BLOGGER TEMPLATES - TWITTER BACKGROUNDS »

١٢‏/٠٩‏/٢٠١٠

مصر وتحرشات العيد

بالصور نقلاً عن اليوم السابع... تحرشات جماعية بالبنات فى الحدائق العامة تفسد فرحة المصريين بالعيد.. و"الصبية" يدخنون السجائر بحديقة الفسطاط فى يوم حظر التدخين بالأماكن العامة

http://www.youm7.com/News.asp?NewsID=276432&SecID=12 الظاهر ان كتير من الناس فى البلد دى مش ناويين ينضفوا ولا بشهر رمضان ولا من غير رمضان..مفيش حاجة فارقة معاهم وقلة الادب بقت حاجة متأصلة فى دمهم. المستفز بقى انهم شوية عيال معدوش 15 سنة وطبعاً دا الجيل الجديد بتاع بلدنا المحروسة..معرفش اهاليهم شغلتهم ايه فى الحياة ..دول عيال مشافوش تربية من الاساس. بلد تعدادها اكتر من 80 مليون مخلوق مش عارفين نوفر منهم شوية ناس يشتغلوا فى الامن لحماية اهلها.. معلش اصل الدنيا عيد والامن بيعيدوا بقى وبياكلوا كجك وبسكوت..ربنا يرحمنا ويحمينا ويبعد عنا ولاد الحرام..كل سنة وانتوا طيبين.....

4 comments:

lonely يقول...

بصى يا باربى المجتمع بيقولك البنت هى اللى غلطانة
هنكدب المجتمع يعنى !! ايه اللى ينزل البنات اصلا من بيوتهم !! لأ ونازلين كمان فى العيد
غلطانين غلطانين من هنا لبكره الصبح
والمجتمع بردو بيقولك الشباب غلبانين هايعملوا ايه من الضغط
اما بقى القله المندسة ذات ال 15 سنة وما دون ذلك
فدول عليهم ضغوط من كبت رمضان طبعاً , مش لاقيين حاجة يتفرجوا عليها فى التليفزيون على مزاجهم وطول النهار ياعينى جعانين وعطشانين
اهم بيتصبروا بالشتيمة فى رمضان
يعنى مش كفاية الاكل والشرب محرومين منه بالنهار وكمان الشتيمه والبنات
لأ يا باربى لأ .. انتى كده بتقسى عليهم جامد
ربنا يكون فى عونهم يا بنتى
ويارب البنات تقعد فى بيتها بقى بلا عيد بلا علام بلا كلام فارغ

عمرو يسرى يقول...
أزال المؤلف هذا التعليق.
عمرو يسرى يقول...

ومين قال لحضرتك ان اهاليهم محترمين اصلا
حضرتك فاكره ان الجيل الجديد جايب حاجه من برا

barbie girl يقول...

لونلى:
انتى اكيد بتهزرى صح؟
يعنى البنات اللى فى الصور اصلا لبسهم محترم وكمان صغيرين والولاد شكلهم عيال على الاخر يبقى مكبوتين ازاى بس؟
:::::::::::
عمرو بسرى:
لا يا استاذ يسرى مينفعش نعمم الكلام..ما احنا بردوا من الجيل الجديد واخواتنا وقرايبنا واصحابنا..بس المشكلة فى اختلاف نوع التربية المقدمة للجيل الجديد