BLOGGER TEMPLATES - TWITTER BACKGROUNDS »

26‏/03‏/2009

يا الله

تعبت والله ولا عارفة أخرج اللى جوايا وللا لاقية حد يقوينى غير نفسى

22‏/03‏/2009

فضل الاستغفار

قصـة واقعيـة دا ايميل فورورد جالى قلت اجيبهولكم.. يمكن يفيد ولو فرد واحد هناك امرأة قالت: ما ت زوجي وأنا في الثلاثين من عمري وعندي منه خمسة أطفال بنين وبنات ، فأظلمت الدنيا في عيني وبكيت حتى خفت على بصري وندبت حظي ..ويئست ..وطوقني الهم فأبنائي صغار وليس لنا دخل يكفينا وكنت أصرف باقتصاد من بقايا مال قليل تركه لنا أبونا وبينما أنا في غرفتي فتحت المذياع على إذاعة القران الكريم وإذا بشيخ يقول : قال رسول الله صلى الله عليه وسلم (( من أكثر من الإستغفار جعل الله له من كل هم مخرجا! ومن كل ضيق فرجا )) فأكثرت بعدها الإستغفار وأمرت أبنائي بذلك وما مر بنا والله سته اشهر حتى جاء تخطيط مشروع على أملاك لنا قديمه فعوضت فيها بملايين وصار أبني الأول على طلاب منطقته وحفظ القران كاملاً وصار محل عناية الناس ورعايتهم وأمتلأ بيتنا خيراً وصرنا في عيشه هنيئه وأصلح الله لي كل أبنائي وبناتي وذهب عني الهم والحزن والغم وصرت أسعد أمرأه : : منقول للشيخ عائض القرني نعم إنها أعجوبة الاستغفار التي غفلنا عنها ================================================
يقول أحد الأزواج :: كلما أغلظت على زوجتى أو تشاجرت أنا وهي أو صار بيني وبينها أي مشكلة أهم بالخروج من البيت من الغضب ....... ووالله لا أفارق باب العمارة إلا وتجتاحني رغبة شديدة في الذهاب للإعتذار منها ومراضاتها.............أخبرتها بذلك فقالت لي: أتعرف لماذا ؟؟ قال لها : ولماذا ؟ قالت بمجرد أن تخرج من الغرفة بعد شجارنا ألهج بالاستغفار ولا أزال أستغفر حتى تأتي وتراضيني نعم أخيتي انه الاستغفار الذي قال عز وجل عنه (( وما كان الله معذبهم وهم يستغفرون )) ألا يستحق أن يكون أعجوبة ====================================================== روى الشيخ خالد الج بير استشاري امراض القلب هذه القصة التي حدثت له : أنه كان معرض للتقاعد من عمله وهناك خمسة أطباء من اللذين يعملون معه في نفس المشفى كانو يكنوا له العداوة وأرادو خروجه من العمل .. وعندما عرض له الخبر أصبح مهموما ضائقا شديد الكرب ذهب للمسجد وقت صلاة العصر وعندما خرج تذكر شيئا ً ,,,قال في نفسه -- الأن كل الناس المرضى يأتون إلي لأعالجهم وأنا الآن لا أستطيع أن أعالج نفسي من الهم الذي أصابني__ وتذكر الاستغفار > وجعل يردد (( استغفر الله الذي لا إله إلا هو الحي القيوم وأتوب إليه )) وعندما وصل لبيته يقول : ما إن أمسكت مقبض باب المنزل حتى أحسست براحة واطمئنان عجيبين يسريان في داخلي ....... يقول الدكتور... ولم تمض بعد ذلك سوى سنتين إلا وقد حدث للأطباء الخمسة ما حدث.... فقد مات أحدهم ونقل الآخر من عمله وتقاعد الرابع واعتذر أحدهم من فعلته وفصل الأخير من الوظيفة ........... !!!! سبحان الله كل ذلك يفعله الاستغفار أين نحن من قوله تعالى فقلت استغفروا ربكم إنه كان غفارا} - يرسل السماء عليكم مدرارا - ويمددكم بأموال وبنين {- ويجعل لكم جنات ويجعل لكم أنهارا سورة نوح ===================================================! ==== يامن طلقك زوجك ظلما ويامن حرمت من الأولاد ويامن تريد الزواج يامن تريد فرج الله من الهموم التي ألمت بك يامن ضاقت عليك الأرض من المصائب تذكر أن الله معك ولن يخيب رجاءك بالاستغفار وأن جميع ما أصابنا من مصائب الدنيا إنما هو بذنوبنا فالنستغفر الله لتزول عنا ذنوبنا وأبشر بعدها بالفرج

16‏/03‏/2009

مبروك عليكم اللحمة يا زملكاوية

لسة داخلة من شوية على المصرى اليوم ولاقيت خبر يموت من الضحك.. الخبر بعنوان"بعد الفوز بالأربعة على «الطلائع» الزمالك يذبح «عجلين» احتفالاً بفك النحس.." هههههههههههههههه والله صعبوا عليا.. طبعاً مش العجلين اللى صعبوا عليا.. احم .. قصدى الزمالك:) يا عينى اومال لو كسبولهم ماتشين تلاتة هيعملوا ايه؟؟!!

12‏/03‏/2009

عند البنات: مراية الجواز عمياء

السلام عليكم كلنا عارفين إن من المقولات الشائفة بيننا " مراية الحب عامية".. يعنى لو واحدة بتحب واحد بس شايفة فيه شوية عيوب كدا بتطنشها بمزاجها وبتقول لنفسها لما نتجوز هغيره ودا طبعاً كلام بتضحك بيه على نفسها.. لأن محدش بيغير حد الا إذا كان الطرف التانى مدرك ان هو نفسه فى صفة مش كويسة ومحتاجة تتغير ساعتها هو بيبدأ بنفسه التغيير إرضاء للطرف الاول. لكن حالياً بما إن فى ندرة فى العرسان وفى سوء أحوال مادية كتير بتعوق الجواز .. وبما إن حلم الفستان الابيض والطرحة البيضاء يراود كل بنت فى خيالها.فتحولت المقولة من مراية الحب عامية الى مراية الجواز عامية..يعنى البنت تبقى بردو شايفة عيوب الدنيا كلها فى عريس الغفلة وتسكت وتغير الحقائق عشان بس متسمعش من حد كلمة يا عينى يا بنتى هو انتى لسسسسسسسسسة!!! مفيش حاجة؟!! مفيش عريس مدكنة عليه كدا؟؟ وكأن البنت اللى جوازها اتأخرش شوية دى عندها نقص بأنوثتها .. ومحدش فااااهم ان كل شىء نصيب..حد فاهم حاجة؟؟؟؟؟؟؟؟؟ يعنى هحكيلكم حكاية واقعية مائة فى المائة.. حاجة بجد شفتها بعينى وسمعتها بودانى.. صاحبة المشكلة:: ياااااااه كل يوم فلانة اتخطبت وفلانة اتجوزت.. ايه الحاجة اللى تعقد دى.. اومال انا هيجى الدور عليا امتى بس صاحبتها:: وانتى مستعجلة على ايه يا بنتى.. كل واحدة بيجيلها نصيبها لحد عندها من غير ما تدور بعد كام يوم صاحبة المشكلة:: انتى عارفة امبارح حصل ايه؟؟ جالى عريس تصدقى.. اه والله جالى عريييييييييييييييييييييييس لولولوى صاحبتها:: مبروك.. يلا يلا تعالى احكيلى عنه.. شكله ايه؟ شكله مقبول يعنى بالنسبة لك وللا ايه احكيلى؟ صاحبة المشكلة:: أمووووووووووووووووووووووووووووووووووووووووووووووووووووووووووووووووووووووور صاحبتها:: بجد.. كويس حظك حلو .. طب متدين؟؟ صاحبة المشكلة:: طبعاً .. دا من البيت للجامع ومن الجامع للبيت تصدقى!! صاحبتها:: والله كويس .. يعنى شكله كويس ومتدين ما شاء الله.. طب أخلاقه؟؟ صاحبة المشكلة:: بيبر مامته واهله جداً جداً واكيد هيعاملنى زيهم.. دا غير أنه طيب والناس بتقول انه كويس أوووووووووووى.. صاحبتها:: الله الله .. دا على كدا يبقى لقطة!! صاحبة المشكلة:: استنى انتى لسة متعرفيش هيجبلى شبكة كمان .. ومش أى شبكة .. لاااااا دا قالى اختارى اللى انتى عايزاة وانا اجبهولك.. صاحبتها:: بدأت أغير بقى.. دا انتى حظك ما شاء الله حلو اوى .. يعنى دا عريس ميتفوتش.. اوعى تضيعيه من ايديك صاحبة المشكلة بعد كام يوم:: عندى ليكى مفاجأة .. جبنا امبارح الشبكة تصدقى بكااااااام؟؟ ب 13 ألف جنية وانا اخترت كل اللى عايزاه وشكلها تحففففففففففففففففة صاحبتها:: الله بجد.. ألف مبروك يا حبى . عقبالنا كلنا يارب.. صاحبة المشكلة تمد ايدها فى وش صاحبتها بكل فخر وسعادة وسرور وزقططة:: شفتى الدبلة.. ها ايه رأيك فى زوقى؟؟؟ صاحبتها:: حلوة اوى بجد جميلة.. الله نفسى انا كمان أشوف دبلة فى ايدى بقى بس تكون دبلة انسان بحبه وبيحبنى.. يااااااااااااارب صاحبة المشكلة:: خطيبى جاى يأخدنى انهاردة.. يلا انا نازلة باى باى صاحبتها :: صاحبتها استنى انا نازلة معاكى:: بوم بوم ايه دا هو دا خطيبك.. هو دا الامور اللى قلتيلى عليه؟! صاحبة المشكلة:: اه مش قلتلك امووووووووووووووووووووووووور صاحبتها طيب ربنا يباركلكم صاحبة المشكلة:: خطيبى كان بيشتغل فى هولندا بقاله ست سنين والشقة بقى اللى جايبهالى تهبل.. كان نفسى تشوفيها .. دا كمان كان عايز يجيب عربية بس قلتله بلاش دلوقت .. خليها بعدي.. وشوفتى كمان جابلى موبايل جديد.. انا فرحانة اوى.. اخيراً حلمى بيتحقق:) ... وبعد الجواز وبداية المشاكل.. وتعدى مشكلة مع التانية مع التالتة مع الخمسين فى أول سنة جواز صاحبة المشكلة:: يااااااااا الله زهقت وتعبت ومش قادرة اتحمل كل يوم مشاكل ونكد.. دا أنا من ساعة ما جبنا الشبكة مشفتش يوم حلو معه صاحبتها:: سبحان الله.. فى ايه بس يا بنتى.. ما انتى كنتى مزقططة وطايرة من الفرح بيه صاحبة المشكلة: امتى دا يا بنتى دا أنا حياتى معه كلها نكد والله.. دا من يوم الصباحية وهو مشغلنى خدامة عنده.. دا حتى الخروج مبيخرجنيش.. والفلوس مفيش.. دا انا كل ما اروح عند مامتى باخد منها فلوس.. عيشة تقرف!!!! صاحبتها:: مش كنتى بتقوليلى انه راجع من السفر ومعه فلوس كويسة وجايبلك شقه مش عارفة ايه وهيعيشك عيشة حلوة ودا اللى كنتى بتتمنيه صاحبة المشكلة:: انا قلت كدا .. انتى بتحلمى.. محصلش طبعاً.. دا هو ع الحال دا من ساعة ما عرفته..هو مفلس كدا على طول.. ولا حب ولا فلوس ولا حتى معاملة طيبة.. دا مقلب.. مش اى مقلب ..دا اكبر مقلب خدته بحياتى صاحبتها:: غريبة ..هو انا بألف كلام من دماغى والله دا كلامك.. أزاى معذبك كدا وانتى قلتيلى انه متدين وبيصلى الفرض بفرضه!!!!!! صاحبة المشكلة:: بيصلى ايييييييييه.. دا بيصلى على سطر وبيسيب سطر.. دا كان بيضحك عليا .. كان بيقعد يقولى انه متدين وحافظ على العبادات وكمان كان بيقولى انه بيصلى النوافل وكله طلع كلام فى الهوا صاحبتها:: يا لهوى حتى العبادات فيها كدب!!!!! حدوتة حقيقية والله.. البنت عشان كان نفسها تلبس دبلة وكان نفسها تشوف نفسها بالفستان الابيض.. ضحكت على نفسها.. غيرت الحقائق.. كانت عارفة عيوبه وضحكت على نفسها.. كل دا فداء للفستان الابيض والطرحة البيض وبالنهاية الطلاق الاكيد

10‏/03‏/2009

يا ترى بتفكر فى ايه؟

السلام عليكم الايام دى الموت شغال الله ينور.. مش بيفرق بين كبير وصغير.. بيطول الكل كنت بتكلم مع واحدة صاحبتى ولاقيتها بتقولى من فترة كدا فلانة قريبتى ماتت وبعدها بفترة قصيرة وانا بكلم صاحبتى دى بردوا قالتلى فلانة جارتى ماتت والاتنين فى العشرينات من عمرهم وماتوا من غير اى سبب ولا مرض .. موت الفجأة .. قلتلها لا حول ولا قوة الا بالله الله يرحمهم جميعا .. وسكتت لاقيتها بتقولى : احنا قاعدين نشوف الناس قاعدة تموت هنا وهنا وكبار وصغار .. طب يا ترى مبنفكرش اننا ممكن يكون الدور علينا.. ربنا قاعد يبعت لنا فى رسائل عشان نفكر ونعرف ان الدنيا مش مستاهلة.. مش مستاهلة تخانق فلان وتسب فلان وتعادى فلان.. مش مستاهلة تحقدى على دا وتحسدى دى..مش مستاهلة تشغلى نفسك بأمور غيرك الافضل تشغلى نفسك بأمورك انت وحياتك انت..مش مستاهلة ان كل اتنين متجوزين يبقى هدفهم الاول والاخير انهم ينكدوا على بعض.. مش محتاجة الناس كلها تكون وحشة كدا وبتاكل فى بعض كدا صاحبتى دى كان عندها مشاكل كتير مع جوزها لحد ما وصلت المشاكل دى للطلاق.. فلاقيتها بتقولى انا لما بشوف الناس قاعد الموت يفرقهم بلا رجعة كدا بحتقر نفسى وبحتقر جوزى اوى.. احنا عملنا حاجات كتير غلط فى بعض ومجاش فى بالنا للحظة واحدة ان اللحظة دى ممكن تكون اخر لحظة لينا فى عمرنا .. ممكن بعد المشكلة دى نموت واحنا زعلانين من بعض ومش طايقين بعض..يبقى ايه الفائدة اللى اخدناها؟؟ ضيعنا دنيتنا واخرتنا!! حسيت بجد انها عندها حق كل واحد لما بيسمع ان فلان مات بيعمل ايه؟؟ بيقول يااااااه الله يرحمه.. ولا بيجى فى مخه انه يفكر فى كدا.. يفكر ان ممكن الدور الجاى يكون عليه انا مش هخبى عليكم انا بترعب من الموت.. وبخاف اوى لما باسمع ان حد مات.. رغم انى مش دائما براعى فكرة الموت دى فى بعض تصرفاتى لانى بشر وكدا كدا اكيد بعمل ذنوب..لكن حقيقى دائماً حاسة انى مش جاهزة.. وخاصة لما فكر فى انى هيجى يوم عليا واكون تحت التراب ومحدش معايا ولا اهلى ولا صحباتى ولا حبايبى.. بس لوحدى مفيش معايا غير عملى.. ساعتها بدعى " اللهم ارحمنا فوق الارض وتحت الارض ويوم العرض عليك" وبتمنى انى اموت على طاعة مش معصية.. نفسى اموت وانا ساجدة وبكلم ربنا فى سجودى اللهم احيينا على طاعتك وامتنا على طاعتك يارب العالمين

08‏/03‏/2009

كل سنة واحنا طيبين

السلام عليكم وكل سنة وانتم كلكم طيبين بمناسبة مولد النبى ويارب مننساش كلنا كدا نصلى على النبى كتير بيوم مولده الكريم وبلاش نخلي الاحتفال مقتصر على أكل الحلاوة وبس :) اللهم صلى على سيدنا محمد وعلى اله وصحبه وسلم ويارب يارب كل واحد عارف ان هو فيه صفة معينة مش كويسة يحاول يصلحها.. خلى البداية بيوم مولد رسولنا الكريم صلى الله عليه وسلم.. ويلا ناخد نية كدا كلنا ان اى تغيير هنعمله فى نفسنا للأحسن ان شاء الله هيكون عشان يفخر بينا سيدنا محمد صلى الله عليه وسلم.. وياريت لو فى ذنب معين حد مصر عليه يسيبه ويتخلى عنه عشان يرضى سيدنا محمد.. لازم نحس ان اليوم دا غير اى يوم يوم فيه طاعة وعدم اصرار على اى معصية.. عايزين نقول لنبينا بنحبك يا رسول الله ص.. ومهما عملنا من ذنوب بيجى يوم ونتوب ونرجع لربنا لأننا بشر ولسنا معصومين من الخطأ.. الكلام دا مش كلام نصايح ليكم لاءة دا كلام انا بقوله لنفسى كمان.. واخيراً بقى كل سنة وانتم جميعا طيبين ::::::::::::::::::::::::::: إضافة: وأنا بلفلف على المدونات لاقيت حلقة حلا شيحة اللى جت من كام يوم على قناة الناس وهى وجوزها بتحكى عن كيفية التزامهما وازاى بدأت تصلى واتحجبت وكدا.. دا مش دعوة للنقاب لان عليه اختلافات كتير بس الحلقة كدا على بعضها بقى فقلت اجيبلكم اللينك لو حد حابب يشوف الحلقة http://www.way2allah.com/modules.php?name=Khotab&op=Detailes&khid=10589#UP ::::::::::::::::::::::::::::: ودى كمان شوية لينكات عن الحلقتين بتوع برنامج خدعوك فقالوا للاستاذ مصطفى حسنى الحلقة الاولى عن الازواج والحلقة التانية عن الزوجات.. يارب يعجبكم وتعم الفائدة يارب دى الحلقة الاولى http://rapidshare.com/files/200801725/Khadaouk09EP8.rmvb ودى الحلقة التانية http://rapidshare.com/files/20334668...3alia_p2_vh.rm

05‏/03‏/2009

lets try

بما إن المود العام المسيطر على أغلب المدونين وبصراحة مش المدونين بس الناس بشكل عام يعنى هو الكابة او الملل فجبتلكم شوية حاجات كدا يارب تساعد اللى محتاجها وانا اولكم طبعاً

::::::::::::::::::::::

هذه بعض الأمور التي تساهم في تحسين المزاج النفسي بحيث يشعر الإنسان بالتفاؤل ودى( حاجات قرأتها على النت) فهي: · حاول تغيير المنظر عن طريق تغيير الأماكن بحيث لا تعتاد على نمط معين في الحياة. · حاول عمل شيء يدفعك إلى التحدي ، بحيث تتحدى قدراتك و تكتشف طاقاتك الدفينة. · حاول من وقت لآخر عمل شيء مختلف عن روتين حياتك لكي تكسر الملل. · حاول التعرف على أشخاص جدد كلما سنحت لك الفرصة لان ذلك يفتح أمامك آفاقا جديدة و معارف جدد قد يضيفون الكثير إلى حياتك. · حاول أن تبتسمي اكثر، لان ذلك سنعكس على نفسيتك. · حاول أن تستمتعي بما بين يديك بدلا من النظر إلى ما بيد الآخرين

:::::::::::::

وبما انى عايزة اتغير وبدور على حاجات تساعدنى على كدا فجبت كمان شوية خطوات من كتاب دكتور ابراهيم الفقى التى تساعدك على التغيير سواء تغيير عادة سيئة بتعملها أو تصرف مضايقك أو حتى تغير سلوك فيك انت زى مثلاً انك تكون عصبى وحابب انك تتغير وتبقى انسان مش عصبى

وأول حاجة هبدأ بيها هى

مقولة عن الفيلسوف الالمانى جوته بتقول: يجب ان نطور ونغير ونجدد دائما من انفسنا والا تحجرنا

::::::::

::::::::

محطات التغيير:

اولاً: الملاحظة. ملاحظة السلوك او الشىء الذى تشعلا انك غير راضى عنه فيك و الذى تود التخلص منه

ثانياً:اتخاذ القرار الحاسم بالتغيير

ثالثاً:التعليم ويكون بجمع المعرفة والمعلومات التى تلزمك من اجل التغيير

رابعاً: الاستيعاب وهو لا يحدث الا إذا بدأت باتخاذ خطوات ايجابية سهلة وبسيطة فى طريقك للتغير .فلا تثقل على نفسك بعمل مليون حاجة اول يوم وبعد ذلك تشعر بالكسل من مواصلة التغيير

خامساً:الممارسة العادة الجديدة تحتاج الى صبر واصرار من اجل ترسيخها وتعويد النفس عليها.

سادساً: الاستمرارية وتكون بالمواظبة على فعل السلوك الجديد بشكل مستمر وعدم التراخى عن القيام به.

بعض النصائح لمن يطمح فى التغيير

اولا حفز نفسك دائماً وايقظها من الخمول

ثانياً: اعرف نقاط قوتك وضعفك وركز على الاشياء التى تحتاج الى تنمية وتغيير

ثالثاً يجب ان تكون لديك الرغبة القوية فى التغييرويجب ان تتحلى بالثقة فى النفس