك التنى اعرف اوصلك المعلومة بشكل افضل
ههههههههههههههههههههههههه
بسأل اختى طلع الموضوع بجد
huh
إرسال تعليق