BLOGGER TEMPLATES - TWITTER BACKGROUNDS »

٠٨‏/١٠‏/٢٠٠٧

عندما تعشق الانثى

ياترى فى فرق بين حب الرجل للمرأة وحب المرأة للرجل؟
ياترى الحب دا بيؤثر على حياتهم وعلاقاتهم باللى حواليهم؟؟
زمان كنت بشوف ان اى بنت صاحبتى او اى بنت معرفة يعنى ..بترتبط سواء بخطوبة او جواز باى شخص بلاقيها عندها استعداد تنسى كل الدنيا من اجل هذا الرجل..بلاقيها مش هاممها اى حد غيره..ممكن تنسى اصحابها..وتنسى حبايبها وتنسى نفسها من اجل هذا الرجل؟؟؟
كنت بستغرب لان على الصعيد الاخر بلاقى الرجل على عكس ذلك تماما
عادى خالص مع اصحابه واخواته وقرايبه..فكنت بقول لنفسى طيب هم البنات دول بيعملوا كدا ليه؟؟
ياترى هم ليه اشتروا حب وقرب شخص واحد بس وباعوا اى حد غيره
هل اصبحت الدنيا لهن متجسدة فى هذا الشخص دون سواه؟؟
..(بغض النظر عن نجاح او فشل العلاقة بعد ذلك)
هل هذا الشخص قادر فعلا انه يغنيها عن احتياجها لاى حد تانى حواليها؟؟
وكانت دائما فكرتى ان الحياة ليست مجرد علاقة حب بين ذكر وانثى.. لانى كنت شايفة ان الحب دا سيفتر بعد فترة ايا كانت هذه الفترة
ولكن
فكرتى اتغيرت شوية
لم يكن التغيير كليا ولكنه جزئيا
بمعنى انى بردو مؤمنة ان الانسان محتاج لكل اللى حواليه من اهل واصحاب واخوات..لكن ادركت ان العلاقة بين رجل وزوجته ونجاح هذه العلاقة هى اهم من اهم شىء فى الدنيا..لان بنجاح هذه العلاقة ستنجح اسرة باكملها وتتفرع من هذه الاسرة الصالحة الناجحة اسر اخرى فى المستقبل ..حكاية نجاح اسرة دى فى حد ذاتها مهمة صعبة جداااااااااااااااااااااااااااا
عشان كدا عندما تعشق الانثى يصبح من تحبه هو دنياها بالكامل
ترى فيه المستقبل والدفء والامان
ولكن اللى مش فاهماه لحد دلوقتى هو لماذا يختلف حب الرجل للمرأة عن حبها له؟؟؟
هل الانثى اكثر وعيا باهمية دورها واهمية الاسرة اكثر من الرجل؟؟

12 comments:

Eno يقول...

السلام عليكم
قبل اي كلام ياباربي الف مبروك الخطوبه وعقبال لما ربنا يكملك بالزفاف علي خير :)انا معجبه جدا بكل البوستس بتاعتك لاني بحس اني تفكيرك قريب مني اوووي يمكن دي تاني مره ارد عليكي لكن انا بقراء كل البوست :)

بالنسبه للبوست بتاعت المره دي فعلا انا بحس كده. بحس اني المراءه اكتر انتماء لشريك حياتها عن اي حد تاني وبتميزه دايما حتي في مجرد التفكير عن اي حد تاني وفكرت قبل كده في الموضوع ده بس مش قدرت اوصل لسبب لده مش معني كده انه هو مقصر ليها بس بحس انها طبيعه اكتر
اسفه اني طولت عليكي وياريت اكون قدرت اوصلك اللي بفكر فيه

barbie girl يقول...

وعليكم السلام ورحمة الله وبركاته

منورة المدونة يا قمراية

الله يبارك فيكى

شرف ليا ان تفكيرنا متشابه .زومبسوطة انك بتدخلى عندنا كتير وهبقى مبسوطة اكتر لو كتبتلنا ارائك باستمرار

اما بالنسبة لموضوع البوست فيمكن يكون الموضوع فعلا عبارة عن اختلاف طبائع بشرية..ويمكن يكون عشان البنات عساسيل وطيبين اكتر هههههههه

mohamed يقول...

هو اولاً صورة البنت اللي مدلوقة علي الواد دي جامدة جداً

طيب انتي شفتي البنت وتغيرها بعد اما تحب او تتخطب
مشفتيش الولد بقي
أنا شفته مبيفرقش كتير صدقيني وبيوصل لدرجة الخنقة بيبقي محور حايته ووقته كله هي وبس
حتي لما بيكون معانا اما هيكلم عنها
او عن ترتيباته للمستقبل
مواقف حصلت بينها وحاجات حكهلها عنا
مع كام استشهاد برايها في اي قضية تطرح للنقاش

بس يمكن الولد مش بيبان عليه زي البنت

انما الاتنين واحد والأتنين أنيل مع بعض في الموضوع دا

ومع الوقت الامور بترجع لنصابها تاني
والكلام عنه وعنها بيقل وخصوصاً بعد الجواز

انما برضة الراجل بيعتبر اسرته محور حياته بس مش بيحتاج يعلن دا في كل وقت او يظهره يكفي انه مستقر جواه وبيراعيه واكيد هيظهر بينه وبين الأنسانة اللي بيحبها

بوست رائع :)

safa7_karmooz يقول...

مش عارف كل ما اجى اكتب رد هنا ايدى مش تطاوعنى او اكتبه وامسحه تانى ....

بصى هوا عموما ان البنت بتحب الراجل كده ...عشان فى مرحلة ما ...هيبقى هوا كل عيلتها ...لان البنت بطبعها بيتها ان شاء الله لما تنتقل ليه...هيبقى مملكتها الخاصة...والناس هما اللى هيجولها ...بمعنى انه صعب انها لما تحتاج حد هتوصله بسهولة...فالراجل بيبقى قدامها هوا العيلة كلها...عشان كده بتحبه اكتر من حبه ليها...

بالنسبة للراجل بيحب البنت عادى وممكن بجنون برضه...بس عشان اتعود على رتم حياة معين بياخد فترة على ما يتأقلم...او عقبال ما يستوعب ان فيه حد مشاركه فى حياته ومش متعود على كده

فى الخطوبة ااه متعود ان فيه جزء جديد بقى معاه ...لكن لما بيتجوز خلاص بقى رسميا ...فهى مسألة تعود ليس الا ...

بالنسبة لنقطة الاصحاب ...عايز ااقولك ان فيه ولاد بيعملوا العكس ...لو رفعوا سماعة تلفون حتى لحد قريبهم ولد يبقى خير من عند ربنا ...رغم انهم بيبقوا فاضيين بس ولائهم بتاع السؤال والاطمئنان عالبنات اكتر ...

:)

logarithms يقول...

رأيي الشخصي ان دي مش القاعدة
يعني يمكن انتي شفتي معظم النماذج اللي حواليكي كده
لكن اعتقد ان ممكن الوضوع يكون مقلوب في بعض الاوقات !

altwati يقول...

كل عام وأنتم بخير

barbie girl يقول...

محمد:

هم مش انيل من بعض ولا حاجة


مشمش:

هههههههه يعنى تقصد ان الاهتمام دا سواء عند الرجل او المرأة هو اهتمام لحظى فقط الى حين ان يحدث التعود

؟؟؟؟؟؟؟

barbie girl يقول...

لوغارتم:

اكيد ممكن الموضوع يكون مقلوب فى حالات كتير

يمكن تكون طبيعة بشرية ليس اكثر

زى الهوا يقول...

اه تصدقى فعلا انى بالاحظ الموضوع دا , بس متهيألى إن الرجل كمان المرأة اللى بيحبها بتمثله كل حياته بس هوه بيحاول مايظهرش الموضوع دا , عنها هيه بيبقى باين عليها اوى المسكينة , وحشانى يابنت ومبروك وكل سنة وانتى طيبة , بس برده قلبى مش راضى عنك هيه

علاء عارفين يقول...

انا تقريباً اول مره ادخل مدونة حضرتك لكن اسمحيلي اقول رأيي المتواضع

ان الاختلاف يكمن في طبيعه المرأه و الرجل فالراجل مثلاً بتلاقيه لما يحب واحده ومع انه بيبها فعلاً تلاقيه ماشي يبص لدي و يبص لدي

هما الرجاله كده و اللي مش كده منهم بيكون استثناء مش معنى كده انه خاين . . هو بس بيحب يبص لكل حاجه . . وفي منهم اللي طماع و مبيكتفيش بالانسانه اللي معاه

مع ان اللي يبقى معاه واحده بتحبه فعلاً . . ده في حد ذاته كنز . .

اما بقى عن موضوع صحابه . . فهنا انا بقول . . أعطي كل ذي حق حقه يعني مش عشان حب واحده يقوم ينفض لصحابه . . لأ . . هي ليها حقها و هما ليهم حقهم . .

أما عن حب المرأه فأنتم أدرى . . لم اكن انثى في يوم من الايام . . ولكن هكذا المرأه . . انها اكثر إخلاصاً في حبها . .
انما هي خلقت هكذا تعطي الحنان سواء لزوجها لابنها . . . الخ

و الرجل بطبيعته محتاج للحنان . . كل الرجال اطفال كبار . . يحتاجون الى الحنان في النهايه مهما عاند او نفى . . و المرأه الذكيه تعلم كيف تبقيه فربها . . .

simple girl.. ..simple dream يقول...

would u plz visit my blog and participate in my poll
i really need ur opinion


with my best regards

حبة حاجات (ايمان) يقول...

انا اعتقد انى فى اختلافات كتيييييييره جدا بين البنت والولد

من اول ما يتولد لحد ما يدخل المدرسه ويتعرف على اصحاب ويتاخر بره البيت وهو اللى معاه ممكتلكات البيت كلها ويخطب اللى تعجبه ويطلق بمزاجه ويجوز تانى على اقل من راحته وووووووووو.....مش هنخلص
المهم يعنى اكيد البنت مخلصه اكتر ووفيه اكتر

طبعا مش كلهم بس اغلبهم

ومحدش يزعل من كلامى لانه واقعى وكلنا عايشينه
تحياتى