BLOGGER TEMPLATES - TWITTER BACKGROUNDS »

٢٩‏/٠٤‏/٢٠٠٧

مجهول أخشاه أنا

عندما انهيت الدراسة فى الثانوية العامة وجالى التنسيق بكلية الالسن, شعرت فى الايام الاولى بعد التنسيق بحزن شديد لأننى لم التحق بالكلية التى كنت اريدها طوال حياتى, ولكنى بعد ذلك بدأت ان أتأقلم على الوضع ورضيت بما قسمه الله لى,وبدات انا وصديقاتى التجهيز لهذه المرحلة الجديدة التى كما بصددها,كنا تقريبا نتحدث يوميا وكان كل اللى شاغلنا ومفرحنا اننا هنشترى هدوم كتيييييييير على غير المعتاد يعنى وهنترحم من اليونيفورم بتاع المدرسة,ولكن كلما كان يقترب موعد بداية الدراسة كلما ازددت قلقا وتوترا.. وهذه هى طبيعتى كلما اهم بدخول اى مرحلة جديدة فى حياتى..
كنت قلقة من هذا العالم المبهم بالنسبة لى,لم أكن أعرف عنه شيئا سوى كلام من مروا بهذه المرحلة من قبلى, وهو ان الجامعة عبارة عن لبس وشياكة وميكب ومفيش مذاكرة وصحوبية وولاد وبنات وسلاطة..ومن ضمن الخرافات اللى كان بعض البنات بيقولوها ان البنت لو عايزة اى محاضرة لازم تطلبها من الولاد عشان البنات مش هيرضوا يدولها حاجة!!!
هذا ما سمعته قبل دخولى الجامعة من اصحابى!!
واتت ساعة الصفر وبدات الدراسة..كنت مبهورة بهذا العالم الذى دخلته..شعرت وقتها انه عالم كبير على بنوتة صغيورة مثلى..لم اكن اصدق بالفعل اننى اصبحت انسة جامعية ..تدخل الى هذا العالم الذى طالما سمعت عنه..
لم تكن الصورة كالتى رسموها لى من قبل دخولى الجامعة
نعم رأيت بعض الاشياء التى وصفوها لى ولكن ليس كل شىء سمعته ..رأيته
اولا: مسألة اللبس والميكب ..نعم وجدت الكثيرات من البنات لديهم هذه المسألة بشكل مبالغ فيه جدا جدا جدا
كدت انزلق معهم ولكن ربنا رحمنى واكرمنى بانى اركز وانتبه ان هؤلاء البنات غلط ..
ولكن حتى اكون عادلة ان هذه المسألة ليست منطبقة على كل البنات هناك..فهو عالم كبير..فيه المحجبات والغير محجبات والمنتقبات والغير منتقبات..وفيه وفيه...!!
ادركت ان الله خلق لنا عقلا وان كل واحدة مننا هى اللى هتتحاسب عن نفسها ومش هتقول لربها "معلش اصلى كنت باعمل ذى اصحابى"
ثانيا:حكاية البنات والولاد والمحاضرات اللى عاوزة تتنقل دى
طبعا كله كلام فارغ
وعرفت ان اللى سمعتهم بيقولوا كدا كانوا بيبرروا لنفسهم تصرفاتهم الخطأ وليس اكثر من ذلك
انا لا ادعو للانعزالية ولكن بأقول اللى عايزة تعمل حاجة غلط تعملها بس مش لازم نقعد نجيب حجج وتبريرات فارغة عشان بس نرضى ضميرنا!!!!
ثالثا حكاية ان مفيش مذاكرة: تنطبق عليها قول(خدعوك فقالوا)
لانى لا ينطبق على كليتى هذا الكلام اطلاقا
حتى ان بعض المواد ملهاش كتب وبتكون المذاكرة كلها على النت..انا اللى بدور على المعلومة واطلعا وامتحن فيها..والموضوع مطلعش لعب عيال ذى ما سمعت
*والان وبعد ارع سنوات قضيتها فى الجامعة اعتدت على ان اذهب اليها كل يوم..واحضر المحاضرات واشوف اصحابى وناكل سوا ونهزر سوا ونضحك سوا ونحكى لبعض على اللى مفرحنا ومزعلنا
اعتدت على هذا الجو الذى احببته ولا أدرى كيف سأتركه ؟؟
كيف اعود واذهب الى عالم مجهول اخر بالنسبة لى
ومن هنا تبدأ رحله المجهول مرة ثانية فى حياتى!
باق اقل من شهر على الامتحان..كلما مر يوم يزداد قلقى وخوفى من ان اصل للعالم الذى لا اعرف عنه شىء
فانا لا اعرف ماذا ينتظرنى بعد يوم 13 يونيو 2007!!
لا اقدر على ان اتصور حياتى تتغير عن هذا النهج الذى تعودت عليه
سوف افتقد كل شىء فى الجامعة
سوف افتقد صديقاتى الى حد كبير..فهن يمثلهن الكثير بالنسبة لى
سوف افتقد ضحكنا ولعبا وتزويغنا من المحاضرات (ههههه مش كتير اوى يعنى)وتعبنا واحنا بنذاكر
سوف افتقدكن حقا
سوف افتقدك كثيرا يا خديجة يا احب واحلى واطيب صديقة عرفتها!!
اعرف ان كل واحدة منا سوف تنشغل بحياتها المستقبلية
كل واحد ة سوف تتزوج بإذن الله ويكون لها حياتها الخاصة
يمكننا ان نتواصل نعم ..ولكن اعرف ان تواصلنا سوف لا يصل الى ما نحن عليه الان
سوف افتقد حتى الدكاترة ..لا انكر اننى تعلمت منهم الكثير..رغم ان بعضهم كنت لا اطيقه.زولكن الغالب هم من تركوا بى اثرا ايجابيا سوف يفيدنى فى حياتى
ادعو الله ان يكتب لى الخير فيما هو قادم فى حياتى
ادعو الله ان يختار لى الخير دائما
barbie girl

28 comments:

الملكة هند يقول...

The story between fact and fiction

Superb job.

غير معرف يقول...

السلام عليكم

ما بعد الدراسة .. المجهول

الذي نخشاه جميعا

كما كانت الكلية مجهول نخشاه

كما كنا نريدها شئ و اعتدناها شئ اخر

حتى احببناها .. و ها نحن نحزن لفراقها

تماما مثل ذلك المجهول

" قل لن يصيبنا الا ما كتب الله لنا "

فاروتا المصرى يقول...

السلام عليكم
اااااه انتهت الدراسه انتهت احلى ايام ممكن الواحد يعيشها
انتهت ايام الضحك والهزار وعدم تحمل مسئوليه الحياه ودى غير مسئوليه الامتحانات
انا مخلص من 2004 بصراحه كان نفسى اخلص كليه بس بعد ما خلصت قلت ياريتنىما خلصت
بس هى دى سنه الحياة
والحمد لله
وربنا يوفقك فى حياتك يا باربى جيرل

اخوكم فاروتا المصرى

غير معرف يقول...

ولا مجهول ولا حاجة.....كنت حاسس نفس الاحساس.....بس الانسان الناجح بينجح في اي مكان في اي مجال....وكل مرحلة ليها نجاحاتها وليها اصحابها ورفقاءها ف الطريق..........

aufwiedersehen

Amr Ahmed يقول...

هي اينعم مرحلة من احلي مراحل العمر

بس هي دي الدنيا

مفيش حاجة بتدوم

بس ممكن تلاقي اللي هتفتقديه ده

في نجاحك ان شاء الله في شغلك

وربنا يوفقك في الامتحانات

safa7_karmooz يقول...

لسه اول امبارح...كنت مع اصحابى اللى داخلين الكلية مع بعض ....بقوله كلها كام شهر وتتخرجوا...ومش هعرف ااشوفكم زى الاول...تقريبا هو مكنش متخيل الصورة اللى بتكلم عنها...بس بكرة يحس باللى ااقصده ...

داخلين متوقعين حاجه فى الجامعه...وشوفنا حاجه تانية ...

المهم اننا اخترنا طريق كويس نمشى فيه...بالنسبة لصديقتك..ممكن تتواصلوا برضه زى دلوقتى ...الرك بقى ازاى هتعرفواتحافظوا عالصداقة الجميلة دى طووووووووول العمر حتى بعد ما تتجوزوا ان شاء الله...وكل واحده يبقى ليها حياتها الخاصة...:)

safa7_karmooz يقول...

عاوز ااضيف ان الميوزك اللى حطينها جميلة جدااااااااااااااااااااا

يعقــــوب .... يقول...

بداية الحياة الحقيقة هى ما بعد الدراسة....ربنا يكرمك و يوفقك

khaled يقول...

ربنا يوفقك

Rehab Saber يقول...

كلمات جميلة جدا لمست قلبى

ربنا يعزك يا حبيبتى


ويوفقك يارب وييسرلك الخير

ومتنسيش اصحابك اللى كانو معاكى واسالو على بعض دايما

ربنا يكرمك

SomeOne يقول...

اه
دنيا
محدش مرتاح

اللي خلص زعلان

واللي بيسقط زي حلاتي زعلان
وعايز يخلص

ربنا يوفقنا جميعا
ويهون علينا الفراق
ويرزقنا بنعمة الرضا
:)

AHMED SAMIR يقول...

نصيحة بقى من واحد اتخرج من ييجي 5 سنين
الايام اللي انتي فيها دي بتاعة الجامعة دي مش هتتعوض
وهتقولي يا سلااااااااام دة احنا كنا في نعمة
بس مش هقدر اقوللك ربنا يديمها عليكي نعمة طبعا هقوللك ربنا يوفقك وتتخرجي على خير وهي دي سنة الحياة
تحياتي ليكي

barbie girl يقول...

spider man:thanks alot for your visit

i hope u enjoy it

...................
...................
منة الله: نعم ونعم بالله
ونورتى البلوج

................
................

فاروتا:
فعلا دى سنة الحياة
هو الموضوع بيبقى غريب بس فى الاول

barbie girl يقول...

مصراوى اوى:

حضرتك قلت كلمتين بس فيهم الشفا
اكيد الانسان الناجح بينجح فى اى مكان
بس مع زيادة الثقة فى النفس اكيد

willkommen

barbie girl يقول...

amr ahmed:

thank you

............

مشمش

اكيد ان شاء الله صلتى مع اصحابى مش هتنقطع

متغير اسمك الغريب دا بقى

.................

شكرا يعقوب على تعليقك
يارب تكون البداية مش وحشة
.................

barbie girl يقول...

خالد :شكرا لحضرتك
...............
اربيان جيرل: ربنا يكرمك يا حبيبتى
ادعيلى كتير بقى
.............
شادى: ذاكر وان شاء الله هتنجح
ربنا يوفقك
............

استاذ سمير: عارفة ان ايام الجامعة مش بتتعوض
بس اكيد الدنيا هلاقى فيها حاجات حلوة كتير تانية
اجملها اصحابى طبعا وروك :)

مشروع انسان يقول...

السلام عليكم اولا
بصى يا فندم طبعا كلامك صح بخصوص الجامعة ومبالغة البنات ومعرفة الصح من الغلط والله مفيش اامن من الدين الواحد يبقى فى ظله هيريح نفسه من حاجات كتيرة اوى والصحبة الصالحة اكيد
اما بخصوص المستقبل فانتى جاوبتى على نفسك بانك ذكرتى حالك قبل الجامعة واما دخلتيها لقيتيها عادى بعيد عن مبالغة الناس وهكذا برضه الحياة بعد الجامعة هتلاقيها عادى برضه مش مجهول يعنى بس طبعا للى هيشتغل ممكن يتعب شوية وممكن ربنا يسهلهالو علطول يعنى رزق بيكون من عند ربنا واللى مش هيشتغل ممكن ينمى نفسه بكورسات ودورات تفيده هو فى الحياة وربنا يوفقك

barbie girl يقول...

شكرا يا امام الجيل
ربنا يكرمك
وجزاك الله خيرا

Bride Zone يقول...

حياة كل انسان على وجه هذه البسيطة هي مراحل يمضي ايامه بالتنقل بينها.. كلمها تنتهي مرحلة تبدا أخرى.. موت وميلاد..
كلنا كنا نخاف من قدوم المجهول لأنه مجهول.. ولو علمناه لألفناه ولما سمي مجهولا..

فقط توكلي على الله واستقبلي القادم بفرح.. عيشي لحظاتك الحالية واستمتعي بها حتى الثمالة فغداً يوم جديد..

تحياتي

ibn nasser - ابن ناصر يقول...

انا فعلا سمعت كدهقبل ماخش الجامعه وحصل معايا اعكس تماما ماعدا المذاكره طبعا!!
تحياتي علي الموضوع الظريف

FloNa يقول...

ده اول تعليق ليا على المدونة ديي بس عجبتني فعلا :)

هوه تقريبا كل فترة ليها متعتها الخاصة

يعني بصي احنا دلوقتي في الكلية ومع ذلك بنفتكر ايام المدرسة كان ليها متعة خاصة فعلا

اول ما تتخرجي حياتك بمسؤولياتك حيبقى ليها متعة باذن الله وحاولي تحافظي على صحابك تقريبا صحاب الكلية عم اللي بفضلوا مع الواحد

حسيتها مع اخواتي :)



ربنا يوفقك يارب ويكرمك

غير معرف يقول...

سلامو عليكو
عايز أقولك إن هو ده حال الدنيا
في تغير مستمر
و دايماً في الأول بنقاوم كل تغيير في حياتنا لإن الإنسان دايماً بيحب الحاجه اللي فهمها و بيخاف من الجديد .. أو المجهول
لكن مع مرور الأيام بنبدأ نفهم الوضع الجديد و نتعود عليه لحد ماتبدأ مرحله جديده في حياتنا
لا داعي للخوف و القلق
كلنا مرينا بنفس التجربه و المشاعر اللي بتصاحبها
و تأكدي إن في حياة جديده مستنياكي بحلوها و مرها
و تحياتي

barbie girl يقول...

bride zone:
انا سعيدة جدا بتنويرك لينا فى البلوج

وشكرا جدا جدا على النصيحة يا قمراية
............

ابن ناصر:يعنى حضرتك لاقيت المذاكرة قليلة ذى ما قالوا..يا بختك

................

flona:
منورة والله وياريت متكونش دى اخر زيارة
ياريت تنورينا دائما
وفعلا كل مرحلة وليها جمالها
وان شاء الله ربنا يكتبلى الخير

barbie girl يقول...

سامح:
يمكن يكون الموضوع ان الانسان فعلا بيحب الحاجة اللى اتعود عليها
وخايف من انه يدخل مرحلة جديدة ولسة هيجربها ويعيشها

شكرا لحضرتك

Layla يقول...

الحياة كلها مجهولة...محدش يعرف ايه اللي هيحصل بكرة

محدش يعرف ايه اللي هيحصل في الشغل ولا في الجواز ولا مع عياله ولا في اي حاجة

يمكن تكون هي دي لذة الحياة..انها مجهولة ومليئة بالتحديات

عمرو المصري يقول...

ماخافيش من اللي جاي ابدا لان المستقبل ده حاجة بتاعة ربنا لوحده

علي فكرة انا عايزك تطمنينا انت دخاتي كلية ايييييييييييييييييييييييه

me يقول...

رنا يوفقك يا باربل انتي وروك

Princess يقول...

فعلا انا كذلك مررت بنفس المحنة تقريبا
مدونه جميلة جدا راح اضيفها عندي
ممكن تضيف مدونتي عندك
شكرا