وصايا أ/عمرو خالد لاستقبال رمضان (3)

** أنا و القرآن : قال رسول الله :" من قرأ حرفا من كتاب الله فله به حسنة و الحسنة بعشرة أمثالها, لا أقول "ألم" حرف و لكن "أ " حرف و "ل " حرف و "م" حرف " صدق رسول الله . ها .. ناوي تختم كام مره السنه ده .. ان من أحب الأعمال في رمضان لله قراءة القرآن .. ايه الدليل ؟!! .. ان سيدنا جبريل بينزل على الرسول كل ليله يدارس معاه القرآن .. كان بيقعد حوالي 45 دقيقه تقريبا ده أقل تقدير .. ** أنا و الصدقه : - وضع مبلغ من المال دلوقتي عشان تتصدق بيه .. مثلا كان ! 30جنيه .. كل يوم جنيه .. و فك الجنيه لخمسينات قرش ( ملحوظه لغير المصريين : الجنيه يساوي 100 قرش ( . - عندك تمر اتصدق بجزء منه . - عندك هدوم مش محتاجها طلع يلا . - فطر ناس و لو على تمره . - اعمل أكياس فيها سمنه و رز .. الخ و اديه للغلابه . ... الخ ** أنا و التراويح : التراويح كده يعني انت بتختم القرآن في صلاه و انت واقف .. (اي طبعا انك هتختم القرآن قراءه يعني كده تبقى ختمته مرتين على الأقل ( السيدات طبعا صلاتهم في البيت أفضل لكن في رمضان ده ظروف خاصه .. روحي صلي في جماعه في المسجد هتلاقيها هترفع من ايمانياتك قوي .. ** أنا و صلة الأرحام : • قال الرسول عليه الصلاة و السلام " لا يدخل الجنه قاطع " . • و قال عليه السلام " ان الرحمه لا تتنزل على قوم بهم قاطع " . • ليلة رمضان طلع الأجنده و أطلب كل العيله .. هتقول مش طايقهم و مش قادر أكلمهم .. معلش كلمهم برده

متابعة نصائح أ/عمرو خالد لاستقبال رمضان (2)

* متابعة نصائح أ/عمرو خالد لإستقبال رمضان

أنا و الصلاة :

عندك فرائض و نوافل : - الفرائض: حط قدامك هدف " 5 صلوات في اليوم , صف أول , جماعه أولى , في المسجد , 30 يوم . " . و السيدات يصلوا في بيتهم في جماعه لو أمكن و المهم في أول الوقت .. - النوافل : أ المؤكدة : 12 ركعه في اليوم * 2 قبل الفجر

. * 4 قبل الظهر (أو

2 ) * 2 بعد الظهر ( أو

4 ) * 2 بعد المغرب

. * 2 بعد العشاء

. قال صلى الله عليه و سلم : " من صلى في يوم و ليلة أثنى عشرة ركعة بني له بيتا في الجنة." صدق رسول الله.. ب سنن غير مؤكده

: * 2 أو 4 قبل العصر

* 2 قبل المغرب

* 2 قبل العشاء

* 1 ركعة الوتر

وصايا أ /عمرو خالد لرمضان من درسه " كيف تستقبل رمضان ؟ "

"بسم الله الرحمن الرحيم " شهر رمضان الذي أنزل فيه القرءآن هدى للناس وبينات من الهدى والفرقان فمن شهد منكم الشهر فليصمه ومن كان مريضاً أو على سفر فعدة من أيام أخر يريد الله بكم اليسر ولا يريد بكم العسر ولتكملوا العدة ولتكبروا الله على ما هداكم ولعلكم تشكرون" صدق الله العظيم .. ( سورة البقرة (185: السلام عليكم اخوتي هذه الوصايا و الخطوات العمليه جــــــدا جــــــدا قالها الأستاذ/ عمرو خالد في درسه " كيف تستقبل رمضان " ... عن سلمان الفارسي قال خطبنا رسول الله صلى الله عليه و سلم في آخر يوم من شعبان " آيها الناس قد أضلكم شهر كريم عظيم مبارك , شهر فيه ليلة خير من ألف شهر - ( يعني حوالي 84 سنه .. يعني العباده الواحده لو عملتها في الليله ده كانك بتعمل نفس العبادة كل يوم لمدة 84 سنه متصله ) - جعل الله صيام نهاره فريضه و قيام ليله تطوعا . من تقرب فيه بخصله من خصال الخير كان كمن أدى فريضة فيما سواه - ( يعني صلاة السنه مثلا بصلاة ظهر , الصدقه كانك زكيت ... ) - و من أدى فريضه كان كمن أدى سبعين فريضه فيما سواه - ( يعني شوف مثلا صلاة الظهر بحسنه و الحسنة بعشرة أمثالها * سبعين عشان رمضان * 27 لو صليتها في المسجد * خمس صلوات في اليوم * 30 يوم = 1 * 10 * 70 * 27 * 5 * 30 = 2835000 حسنه في رمضان " و الله يضاعف لمن يشاء " ) - و هو شهر الصبر - ( يعني مجاهدة نفس ) - و الصبر ثوابه الجنة و شهر المواساه و شهر يزداد فيه رزق المؤمن . من فطر فيه صائما كان مغفرة لذنوبه و عتق لرقبته من النار و كان له مثل أجره من غير أن ينقص من أجر الصائم شيئا .. قالوا يا رسول الله : ليس كلنا يجد ما يفطر عليه صائم ؟! – ( واحد يقول مثلا أنا لسه طالب باخد مصروفي , أصل أنا مامعيش ( .. قال صلى الله عليه و سلم : يعطي الله هذا الثواب من فطر صائما على تمره أو على شربة ماء أو على مسقاة لبن " .. – ( الست اللي بتقف طول اليوم في المطبخ حرام انك ما تخديش ثواب على الوقفه ده .. و تبقي واقفه تقولي أصل أهل جوزي جايين و أنا مش طايقاهم و عايزه أوريلهم ان أكلي حلو و ان احنا بنحط زبيب و مكسرات على الرز أحسن دول كانوا بخلا قوي لما اتعزمنا عندهم .. ؟!!!! ( قال رسول الله صلى الله عليه و سلم : " من صام رمضان ايمانا و احتسابا غفر له ماتقدم من ذنب " هتقول صعبه اني أجيب صيام رمضان كله ايمانا و احتسابا .. ييجي الحديث اللي بعده . " من قام رمضان ايمانا و احتسابا غفر له ماتقدم من ذنب " ممكن تقول صعب برده اني أجيبها كل ليله . يقولك طيب " من قام ليلة القدر ايمانا و احتسابا غفر له ماتقدم من ذنب " .. عارف اللي عايز يغفرلك و يرحمك و خلاص .. سبحان الله البرنامج العملي جدا يساعدك على الآخر ): اعمل ورقه النهرده و حطها في غرفتك و كبرها و بروزها و حطها في حته باينه .. عشان تبص عليها كل يوم .. الواحد لما بييجي رمضان بيتوه و يقول أنا عايز أعمل حاجات كتير بس ايه هيه ؟! .. عشان كده اعمل الورقه من دلوقتي)

اسبوع فى الساحل يا عينى عليه

كنت نفسى بقالى فترة انى اروح مكان بعيد وهادى ومفيهوش ناس كتير ويكون فيه بحر وهوا ورمل وفقط واخيراً ربنا حققلى حلمى وكنت فى المكان دا لمدة اسبوع كامل الاسبوع اللى فات الساحل السمالى

مكان كدا كأنه حلم

البحر الوانه تجنن

دا غير المساحات الخضراء الكتير (الحدائق)

والهواء لا يوصف جماله

والهدوء مفيش ااجمل من كدا

اول مرة اروح مكان بالهدوء دا

بعيد عن الجرائد والاخبار اللى دائما بتحرق دمى

بعيد عن الدوشة

مكنتش عايزة افكر فى اى حاجة تضايقنى هناك

كنت بس بحب اقعد متنحة قدام البحر

واشم هواء نضيف

وللا وقت الغروب يا الله.. يجنن.. بجد سبحان الله

ربنا خلقلنا البحر بالوانه المتدرجة دى كلها ليه؟

كان ممكن يخلقهولنا بلون واحد او يخليه هو والنيل نفس اللون

ليه خلى الالوان بالجمال دا

الله

ربنا عمله كدا عشانى وعشان كل انسان يقعد قدام البحر يقول يا الله معقول عملته كدا عشانى.. عشان اتفرج عليه

واستمتع بجماله واهدى اعصابى

وللا لما ابص بعيد وابقى عايزة عنيه تجيب اخر البحر والاقى فى الاخر كأن السما متحدة مع البحر

وللا وقت الغروب لما السما تتغير الوانها ويبقى فيها تدرج الوان جميل بدرجات الاحمر وبعدين الشمس وكأنها بتغطس جوا البحر وبتدخل لبيتها

كل دا يارب عملته عشانى

عشان اتمتع بجماله

وللا الموج اللى ماشية فى صفوف صف ورا التانى ومبتتعبش

ليه البحر المتوسط بيكون فيه موجة واضحة ومختلف عن البحر الاحمر تماماً

ليه يارب مخلقتش البحرين الاحمر والمتوسط شبه بعض وللا حتى خليتهم شبه النيل

ياااااااااه

بردو عشانى

عشان استمتع بجمالهم واشوف قدرتك واحس بحبك للانسان اللى قاعد يعصاك ليل نهار

انت بتحبنا اوى كدا يارب