الاهلى خسر وايه يعنى
اومال احنا بنتعلم ايه من الرياضة؟ بنتعلم يكون عندنا روح رياضية
كنت باسمع ان ناس كتير بيحبوا الاهلى وان مصر قربت كلها تبقى اهلاوية من كتر خساير الزمالك
لكن اول مرة اتأكد من كدا بجد امبارح والنهاردة من برامج التليفزيون واراء الناس المليانة بالحزن بسبب خسارة
الاهلى امبارح فى اليابان.. وكأن الاهلى هو مصدر الفرحة الوحيد للمصريين..
الاهلى بقى عامل زى الطالب المتفوق اللى دائما بينجح وبيجيب الدرجات النهائية وبيتكرم وبياخد جوائز على طول وفجأة الطالب دا شال مادتين بعد ما اتعود على طعم النجاح وعود اللى حواليه واللى بيحبوه على طعم النجاح والتفوق.. فكانت صدمه له وللى حواليه
معلش هى دى الرياضة .. غالب ومغلوب
المرة دى خسارة والمرة الجاية فوز وانتصار وفرحة.. والله شعبنا دا غلبان اوى
يا جماعة خلاص زعلانين على ايه .. مش عيدتوا واخدتوا العيدية ولبستوا جديد واتفسحتوا وانبسطوا ودبحتوا الخروف.. خلاص مفيش حاجة تستاهل الزعل
3 comments:
استمتعبالكورة اه
زى ما بستمتع بالتليفزيون والنت
انما الكورة تبقى حياتى كلها لا
الحق إن الأهلي كان يستحق الخسارة وبالنتيجة دي ويمكن أكتر
بس زي ما قلتي ياباربي
إحنا أتعودنا على الفوز والبطولات
فالخسارة بتبقى صعبة جدا علينا
مع إنها جزء من أي رياضة
ويمكن اللي زاد الزعل عند الناس لإن الأهلي مالعبش كويس
وده اللي خلا الناس زعلانة أكتر
عموما الحمد لله
قدر الله وماشاء فعل
ياشماتة أبلة زيزي فينا
بصراحة الشعب غلابان ياباربى بيدوروا على حاجة تفرحهم
بيشوفوا فى الاهلى رمز لانتصارات هما مش عارفين يحققوها فى حياتهم
غلابنين بجد:(((
إرسال تعليق