السلام عليكم
تابعت على فترات مش متباعدة اوى لقاءات منى الشاذلى فى برنامجها الناجح العاشرة مساء مع بعض رجال الاعمال
ذى أستاذ عماد أديب وأحمد بهجت ونجيب ساويرس
وبصراحة التلات حلقات عجبونى مووووت
لان فيهم شفت تلات شخصيات مختلفة لتلا رجال اعمال من انجح رجال الاعمال فى الوطن العربى..وطول ما انا باتفرج على البرنامج بفكر فى انهم التلاتة متفقين فى بعض الحاجات ذى هدوء الاعصاب الشديد والذكاء الحاااااد
ناس شايفين طريقهم صح
مثقفين من الدرجة الاولى
باعدين عن السياسة تماما..ودا مش معناه جهلهم بيها لااااااا
لكنهم مدركين ومواكبين لكن الاحداث بس مش بيدخلوا فى منطقة مش بتاعتهم
وعجبنى جدا تحليل عماد اديب للحالة السياسية فى مصر لما قال:ان مصر عبارة عن مجموعتين
كأنها مريض ودكاترة
الدكاترة شايفين حالة المريض خطيرة جداااا ومفيش امل فى شفائه وكدا كدا ميت
ودول طبعا المعارضة اللى دائما شايفين الوضع خطير ولا يحتمل
ومجموعة تانية شايفة ان المريض اصلا مش مريض بالعكس دا فى احسن احواله
ودى المشكلة ان مفيش مجموعة فاهمة التانية اصلا ولا قادرة تحس بيها وتفهم عقليتها وتعيش ظروفها
اما احمد بهجت بقى
فكان طالب بسيط فى كلية هندسة..كل حلمه فى الدنيا يبقى عنده شقه ويشترى تلاجة وغسالة وبوتجاز ويتجوز وخلاص
وسافر يدرس بره بدا شغل بسيط والشغل دا نجح وجاب فلوس اخدت الفلوس دى وعمل بيها شغل تانى وهكذا وهكذا لحد مابقى رجل الاعمال الناجح أحمد بهجت
أما ساويرس فانا مش شفت الحلقة من اولها
هو لى وجهات نظر غريبة ومش عجبتنى اصلا
وخاصة لما بدأ يتكلم عن الاخوان ولما اتكلم عن القناة بتاعته الفضائية
بس هو لا يقل شىء فى نجاحه فى شغله كرجل اعمال ناجح
بل انه اغنى رجل فى مصر حيث بلغت ثروته 30 مليار جنية حسب مجلة فوربس
وهو يحتل المركز 91 من اغنى أغنياء العالم
تلات شخصيات رسمت طريقها صح وماشية فيه صح
11 comments:
بصراحة منى الشاذلى استاذة فى الحوار وبتعرف ازاى تطلع كل جوانب الشخصية عجبنى او احمد بهجت واسلوبه جدا
وفعلا اهم حاجة الثقة بالنفس ومعرفة الطريق الصحيح
اما عماد الدين أديب فدا بقه اهم حاجة يهلل للحكومة
ويقول فى حالة من الصراخ مش حالة حوار
ومين وصل الحكاية للصراخ ما الناس كانت بتتكلم ومحدش بيسمع الناس بقت تصرخ
اهم حاجة الناس دي ماتكونش بتعمل حاجة غلط زي السرقة والغش والتحايل على القانون وانه يسعى لكسب أمواله بالطرق ( المشروعة ) وبكده يبقى رجلل أعمال ماشي صح
واثق الخطي يمشي ملك
بصراحة احترم كثيرا احمد بهجت و اعتبره الانجح ليس بالمكسب المالي فثروة ساويرس لم تكن الا بموبينيل او بمعنى اصح اوراسكوم تيليكوم و السلخ في جيوب الناس اما شركات بهجت فقدمت صناعة وطنية من اجهزة مختلفة و اهذا ما اعتبره النجاح
سجدة انا رأيى ذيك بخصوص احمد بهجت ومنى الشاذلى تمام
وشكرا على زيارتك يا قمر
حفيد محمد
حكاية السرقة وكدا بقى ربنا اللى يعلم وهو اللى هيحاسبنا كلنا
الشنكونى الكبير
شرفتنا زيارتك للمدونة
شارم:رايك يحترم
دي ناس بتعرف تشتغل
وعارفه هي بتعمل إيه
تحياتي
أكثر حلقه عجبتني وتابعتها من اولها لأخرها .. كانت أحمد بهجت طبعااااا .. حقيقي كانت أكثر من رائعه ..حتي عيط فيها والله من بعض الحاجات اللي جابوها .. وبالنسبه لسويرس .. فانا اتفقمعاكي في كلامك عنة .. هو فعلا دماغه شغاله جدا .. بس برضه مبيعجبنيش كلامة عن الاخوان .. ولا عن القناه بتاعته .. ولا عن الجريده اللي مشارك فيها بنسبه عاليه جدا
وبالنسبه لاديب .. فانا الحقيقه بفضل كتير عمرو أديب .. بس ده برضه ميمنعش أنو بيجبرنا اننا نحترم دماغه جدا
الحقيقة كلام في محله وما يختلفش عليه اتنين
أتمنى تشريفك لي في مدونتي
هاتنور بزيارتك ليها
دعوة لزيارة مدونة شاعر تستحق الزيارة
عفوا نسيت أعطيك مدونة الشاعر
http://mosaiiic.blogspot.com/
إرسال تعليق