BLOGGER TEMPLATES - TWITTER BACKGROUNDS »

30‏/12‏/2009

عودة بعد شهر العسل

عودة جديدة بعد ما عدى شهر العسل عقبال كل اللى عايزين يتجوزوا يارب فرحنا كان عسول الحمد لله.. مكنتش متخيلاه هيكون كدا.. كنت متخيلاه هادى اوى على عكس ما حصل خالص مكنتش متخيله انى انا ووسام هنفضل نتنطط كدا طول الفرح  فرحانة بكل حد حضر فرحنا بجد وبقولكم كلكم نورتونا بجد سواء اصحابى او اصحاب وسام اللى خلو للفرح جو تانى وخلونى اشوف وسام لاول مرة فى حياتى وهو مهيبر وبيرقص وكنت فرحانة اوى بريرى وشيماء وويسبر .. كنت فرحانة بجد انهم كانوا جنبى برغم اننا كنا بعاد عن بعض بعد التخرج بس متعرفوش فرحت بيكم اد ايه والله وعقبال يارب ما نحضر فرحكم قريب يارب يارب وربنا يفرحكم كلكم يارب احلى حاجة بقى انى كنت خارجة من البيوتى سنتر مش مستوعبة ان اليوم دا فرحنا انا ووسام بعد قصة حب لثلاثة سنين وبعد كل الصعوبات اللى عدت علينا وبعد كل العقبات وبعد ما اتحملنا كل الكلام الشرير اللى كله احباط من الناس اللى حوالينا..يا ما سمعت كلام " يا عينى لسة مجبتوش شقة" " يا عينى كل دا مخطوبين" " يا عينى طب هتتجوزوا امتى وازاى؟!" " يا عينى يا عينى يا عينى........." لحد لما كان بيعدى عليا اوقات احباط واكتئاب كتير من كتر الكلام اللى مالوش لازمة دا .. بس المهم ان الصبر اخرته خير نرجع للحكاية من الاول لما كنت خارجة من البيوتى سنتر ومش مصدقة ان اليوم دا فرحنا ومش مصدقة انى لابسة الفستان الابيض والطرحة البيضاء.. مش مصدقة انى هخرج مأنججة وسام اودام كل الناس.. كل الافكار دى كان مخليانى متوترة لدرجة انى كنت باترعش وايدى متلجة.. وبعد ما خرجت ووسام لاقانى متوترة كدا راح ادانى لبانة نعناع وهو كمان خدله واحدة والاحلى بقى اننا فضلت اللبانة معانا لحد بعد الزفة واحنا قاعدين نمضغها بكل ثقة وناسيين خالص اننا بنتصور فيديو ههههه لما جينا بعد الفرح بفترة نتفرج على السى دى افتكرنا اننا كان معانا اللبان طول الفترة دى وظاهريين بوضوح فى التصويرهههههههه وبكدا نبقى اول عريس وعروسة بيتزفوا وهم قاعدين يمضغوا لبان وكأننا جايين مع المعازيم نيجى بقى للنادى حصلت اكتر حاجة مضحكة فى الدنيا هى دلوقتى بأقول عليها مضحكة لكن ساعتها كانت اكتر حاجة مستفزة ممكن تحصل لعرسان كان معادنا فى القاعة الساعة سابعة بعد العشاء وانا ووسام وصلنا فى المعاد بالضبط لكن المفاجأة ان مفيش ولا واحد من المعازيم كانوا وصلوا وكان موقف فظييييييييييييييييييييع ههههههههه وفضلنا فى العربية وقعدنا نلفلف بيها حوالى نص ساعة على ما المعازيم جم وبعدها رجعنا تانى على النادى ..كنا ساعتها متنرفزين بس بعد كدا بقت ذكرى غريبة لينا ومضحكة فى نفس الوقت وبعد ما الزفة خلصت واتصونا جينا بقى لمرحلة دخول القاعة وانا وقفت بره القاعة ومش راضية ادخل ومصممة ان الدى جى اللى جوة القاعة لااااااااااااااااااااازم لااااااااااااااااازم يشغلنا نشيد الزفاف بتاع ماجدة الرومى واحنا داخلين القاعة هههههه وفضلت واقفة برة وصممت انى مشداخلة غير لما تشتغل الاغنية وفعلاً شغلوهالى وارتحت نفسياً ودخلت بس مش عارفة كان هيبقى الموقف ايه لو بعد التصمصم دا طلعت الاغنية دى بالذات مش موجودة عندهم كانت هتبقى كسفة جامدة ليا لانى كنت كدا كدا هدخل فى ااخر بس الحمد لله ربنا ستر وما اتكسفتش وبعد كدا بقى اغانى وزغاريد وشبكة والبروجرام العادى داخل القاعة طبعاً اخدنا كمية حسد لا بأس بها حتى الان لكنه يوم مميز فى حياتنا بجد لا هو مش بس مميز هو من اجمل ايام حياتنا حقيقى ربنا يجعل كل ايامنا سعادة وحب يارب ويارب تتحل مشكلة سفرك يا وسام يارب وربنا يسترها معانا

24‏/12‏/2009

Happy new year2010

السلام عليكم ورحمة الله وحشتونا كتيييير وكل سنة وانت كلكم يارب بخير ويارب السنة الجديدة تكون سنة مليانة سعادة وخير للجميع بإذن الله بس قبل ما نبدأ السنة الجديدة 2010 عايزين نعمل حصر لأهم ما حدث السنة دى وعشان كدا وعندنا ليكم إستفتاء صغير كده نتمنى مشاركتكم فيه عشان بجد يهمنا أوي رأيكم ومشاركتكم يلا نبدأ..

1- أهم حدث (سياسي / إقتصادي / إجتماعي / رياضي) في عام 2009. 2- أهم حدث شخصي حصل ليك / ليكي في عام 2009. 3- أكتر حاجة كان نفسك تحققها في 2009 وماقدرتش / ماعرفتش تعملها. 4- أفضل كتاب قرأته في 2009. 5- أفضل شخصية سياسية في 2009. 6- أفضل شخصية علمية في 2009. 7- أفضل شخصية أدبية في 2009. 8- أفضل شخصية صحفية في 2009. 9- أفضل مذيع & مذيعة في 2009. 10- أفضل صحيفة في 2009. 11- أفضل برنامج تلفزيوني & إذاعي في 2009. 12- أفضل قناة فضائية في 2009. 13- أفضل ممثل & ممثلة في 2009. 14- افضل مطرب & مطربة في 2009. 15- أفضل شخصية رياضية & فريق رياضي في 2009. .

12‏/11‏/2009

زفافنا

""" زفافي انا و وسام يوم الثلاثاء ان شاء الله ""

01‏/11‏/2009

كأمواج البحر

تتسابق الافكار بداخلى حتى شعرت انها كأمواج البحر

26‏/10‏/2009

مصر اليوم

مصر اليوم

1_شوارع مليئة بالقمامة

2_سحابة سودا

3_حوادث سيارات وقطارات

4_اهمال فى المصالح الحكومية

5_بطالة

6_قرية البرادعة وناس مصابة بالتيفود وبتشرب مياة صرف صحى ونحن فى القرن 21

08‏/10‏/2009

عايزة انام

نفسى اعرف انام بسهولة,نفسى لما اجى انام ماافضلش قلقانة بالساعات لحد ما اعرف النام رغم انى بكون مرهقة وعايزة انام ومش قادرة افتح عينى بس مش عارفة ليه مش قادرة انام

27‏/09‏/2009

فاروق حسنى خسر اليونسكو وخسر احترام الناس

الوزير فاروق حسنى وزير ثقافة مصر منذ 22 عاماً طل علينا من خلال الصحف والتليفزيونات منذ فترة وهو يردد أنه مرشح لليونسكو(ليكون وزير ثقافة العالم) ومنذ أيام قليلة ظهرت نتيجة انتخابات اليونسكو وخسر فاروق حسنى.

فاروق حسنى شخصية غريبة مثيرة للجدل

فهو وزير ثقافة فى مصر منذ ربع قرن ولم نعرف عنه سوى أنه فنان تشكيلى..لا أدرى ماذا فعل وماذا زاد وماذا جدد فى ثقافة شعب مصر؟؟ فهو وزير ثقافة لشعب نصفه مصاب بمرض الأمية والجهل.. أى ثقافة هذه التى جعلته يطمح لمنصب اليونسكو؟؟

وزير تصريحاته وتصرفاته حافلة بالتناقضات فمرة يطل علينا من خلال وسائل الاعلام وينتقد الحجاب للمرأة المسلمة ويدعو للتحرر منه وعندما هاجمته الصحافة عاد ليطل عينا نفس الطلة ويتحدث عن الحجاب بشكل جيد ويمدح ويقول انه مع حرية ارتداء الحجاب من عدمه..

مرة نراه فى مجلس الشعب وهو منفعل ويقول سأحرق أى كتاب اسرائيلى فى مكتبة اسكندرية

وبعد ان هاجمته اسرائيل والصحف الارسائيلية نراه يعتذر لإسرائيل على صفحات الجرائد طمعاً فى ان ينول رضا أسرائيل لتحن عليه اسرائيل وتوافق عليه فى اليونسكو ومن وقتها وهو يستجدى رضى وعطف اسرائيل لدرجة أنه أتى بموسيقار إسرائيلى فى الابرا أيام احتفالات مصر بأعياد تحرير سيناء ولا أدرى كيف يقبل عقل وقلب مصرى ، يأتى بموسيقار أسرائيلى فى مثل هذه المناسبة؟!

وبعدها نراه يصرح فى الصحف بأنه أصدر قراراً بترجمة عدد كبير من الكتب الاسرائيليلة . كل هذا وهو كان مازال يستجدى رضى إسرائيل. أى كتب هذه؟ وما قيمة الثقافة الاسرائيلية حتى يصدر قراراً بترجمتها؟

كنا ننتظر بعد ذلك أن نرى أعلام إسرائيل معلقة فى شارع جامعة الدول العربية ونرى تماثيل لرؤساء إسرائيل فى وسط ميدان التحرير

وبعد كل هذه التنازلات عاد فاروق حسنى بالخسارة من اليونسكو

ولكن ما يضحك هو تصريحاته التى طلت علينا بطلتها البهية النجية كالعادة وهو يقول " أنا أكبر من اليونسكو" " سأعود لأواجه إسرائيل وأكشفها على حقيقتها أمام العالم"

فاروق حسنى وزير ثقافة مصر ولم يكن يعلم بحقيقة اسرائيل الا بعد ان قدم تنازلات عديدة وفى النهاية بردو اسرائيل مرضيتش عنه وخسر.. فبعد الخسارة علم حقيقة اسرائيل وأراد أن يكشفها للشعب المصرى .. نظرية بردو

18‏/09‏/2009

هابى عيد عليكم يارب

انهاردة اخر ليلة هنصلى فيها التراويح

وبكرة ان شاء الله اخر يوم من ايام الشهر الكريم

ربنا يتقبله منا يارب ويتقبل منا العبادة والصيام والقيام وسائر الاعمال يارب العالمين

كل سنة وانتم جميعاً طيبين ويارب يكون عيد سعيد عليكم كلكم يارب

يارب الكل يفرح واللى مش عارف يفرح يحاول يفرح ويفرح نفسه ويفرح غيره

واللى فى اى حاجة مضايقاه ينساها ومينكدش على نفسه فى العيد

وادى طبق بيتى فور مشكل عشان تاكلوا فى العيد وتزقطتوا بقى

كل سنة وانتم طيبين

10‏/09‏/2009

عليكم بالدعاء

السلام عليكم ورحمة الله احنا داخلين على العشرة الاواخر من رمضان اللى فيهم ليلة القدر ياريت نكثر يا جماعة من الدعاء فالله تبارك وتعالى ينزل الينا الى السماء الدنيا فى الثلث الاخير من الليل ويقول جل جلاله: هل من داع فأستجيب له هل من مستغفر فاغفر له، هل من سائل فاعطيه مسألته)؟ ربنا يعرض علينا أن نطلب منه الله يعرض علينا ان ندعوه وهو يجيب دعوتنا دى فرصة مفيش زيها يا جماعة الاجابة ليست فقط فى ليلة القدر.. فالله يتجلى كل ليلة فى الثلث الاخير من الليل ليقضى لنا جاحاتنا يلا نغتنم هذه الفرصة لو نفسك تنجح.. لو نفسك ربنا يكرمك... لو نفسك تعتق من النار.. لو نفسك ولو نفسك ولو نفسك............... اسأل الله وحده مجيب الدعوات وان شاء الله ربنا يستجيب لدعواتنا كلنا يارب العالمين فمما ورد عن الدعاء فى القران الكريم قال تعالى " وقال ربكم ادعوني استجب لكم" " وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون " فهذا وعد من الله تعالى بالاجابة ان شاء الله فلا يجب علينا ان نتكاسل عن الدعاء وعن سؤال الله تبارك وتعالى لقضاء حوائجنا ومما ورد فى الاحاديث عن الدعاء قال صلى الله عليه وسلم " الدعاء هو العبادة " ثم قرأ : ( وقال ربكم ادعوني استجب لكم ) يعنى عايز تتعبد الى الله؟؟ عايز تتقرب من الله... ادع الله يستجب لك وقال صلى الله عليه وسلم " ليس من شئ أكرم على الله تعالى من الدعاء" فالله تعالى يحب ان يدعوه عبده ويتذلل اليه فى الدعوات يلا كلنا نروح لربنا انهاردة يلا كلنا نقوله محتاجينك اوى يارب ومالناش غيرك يارب وقال صلى الله عليه وسلم :" أفضل العبادة الدعاء" وقال صلى الله عليه وسلم " إن ربكم تبارك وتعالى حي كريم يستحي من عبده إذا رفع يداه إليه أن يردهما صفراً خائبين ". يلا نروح لربنا وان شاء الله مش هيكسفنا فهو حيي سبحانه وتعالى وقال صلى الله عليه وسلم :" إنه من لم يسأل الله تعالى يغضب عليه " ما هو دا شىء بديهى.. طالما ما بتدعيش ربنا يبقى كأك بتقوله انك مش محتاجه طب ازاى احنا كلنا عباده منقدرش نعيش من غير كرمه ورحمه ولطفه بينا بلاش نتكبر على الدعاء ويلا نروح لربنا بقلوب مشتاقة اليه والى كرمه فهو الملك لديه الكثير والكثير فهو الله له ملك السموات والارض وليس بالكثير عليه أن يعطيك مسألتك ويجب دعوتك وقال صلى الله عليه وسلم :" لا يرد القضاء إلا الدعاء ، ولا يزيد في العمر إلا البر ". وقال صلى الله عليه وسلم :" أعجز الناس من عجز عن الدعاء ، وأبخل الناس من بخل بالسلام " وقال صلى الله عليه وسلم :" ما من مسلم يدعو الله بدعوةليس فيها إثم ولا قطيعة رحم إلا أعطاه الله بها إحدى ثلاث : إما أن تعجل له دعوته ، وإما أن يدخرها له في الآخرة ، وإما أن يصرف عنه من السوء مثلها ". قالوا : إذاً نكثر الدعاء ، قال : " الله أكثر". اعتقد دلوقتى محدش ليه أى حجة فى عدم دعاءهSmile يلا ندعى ربنا اللهم انك عفو كريم تحب العفو فاعف عنا اللهم اعط كل سائل مسألته يارب العالمين

30‏/08‏/2009

أقوال مأثورة

عن ابى بكر:1_أصلح نفسك يصلح لك الناس

2_إن الله يرى من باطنك ما يرى من ظاهرك

3_

قال عمر رضى الله عنه

_قال عمر رضي الله عنه أجرأ الناس ، من جاد على من لا يرجو ثوابه وأحلم الناس ، من عفا بعد القدرة وأبخل الناس ، الذي يبخل بالسلام وأعجز الناس الذي يعجز عن دعاء الله

4_

قال على رضى الله عنه_خير الدنيا والآخرة في خمس خصال .. غني النفس .. وكف الأذى .. كسب الحلال و لباس التقوى .. و الثقة بالله على كل حال !!

5_وقال رضي الله عنه : من حاسب نفسه ربح .. ومن غفل عنها خسر .. ومن نظر في العواقب نجا .. ومن أطاع هواه ضل .. ومن لم يحلم ندم .. ومن صبر غنم .. ومن خاف رحم .. ومن أعتبر أبصر .. ومن أبصر فهم .. ومن فهم علم !!