غزة تحترق بذنوبنا

كلنا شايفين اللى بيجرى لغزة كلنا بنشوف كل يوم كم طفل بيتقتل وكم إمرأة بتستشهد وكم شاب ورجل بيستشهد كلنا بنتوجع مائة مرة فى اليوم عشان أهل غزة ( دا بغض النظر عن كوننا متفقين وللا مختلفين مع حماس) لكن فى النهاية موجوعين عشان اهل غزة والعذاب اللى هم عايشينه كلنا نفسنا نعمل حاجة نساعدهم بيها اللى انا حاسة بيه هو انه يمكن يكون اللى بيجرالهم دا بذنوبنا كعرب نسينا اننا مسلمين نسينا ان دينا بيوحد مش بيفرق نسينا ان نبينا واحد وقراءننا واحد وربنا واحد

وافتكرنا بس مصالحنا الشخصية ولقمة عيشنا كل دولة بتلقى بللوم على الدولة التانية كل دولة طالعة تقطع فى اختها

ونفس حال الدول العربية هو هو نفسه حال الناس داخل الشعوب نفسها بجد احنا بقينا وحشين جدا وكلمة احنا يعنى كلنااااااااااااااااااااااا كلنا عارفين إننا مش صح ولو مكناش شايفين كدا يبقى دا فى حد ذاته غلط أكبر

**شوفوا حال الناس فى الشوارع وشوفوا تصرفاتهم .. محدش طايق حد .. ومحدش بيحترم حد.. ومحدش بيراعى حد.. كله بياكل فى بعضه.. **شوفوا وقت الاذان مين بيجرى على المسجد يصلى دا حتى فى رمضان كانت وقت صلاة التراويح والقهاوى مليانة بشر والناس رايحة وجاية تعاكس فى خلق الله.. دا كان بيحصل فى رمضان .. فى شهر الصيام فما بالكم بحال شوارعنا بعد رمضان ** شوفوا تساهلات البنات والشباب فى تصرفاتهم مع بعض سواء فى الجامعة أو فى أماكن العمل ** شوفوا كم راجل بقى لسه فاضل فى كاااام بيت عربى.. راجل يعنى راجل بجد.. بيخاف على أهل بيته وبيحافظ عليهم وعارف كويس انه هيتسأل عنهم يوم القيامة.. عارف انه ميصحش يسيب ولاده مشغلين قنوات أغانى ليل ونهار لدرجة ان يجيلهم لا مبالاة ويبقوش عارفين ايه الصح وايه الغلط وايه الحرام وايه الحلال وبعد كدا يكبروا ويطلعولنا شباب مش محترمين بيستحلوا معاكسة بنات الناس فى كل مكان ** شوفوا بلادنا لسة فيها كاااام راجل بياخد باله من لبس بنته وهى خارجة من بيتها وكم أم بجد بتقول لبنتها يا بنتى دا حرام ودا حلال ** شوفوا كااام رب أسرة بيعلم ابنه انه يغير على اخته ويحافظ على امه ويبعد عن كل شىء حرام ** شوفوا غيرة وحسد الاخوات والاقارب على بعضهم البعض داخل العائلة الواحدة بقى أد ايه ** شوفوا كمية الجرائم والقتل والاغتصاب والسرقة اللى بقت موجودة بشكل يومى فى الجرائد لدرجة انى بقيت حاجة انى فى بلد غير بلدى احنا كلنا جوانا حاجات كتير غلط عايزة تتصلح محتاجين نصلح نفسنا عشان ربنا يعزنا من جديد يا جماعة ربنا بيقولنا فى القراءن" إن الله لا يغير ما بقوم حتى يغيروا ما بأنفسهم"

يلاااااااااااااااااااااا يا بنات نغير من نفسنا ونخلى بالنا من تصرفاتنا وعباداتنا ولبسنا وننضف نفوسنا من جوانا.. يا بنات لازم نحاول نتغير ونبقى صح دا لو انتم بجد عايزين تساعدوا أهل غزة .. نغير من نفسنا عشان ربنا يغيرلنا حالنا ويرجع لنا كرامتنا !!

يلااااااااااااااااااااا يا شباب كل واحد بيقرأ الكلام دا أرجوه يأخد عهد على نفسه أنه مفيش سجاير ومفيش مخدرات ومفيش معاكسات ومفيش قنوات ومواقع إباحية.. خد عهد على نفسك تبقى راجل بجد.. دا لو أنت فعلاً عايز تساعد أهلك فى غزة اللى بيستشهدوا كل لحظة.. هاااااااا لسه مش قادر تتخلى عن أغلاطك وهفواتك.. هقولك شوف الأطفال إزاى متقتلين ومتبهدلين فى غزة.. شوف أد إيه ربنا مخليك عايش فى نعم كتييييييييير وقادر تخرج وتشم هوا وتروح جامعتك وقادر تنام من غير ميكون حواليك أصوات ضرب نار وتكون خايف تنام لحسن متقمش تانى .. شوف الشباب اللى أدك فى غزة ازاى مترمين قتلى على الارض.. واعرف انك فى نعمه وقول الحمد لله وحاول تكون صح وتغير من نفسك عشان ربنا يغيرلنا من حالنا اللى بقى يكسف متنسوش الأيه دى "إن الله لا يغير ما بقوم حتى يغيروا ما بأنفسهم"

حينما تنطق الخراف

سبحان الله فجأة كده بقى للعرب صوت وصوت "ملعلع" كمان يطالبون مصر بفتح معبر رفح لفك الحصار عن غزة وبقينا نسمع كل يوم والتاني عن مظاهرة هنا أو هناك ضد مصر وعلى الرغم من أن على مصر بالفعل فتح معبر رفح والسماح للمساعدات الإنساية بالوصول للقطاع دون النظر أو الإلتفات لأي أعتبارات أخرى أيا كانت لسوء وتردي الأوضاع الإنسانية هناك.

إلا أن هذه المظاهرات هي حق يراد به باطل فأولا: من يفرض الحصار على غزة هي اسرائيل وليس مصر فكان من الأولى لهذه " القطعان" من الخراف...أقصد الشعوب العربية أن تتظاهر ضد إسرائيل وليس مصر ثانيا : اما كان من المفروض أن يكون هذا التحرك والضغط موجها لحماس...نعم لحركة حماس فحماس -وهذا رأيي الشخصي- هي الضلع الثاني الذي يفرض الحصار على غزة بعد إسرائيل

فأسأل محبي حماس كيف كانت حماس وقت الشيخ ياسين رحمه الله هل كانت تتمسك أو تريد أي سلطة أم كان كل هدفها المقاومة وتحرير فلسطين هل كانت حماس تعتقل وتقتل من الفلسطنين أيام كان ياسر عرفات في الحكم فما الذي جد ياقادة حماس لماذا هذا التمسك الأعمى بالسلطة وأي سلطة هذه...هل هناك دولة لفلسطين...فلسطين كلها محتلة من إسرائيل فعلى ماذا تتنازعون. هل التمسك بالسلطة يبيح تجويع الناس كما هو حاصل في غزة إن ارادات فتح وإسرائيل وأمريكا أن تكون السلطة في يد أبو مازن فليكن...؟! وماذا سيفعل هو أو غيره إن أمسك السلطة...؟! دعوا السلطة وأرجعوا كما كنتم مقاومين وأبطال وشهداء أين عملياتكم الإستشهادية التي كانت ترج الصهيونين رجا وترتعد لها فرائصهم

ولإخواننا العرب ولنفرض جدلا أن مصر هي من تحاصر غزة وأذهب أبعد من ذلك مصر هي إسرائيل فما أنتم فاعلون لماذا لا تحتجون على الأردن مثلا لتدخل مساعدات إلى فلسطين ومنها إلى غزة لماذا لاتقاطع دولكم أمريكا الراعي "الأول والحصري" لإسرائيل لما لاترسلون بعض وأقول بعض من طائرات رجال أعمالكم ورؤسائكم لتلقي بالمساعدات إلى غزة لماذا لا توجهون المليارات التي تستثمرها بلادكم في أمريكا والغرب إلى فلسطين لماذا لاتحاربون إسرائيل " وتخلصونا منها" وتسيرون جيوشكم وعتادكم لتحرير فلسطين مصر فعلتها مرتين وإن فشلت فعلى الأقل كان عندها من الكرامة ما جعلها تحارب وأنتم آمنون في بلادكم " بتقزقزوا لب" ولا إحنا مانقدرش نتشطر غير على بعض.

وإلى مصر حالة سكان غزة لاتسمح بأي حسابات جانبية ولا إعتبارات سياسية هناك مواقف ولحظات لابد من التصرف فيها فورا دون النظر إلى الأبعاد الأقليمية والسياسية وسكان غزة يموتون جوعا وسيسأل الله كل من منع عنهم الغذاء أو الدواء يا مصر يا حماس يا سوريا يا عرب "يا خراف العالم" حرام عليكم غزة وأهلها

....................

تحديث: .................... نقلاً عن موقع العربية 1_أكدت عدة مصادر طبية بغزة السبت 27 نوفمبر 2008 وصول عدد ضحايا الهجمات الاسرائلية على القطاع حتى الان الى 155 شخصاً قتيل و200 جريح على الاقل. ... 2_ أعلن الجيش الاسرائيلى اليوم أن الضربة العسكرية على قطاع غزة هى ضربة إفتتاحية وبداية لمعركة ظويلة تم الاعداد لها مسبقاً. 3_ مصر تستنكر الهجوم على غزة وعاكف يعتبرها حليفة لإسرائيل 4_دعت مصر الفصائل الفلسطينية للتجاوب مع جهودها من أجل التهدئة والامتناع عما يتيح الذرائع لإسرائيل للعدوان على غزة. 5_ أصدر الرئيس مبارك تعليماته اليوم بإستقبال كافة الجرخى الفلسطينيين عبر فتح معبر رفح وتقديم الرعاية الطبية لهم بالمستشفيات المصرية. 6_الجامعة العربية تدين مذبحة غزة والاردن يدعو لإجتماع طارىء

أمريكا وللا اليابان؟؟

كنت بلفلف كدا على النت فقرأت عمود فى النيويورك تايمز كاتبه الكاتب توماس فريد مان فى أول الموضوع لاقيته بيقول ان اليوم الفلانى كان أسوأ يوم فى حياتى وقعد يحكى عن زيارة له لليابان.. قلت لما نشوف ايه اللى مزعله من اليابان.. طلع انه غيران من اليابان وشايف ان اليابان بلد متقدمة شوية عن أمريكا.. تخيلوا غيران من ان فى بلد بلد واحدة متقدمة شوية عن بلده.. الغيرة بتاعته توجع اى حد عايش معانا فى دول العالم التالت او يمكن وصلنا للعالم الرابع والخامس كمان..دول ازمة رغيف العيش .. توماس فريدمان شايف ان أمريكا عندها مقومات النجاح.. عندها تعليم كويس وجامعات من أحسن جامعات العالم وخريجين متفوقين فى مجالاتهم على مستوى العالم وبيسأل فى الموضوع بتاعه طب ليه اليابانيين اتقدموا أكتر من أمريكا.. وبيقول أن يمكن يكون السبب سوء تفكير من الامريكان فى انهم بيسمحوا للناس تهاجر لأمريكا ويعيشوا ويتعلموا عندهم أحسن تعليم على أعلى مستوى بالعالم وبعدين يسمحولهم انهم يرجعوا بلادهم فبالتالى الناس دى بعد لما بترجع بلادها بيستخدموا العلم اللى بيتعلموا فى أمريكا عشان يطوروا بلادهم ويخلوها منافسة متقدمة لأمريكا نفسها وهو شايف ان دى غلطة المفروض الامريكان ميسمحوش لحد بيتعلم عنهم انه يرجع يستخدم علمه اللى اتعلمه عندهم ويطور به بلاده.. طبعاً منطق شرير من كاتب المقال وفى أنانية وغيره واضحة لكن برده مش دى النقطة اللى مضايقانى.. لان النقطة اللى ضايقتنى هو انه شايف ان امريكا اللى هى امريكا اللى العالم كله بيقف لها تعظيم سلام فى بلد وااااحدة متقدمة عنها شويييييية!!!!!!

قبلة الوداع

http://translation-topics.blogspot.com/2008/12/shoe-throwing-mars-bushs-baghdad-trip.html بدء محاكمة قاذف الحذاء على بوش ببغداد فى الحادى والثلاثين من ديسمبر: نقلاً عن ياهو دويتش لاند بغداد( إدارة الشئون السياسية)_ صرحت الجهات القضائية ببغداد أن محاكمة الصحفى العراقى منتظر الزيدى قاذف الحذاء , والذى لاقى شهرة كبيرة بسبب حادثة قذف الحذاء, ستبدأ فى الحادى والثلاثين من ديسمبر الجارى. حيث قام الصحفى العراقى والبالغ من العمر 28 عاماً , قبل ثمانية أيام بقذف حذاءه على جورج بوش رئيس الولايات المتحدة الامريكية بمؤتمر صحفى ببغداد. وتقدر عقوبة هذا العمل بالسجن لمدة تتراوح من 5 الى 15 سنة. أما منتظر الزيدى, والذى أثارت طريقة اعتراضه على بوش ردود فعل تضامنة كبيرة فى الصفوف العالم العربى , لا يزال رهن الاعتقال منذ وقوع الحادث.

الاهلى خسر .. وايه يعنى!!

الاهلى خسر وايه يعنى اومال احنا بنتعلم ايه من الرياضة؟ بنتعلم يكون عندنا روح رياضية كنت باسمع ان ناس كتير بيحبوا الاهلى وان مصر قربت كلها تبقى اهلاوية من كتر خساير الزمالك لكن اول مرة اتأكد من كدا بجد امبارح والنهاردة من برامج التليفزيون واراء الناس المليانة بالحزن بسبب خسارة الاهلى امبارح فى اليابان.. وكأن الاهلى هو مصدر الفرحة الوحيد للمصريين.. الاهلى بقى عامل زى الطالب المتفوق اللى دائما بينجح وبيجيب الدرجات النهائية وبيتكرم وبياخد جوائز على طول وفجأة الطالب دا شال مادتين بعد ما اتعود على طعم النجاح وعود اللى حواليه واللى بيحبوه على طعم النجاح والتفوق.. فكانت صدمه له وللى حواليه معلش هى دى الرياضة .. غالب ومغلوب

المرة دى خسارة والمرة الجاية فوز وانتصار وفرحة.. والله شعبنا دا غلبان اوى

يا جماعة خلاص زعلانين على ايه .. مش عيدتوا واخدتوا العيدية ولبستوا جديد واتفسحتوا وانبسطوا ودبحتوا الخروف.. خلاص مفيش حاجة تستاهل الزعل

مسجات العيد..Happy feast

كل سنة وانت طيبيبن

مبقاش فاضل كتير على العيد

قلت اجيبلكم شوية مسجات تعيدوا بيها عشان تزقطتوا فى العيد

:::::::::::::::::::::::::::::::::::::::::::::::::::::::::::

1_أمانينا تسبق تهانينا وفرحتنا تسبق ليالينا وعيد مبارك علينا وعليكم

::: 2_احذر حياتي أخاف يخطفونك وعن عيني يبعدونــــــــــــك تدري ليش؟؟؟؟ حلاة العيد يحسبونك!!!

:::

3_اتقدم لك بباقة ورد وبوسة علىالخـــد والعيد يــــوم غــد وكل عام وانت بخير

:::

4_ارق تحية و أحلى كلام واجمل تهاني بالعيد واطيب اماني وازكى سلام

:::

5_قبل زحمة السير.. والارسال لسه بخير.. كل عام وانت بخير..

:::

6_لأحلى قمر.. عطر وزهر.. مع كرت يقول: عيد مبارك يا اعز البشر..

:::

7_لكي وردةجورية بماء الوردمروية مكتوب عليها: "كل عام وأنتي بخير" ياحورية :::

8_انتظرت العيد على احر من الجمر لأجل أعايدك يا أغلى البشر كل عام وانت بخير

:::

9_اغتنم الفرصة تم فتح المجال لتهنئتي بالعيد الاضحى بادر لتنال هذا الشرف

:::

10_ممكن تزورنا؟ محتاجينك ضروري.. مسوين كيك.. وماعندنا سكر ((عيدك مبارك))

:::

11_قبل الناس والاجناس وقبل عرفة ما تنداس اهنئك بالعيد يا أجمل الماس

:::

12_يا طيور المحبة زوريهم.. وبحلول العيد هنيهم.. وعن اخبارنا طمنيهم..

:::

13_لا تحلم اني اقول لك عيد سعيد لكن بقول لك شي واحد انت سعادة كل عيد

:::

14_بالبهجة والأفراااااح جينا نهنيكم .. نطلب من البااااري يسعد لياليكم...

:::

15_أصعب شعور إنك تفكر بشخص وما يفكر فيك وترسله مسج وتقوله كل عام وإنت بخير وما يرد عليك

:::

16_أجمل باقة ورد أرسلها من قلبي وأحطها بإيديك تنشر العبير الفواح حوليك وتقولك كل عام وإنت بخير

:::

17_عيدك مبارك يا قاطع أخبارك العيد بلا وصالك ماله بهجة ولا فرحة وإنت بعيد عن أحبابك

:::

18_إن كنت مشغول بالعيد بس لفته يا الحبيب مسج بكلمتين للمحب تقوله كل عام وإنت بخير

:::

19_المرسل: واحد من الناس المستقبل: أعزوأغلى الناس النص: عيدك سعيد قبل كل الناس :::

20_ودي أهديك يالغالي من السما نجمها العالي و من الارض معدنها الغالي ومني أجمل ما في حياتي

:::

21_مين قال إني في عيد أو إني حتى سعيد أنا عيدي والله يوم أشوفك إنت سعيد

:::

22_وعاد العيد.. وأنا عنك بعيد.. تفرقنا بلاد وبحـور.. وعاد العيد.. وتمنيته عليك سعيد..

:::

23_لك انت دون الغير ارسل لك همسة مع اجمل طير يقول لك عني كل عام وانت بخير

:::::::::::::::::::::::::::::::::::::::::::

أدام لكم الأعياد دهوراًوألبسكم من تقواه نوراًعيدكم مبـارك

************

العيد انتوانت للعيد عيداحترت مين أهنّي؟أهني العيد بيكولاّ بالعيد أهنيك

************

إن سبقتني بالتهنئة فذاك لكرمك وفضلكوإن سبقتك فذاك لحقك وقدركلك كل الود والحب.. عيد سعيد

************

يازهرة الفلقرب العيد يطلأهنيك قبل الكلوأقولككل سنة وانت سيد الكل

************

ياللي من العسل أصفىلو بإيدي علاج الناس لأخلّي رؤيتك وصفةكل سنة وانت طيب

************

احساسي معاكروحي معاكفكري معاكحتى محفظتي ضاعت شكلها معاكعيد أضحى سعيد

************

بأجمل حروفوبصوت ملهوفوأنا مكسوفإعمل معروف حتة لحمة م الخروف

************

ماتفتحش الرسالة الا بعد اسبوع....مش قلنا بعد اسبوع.. عارفك مستعجل وعايز تشوف الرسالة..عيد سعيد وكل سنة وانت طيب

************

الطيبون كالنجوملا تراهم دائماًلكنك تعلم أنهم موجودون في سماء القلوبكل سنة وانت طيب

************

احترت أوفر 25 قرش ولاّ أعايدكوبعد تردد طويل وحسبة معقّدة وصراع مرير مع النفسقررت ان الدنيا فانية وماتسواش حاجةوالبخل وحش وماحدّش ح ياخد معاه حاجةبأقول: كل عام وانتم بخير..والعوض على الله

************

بمناسبة عيد الأضحى المبارك حبيت أكون أول واحد يقولك عندك خروف زايد؟

************

أسال عن اخبارك بالقلب ترى دارك بداخل العين مقدارك والعيد عليك مبارك

************

يا مسج الحب سلم عليه وقوله كل عام وهو بخير ولا يبعد عن الحبايب العيد وهو بعيد وربي شين

************

أجمل باقة ورد أرسلها من قلبي وأحطها بإيديك تنشر العبير الفواح حواليك وتقولك كل عام وإنت بخير

************

أيام عمري أربعةيوم لقياك ويوم رؤياك ويوم أهواك ويوم العيد معاك

************

حبيت أباركلك وبالعيد اهنيك ..الله يحققلك جميع امانيك ..صحيح بدري لكن القلب ويغليك ..يخاف يسبقه بها غيره ويهنيك

************

ياساكن وسط الوريد يا نشوة الحب الاكيديالله عسىعيدك.. سعيد

************

لسنة تمشي وتدورتيجي أحلى شهورنقول لأغلى القلوبكل عام وانت في سرور

::::::::::::::::::::::::::::::::::::::::::::

1_May the Blessing of ALLAH Fill ur life with happiness and open all doors of success now and always. EID MUBARIK :::

2_May Allah bless you on this auspicious day of Eid, and May it be a new beginning of greater prosperity, success and happiness. Wish you a Happy Eid Mubarik

:::

3_Wishing you all a very happy eid,And hoping that all the things you wishFor will be yours throughout the year…

Eid mubarak!!

:::

4_Remembering u on Eid day is a nice thing to doBcoz u r warmly

thought of everyday the whole year through“Happy Eid Mubarakâ

:::

5_After 3 daysAfter 72hrsAfter 4320 minAfter 259200secEvery1 will send

u this msg but i m the1st telling u and ur family

Eid Mubarak.

:::

شفتوا إعلان استرجل؟؟

أقل ما يوصف به إعلان زى دا هو انه اعلان مستفز هو مش اعلان واحد دول مجموعة اعلانات لنفس المنتج وبنفس الشعا ر..والشعار هو " استرجل" يعنى الرجولة زى ما جه فى الاعلان هى انك تشرب المنتج بتاع الشركة دى ولو مشربتوش متبقاش راجل واصحابك يبصولك بصه مش كويسة كأن عدم شربك للمشروب دا هو انتقاص من رجولتك.. والاعلان المستفز بجد هو اللى فيه بنت ماشية وواحد مبيشربش المنتج المعلن عنه دا وبيقول دى شخصيتها حلوة.. واصحابه اللى بيشربوا المنتج دا بيبصوله بإحتقار عشان بيعلق على شخصيتها وبيتقالو استرجل واشرب كذا وشخصية البنت اخر حاجة تعلق عليها.. والله أعلان سافل.. بيفكرونى بالحاجات اللى كنت بشوفها فى الافلام بتاعة زمان .. لازم تشرب سجاير عشان تبقى راجل واللى ميشربش اصحابه يتريقوا عليه ويقولوله " انت خايف من ماما" .." استرجل" .. ونفس الشىء الانسان اللى مبيعملش علاقات نسائية محرمة اصحابه يقولوله .." انت خايف من مراتك بقى؟" " متسترجل" .. الرجولة بدل ما كانت شىء بيعنى الاحترام والنخوة والشهامة والاخلاق بقت بتعنى انك تبص وتعلق على جسم البنت مش شخصيتها وانك تشرب سجاير ومخدرات وتعمل علاقات نسائية متعددة محرمة.. كل دا أصبح بيتعمل تحت مسمى الرجولة!! الله على مفهوم الرجولة اللى بقينا نشوفه دلوقتى!! ونعم الرجولة

ليه العصبية؟!

مش عارفة مالى

بقيت عصبية ونرفوزة بشكل غريب

أى حاجة بسيطة بتنرفزنى

Love or marriage

.Alot of people think they can find the happiness in marriage

And they think that :marriage= love

. But marriage is something which is different from love .

you r happy

استطلاع حكومى بيقول ان 83% من المصريين سعداااااااااااااء

!!!!!!!!!!!!!!

أنت بطل وللا شخصية ثانوية؟؟

مش عارفة إذا الموضوع دا بينطبق على الناس كلها وللا عليا أنا لوحدى؟! أنا لاحظت فيا حاجة غريبة..

وهى إنى بشوف نفسى البطلة..

طبعا مش البطلة فى الحياة..

لكن فى كتير من الاحيان اللى بشوف فيها فيلم مثلا أو مسلسل بشفوف نفسى فى شخصية البطلة..

بصراحة أنا مش عارفة ليه؟

انا فاكرة إن وانا صغيرة لما كنت بسمع المذيعة بتقول مثلا ان هيجى فيلم معين بطولة فلان وفلانة ..

كنت مش فاهمة ليه المذيعة بتقول ان الفيلم دا بطولة الاتنين او الثلاثة دول وبس مع ان الفيلم بيمثل فيه ممثلون كثر..

ولما سألت ماما ساعتها قالتلى البطل هو الى بيكمل الطريق للاخر او بيكمل القصة لاخرها واللى بيتدور حوله كل الاحداث..

ويمكن عشان البطل او البطلة بيكونوا مجمعين فيهم صفات مثالية وحلوة كتير..

الاكيد انى مش فيا كل الصفات الحلوة اللى بتبقى دائما فى البطلات لكنى برده بشوفنى فى البطلة..

يعنى مشفتش نفسى قبل كدا فى شخصية ثانوية..

ممكن اختار صفة معينة موجودة فى شخصية ثانوية واقول دى فيا لكن الغالب ان البطولة بتكون من نصيبى..

ياترى فى حد كدا وللا أنا بس اللى كدا.. وحالتى خطيرة وللا ايه؟؟ ............................................... ............................................... حاجة غريبة كمان مش فاهماها ممكن تكون انت بتحب أكلة معينة واخوك مبيحبهاش واختك بتحبها وصاحبك مبيحبهاش ومامتك بتحبها وهكذا..

طب ازاى نفس الاكلة اللى ليها نفسى الطعم اللى مبيتغيرش وانسان يلاقى ان طعمها عاجبه وانسان تانى يلاقى ان طعمها نفسها مش عاجبه.. ................................................ ................................................ كلنا بنقول الزمن بيتغير وصفاتنا بتتغير وشخصيتنا بتتطور لكن بلاقى فيا بردو حاجة غريبة بتحصل وهى انى زمان كنت بحب حاجات معينة ودلوقتى بقيت مبحبش نفس الحاجاتاللى كنت بحبها زمان يعنى مثلاً زمان كنت بحب البس اللون الاسود.. دلوقتى بكره جدا اللون الاسود مع انه لون شيك وموضته مبتنتهيش أبدا.. بس بقيت اتخنق لما البسه!! زمان كنت بموت فى انى أشرب السحلب ويا سلام لما يبقى عليه مكسرات كان بيعجبنى جداً ودلوقتى مبحبهوش مش عارفة ليه !! زمان مكنتش بحب الكاكاو ودلوقتى بموت فى الكاكاو !! زمان كنت بحب الكشرى ودلوقتى بقى لو حد حابب يضايقنى يأكلنى الكشرى دا !! زمان كنت بأسمع كلام ماما وبابا من غير تفكير .. دلوقتى طبعا مفيش الكلام دا.. مش معناها انى بقيت فظيعة لكن بقيت افكر واختار اللى انا عايزاه مش اللى هم عايزينه!! زمان كنت عصبية بغباء ودلوقتى بقيت شوية اتحكم فى اعصابى لدرجة معينة ومش أى حاجة اتنرفز منها !! زمان كنت فاكرة ان الصداقة شىء ودلوقتى بقت الصداقة شىء تانى عندى!!

زمان كان ليا ستايل لبس معين ودلوقتى ستايل لبس تانى!!

ياترى حد تانى كدا وللا انا برده غريبة؟؟

pictures

شدت عنيا.. عايزة أفضل باصالها

رقيقة اوى

كأن الانسان والبحر شىء واحد

الغروب تحفة

مش محتاجة تعليق

مذهب فضيلة الإمام اللمبي...!؟

والله انا قاعد أكتر من نص ساعة مش عارف أقول إيه أو أكتب إيه يارب أرحمني إيه الغباء والتخلف اللي بقى منتشر في مجتمعنا ده ياساتر يارب قبل ما قلكم اللي حصل ليا طلب عندكم أي حد عندو حديث / فتوى / آية/ كتاب لأي عالم من علماء الدين بيبيح ليه النظر للبنت حتى ولو كانت عارية وبكررها ولو كانت عارية ياريت يتفضل ويمن علينا ويذكروا لينا هنا أي حاجة لأي حد حتى لو كان اللمبي ما عنديش مشكلة ======================================= =======================================

طبعا مش حتلاقوا فأموت وأعرف شباب مصر الجميل الأمور الكتكوت الطعم ده جاب الفتوى دي منين...؟! كنت داخل الصبح بلف على الفيس بوك أعمل دعاية للجروب والبلوج وعشان أعرف وجهات النظر المختلفة للناس في موضوع التحرش وقرأت عجب العجاب والله 98% من اللي قرأته من الولاد بيقولوا أصل أصل البنات هما اللي بيلبسوا ضيق ولبس مستفز يا راجل....!؟ لأ.....تصدق أول مرة آخد بالي يا حيني وإحنا اللي ظالمين الولاد وبنقول عليهم بيتحرشوا بالبنات ليه بقى ظالمنيهم

======================================= =======================================

لأن دينا يبقول إيه البنت المنقبة غض البصر عنها إنما أي بنت تانية بقى بص براحتك والنظرة ب 10 حسنات أقسم بالله العظيم انا ردود الناس خلتني أصدق إن إحنا في في دينا حاجة كده وده أحد الردود - ده واحد بس - من اللي لقتهم على الجروبز عشان تصدقوا كلامي وانا حنقلوا بالنص والله العظيم وربنا عليا شهيد "يعني ايه محدش يعاكس البنت لو قلعت ملط المفروض من واحد مكبوت يعمل ايه و هو شايف حاجة محروم منها" يا حلاوة قزقز لب يا حبيبي حاجة محروم منها إنت مالك البنت لبسة نقاب / حجاب / ضيق / من غير هدوم إنت مأمور بغض البصر في أي حالة في أي مكان في أي زمان فلبس البنت مش مبرر ليك أبدا إن إنته تبص وإلا هات لي دليل من القرآن والسنة ======================================= =======================================

ولا حضرات الشباب اللي بيقولوا كده عندهم حاجة أكبر من ربنا وحاجة أفضل من الرسول عليه الصلاة والسلام بيسمعوا ليها إنت لو عاوز تدعوا لأحتشام البنات وده لازم فده مطلب شرعي وجميل جدا ومجتمعنا فعلا محتاجه إنما تقول أصل البنت لبسة كده فأنا بقلهم حاجة واحدة بس عاوزك كده تكون راجل من ظهر راجل وتيجي كده يوم القيامة وإنته واقف بين قدين ربنا وبتتحاسب والنار بترقص قدامك تقول لربنا لما يسألك عن النظرة المحرمة دي عملتها ليه وليه خدشت أعراض الناس وليه أهنت كرامة بنت مسلمة مهما كان لبسها عاوزك بقى تقول إيه أصل أصل هي كان لبسها مستفز أو تقول أنا كنت بعمل بفتوى فضيلة الإمام اللمبي

مصر بعافية

إمبارح وأول إمبارح وأول أول إمبارح و كل يوم بنسمع ونشوف ونقرأ أخبار تجيب إكتئاب عن بلدنا.. مرة تحرش ومرة المدرس اللى موت طفل عشان معملش الواجب ومرة بيت وقع ومرة مستشفى اتقفلت ومرة ومرة لحد ما الواحد حس ان مصر بقت كلها كوارث وجرائم.. هو إحنا للدرجة دى وحشين.. طب إزاى وإحنا كلنا بنقول إننا شعب متدين.. إزاى كل دا بيحصل فى بلد موجود فيها الازهر.. مش عارفة بس أنا دائما رافضة إن يتقال علينا شعب متخلف أو همجى أو سلبى.. رغم ان أنا عارفة إن أحنا فينا كل الصفات الوحشة دى بس دائما رافضة إن يتقال علينا حاجة وحشة.. مش عارفة إذا كان دا هروب من الواقع وللا من كتر ما أنا واثقة إن العيوب دى بالفعل موجودة في ناس كتير فأنا رافضة أصدق ..وللا يمكن عندى أمل إن لسه موجود فينا شوية خير حتى ولو بسيط.. ياترى أنتوا شايفين حالنا إزاى؟

ضد التحرش الجنسى

السلام عليكم

وعملنا مدونة جديدة ..

http://againstsexualharrassment.blogspot.com/

نفسى بجد كل النا س تدخلها وبالذات كل مصرى

لان البلوج كله قائم على فكرة مشكلة واحدة منتشرة فى مصر بالذات وهى مشكلة " التحرش " اللى ذادت اوى زى ما

كلنا عارفين وحاطين فى قلبنا وساكتين وده لنك جروب العمل على الفيس بوك http://www.facebook.com/group.php?gid=89295470556

أنا عربي...إذا أنا لا أساوي شيئا...!!

يحسب لنا نحن العرب أنه وبعد سنوات عجاف من العيش على هامش الحياة أستطعنا أخيرا وبعد جهد جهيد أستطعنا أن نحقق المرتبة الأولى بين شعوب الأرض في كافة مجالات الحياة عدا الهامة منها والتي تفيد البشرية بحق. فنحن ولله الحمد كوطن عربي كامل متكامل من دول العالم الثالث ولا يوجد ولن يوجد منا أبدا دولة او دويلة تكون من مصاف دول العالم المتوسط حتى وليس المتقدم. نحن العرب نفتخر باننا لانملك أي أقتصاد حقيقي أو حتى مجرد فكر إقتصادي يمكن أن نجابه به دول العالم المتقدم ونظمهم الرأسمالية ونكتفي بإستيراد الأفكار جاهزة من عندهم. نحن العرب وبفضل ذكائنا المعروف وفطتنتنا المعهودة نعتبر من أهم الأسواق -إن لم يكن أهمها- في مجال السيارات وبالرغم من هذا نفتخر أنا لانصنع ولن نصنع أي سيارة من إنتاجنا الخاص وسنكتفي بالأستيراد من اليابان وألمانيا وأمريكا والصين نحن العرب وبلا أفخر أسوا منطقة في العالم في الديموقراطية وتداول السلطة فثلث حكامنا ملوك والثلث أمراء والثلث الأخير يورث نحن العرب وبكل إعتزاز لا نطيق بعضنا البعض ولم ولن نشكل يوما اتحادا كالإتحاد الأوربي وعلى أهبة تامة لأن نسخر ونسب بعضنا البعض على المستويين الشعبي أو الرسمي ولكننا أيضا على أتم إستعداد أن نقبل قدم أمريكا حتى ترضا عنا. نحن العرب حصدنا في أولمبياد بكين ميداليات ذهبية أقل بكثير مما حصده لاعب أمريكي واحد في رياضة واحدة وهو السباح مايكل فيلبس نحن العرب لا نقدر على إختراع مبيد حشري فعال لكن دولة الأحتلال الصهيوني أخترعت سلاحا نوويا كذلك الهند وباكستان وهاهي إيران على الطريق. نحن العرب لانجيد حتى الفنون ولم ولن نحصل على جائزة عالمية فعلية وسنظل للأبد نقدم كل ما هو تافه وغبي وما ليس له أي معنى بشرط ان يحوي مشاهد جنسية لمشاهدينا ومستمعينا وسنكتفي بالفرجة على الإنتاج الغربي أو دبلجة مسلسلات تركي حتى نستطيع أن نعترك عليها نحن العرب وأقولها باعلى صوت أكثر دول العالم شجبا وإستنكارا وإدانة وأيضا أكثر دول العالم لا يكترث لرأيها نحن العرب على أتم إستعداد لفتح جميع مجالاتنا الأرضية والبحرية والجوية للقوات الأجنبية وبناء قواعد لهم إن شاؤو لضرب ودك أي بلد عربي شقيق نحن العرب أستطعنا أن نوصل للغرب أن معنى كلمة عربي هي متخلف نحن العرب أستطعنا بجدارة أن نكون لا شئ. بعد أن كنا كل شئ لكن هذه حكاية أخرى

تعرف تقول الحمد لله؟؟؟

كلنا عايشين فى ملكه

كلنا بناكل من رزقه

كلنا بنتنفس هواه

كلنا عايشين فوق أرضه

والاكيد الاكيد انه عمره مبيظلم حد أبداً

يعنى محدش النهاردة بيلاقى هواء كتير يتنفسه فى حين ان حد تانى ميلاقيش هوا يتنفسه

الفقير زى الغنى كله بيلاقى هواء ..

والاكل بردو.. كله بياكل .. يمكن بتختلف انواع وأسعار الاكل حسب الطبقات

لكن فى النهاية كله بياكل

لو مؤمن بربنا قول دائما كلمة أنا عندى كذا وربنا أنعم عليا بكذا

وانسى تماما كلمة أنا مش عندى

ولو مؤمن بربنا هتعرف انه مستحيل يظلمك

..............

بعضنا بيشوف بس الجانب السلبى فى دنيته ويركز عليه

ويفتكر ويظن ويقول انه دائما مظلوم فى الدنيا دى

بس والله لو كل واحد فينا زى ما بيشوف ويركز الضوء كدا على الحاجات اللى مضايقاه فى حياته

ركز ولو لمرة واحدة على نعم ربنا عليه أكيد منظوره للدنيا هيتغير

وهيفهم ان الحاجات اللى مضايقاه دى حدوثها دلوقتى هو أفضل شىء ليه والله..

وساعتها هيشوفها بعين تانية

وعمره ما هيحسن انها مضايقاه

وهيعرف ان كل حاجة فى الدنيا دى بميعاد محدد لها عند ربنا

يعنى مينفعش حاجة تحصل أسرع من وقتها ولا أبعد من ميعادها

أستشعر نعمة ربنا عليك وأشكره على كل نعمة تشعر بها الان.. وبلاش

تجحد عليه بنسيانك لنعمه عليك

وتذكر دائما " الحمد لله"

....................

حد فهم حاجة؟؟

أنا مش بدى نصايح لحد.. أنا بس بفكر نفسى بللى بتنساه فى الطريق :)

الله يباركلى فيك

يا حبيبي من حبي فيك

لا هتكلم ولا أغنيلك

من اليوم هأحبك حب جديد

يخليني حبيبي أدعيلك

يا حبيبي من حبي فيك لا هتكلم ولا أغنيلك

من اليوم هأحبك حب جديد

يخليني حبيبي أدعيلك

الله يباركلي فيك يا أغلى من عينيا ...

الله يخليني ليك و اجيبلك الدنيا ديا

الله الله

... الله الله يحميك حبيبي يا عمري يا غالي ويخليك ليا

الله يباركلي فيك يا أغلى من عينيا ...

الله يخليني ليك و اجيبلك الدنيا ديا

الله الله ... الله الله يحميك حبيبي يا عمري يا غالي ويخليك ليا

انا اهو قدامك وبين اديك ...

انا كلي علشانك وملك ليك

انا اهو قدامك وبين اديك ... انا كلي علشانك وملك ليك

سألت قلبي بيحبك قد إيه ؟

وقاللي قلبي ده حب جديد عليه

سألت قلبي بيحبك قد إيه ؟

وقاللي قلبي ده حب جديد عليه

الله يباركلي فيك يا أغلى من عينيا ...

الله يخليني ليك و اجيبلك الدنيا ديا

الله الله حبيبي

الله الله يحميك حبيبي يا عمري يا غالي

ويخليك ليا

الله يباركلي فيك ... الله يخليني ليك و اجيبلك الدنيا ديا

الله الله حبيبي الله الله يحميك حبيبي يا عمري يا غالي ويخليك ليا

تامر حسنى

ناقصات عقل ودين

أنتِ ناقصـة عقـل وديـن قالها لي أخي الصغير فقد كنا نتحاور

أنا وهو في موضوع ما وكان يحاول جاهدا أن يقنعني برأيه..

وأنا كذلك.. وعندما يأس ونفذت كل محاولاته في إقناعي..

قالها لي وكأنه يتهمني بها.. ويضعف من رأيي .

للحظات اعتراني الغضب.. من لهجة أخي الصغير

المتهمة لي بالنقص في ديني وعقلي.. فلا يحق له أن يحكم

إن كان ديني كاملا أو ناقصًا.. أو يصدر حكمًا بأن عقلي

لا يجاري عقله في التفكير لنقصانه ولأني لا أرغب أن يتحكم غضبي

في طريقة حواري معه.. فضلت أن أصمت قليلا.. كي أشتت

غضبي وأجمع أفكاري كي أستطيع أن أقنعه بأنه لا يجوز له أن يتهمني هكذا.

وبعد لحظات من التفكير السليم.. وبهدوء رددت عليه وأنا مبتسمة: نعـــم

أعتـرف.. أنا ناقصـة عقـل ودين وكيف لي أن أكذّب حديثًا قاله الرسول

عليه الصلاة والسلام؟!، اعتلت ملامح الدهشة على وجه أخي من اعترافي..

التي أخذت يزينها ابتسامة انتصاره.. ظنًا منه بأني قد استسلمت

لرأيه.. وإني اعترفت بأني لا أصلح لاتخاذ أي رأي.. لنقص عقلي..

وبهذا قد حسم الموضوع لصالحه، وهو في عز نشوته بالانتصار عليّ

.. فاجأته بهذه الأسئلة :هل لك يا أخي أن تفسر لي كيف يكون نقصان

عقلي.. ونقصان ديني؟صمت أخي وأخذ يفكر.. فأكملت: وهل لك أن

تذكر بقية الحديث الذي استمدت منه جملتك هذه؟

وكانت ابتسامته تتلاشى مع كل سؤال أسأله إلى أن اختفت

.. وسكنت مكانها حيره.. كيف له أن يجيب على هذه الأسئلة

.. فأخذ يتمتم.. ويتمتم.. ويقول عبارات كثيرة لم أفهم منها

سوى: بصراحة لا أتذكر الحديث الشريف تجاهلت إجابته مكملة

.. لأسئلتي:وهل تعتقد أن الله يقبل منك أنت صلاتك وزكاتك وقيامك..

ولا يتقبلها مني؟و هل عندما تصلي وتزكي .. وتقوم بفعل الخير..

يكون ثوابك أكبر من ثوابي لأني امرأة ناقصة دينفجاوبني بثقة:

لا طبعا أنا لم أقل هذا!!

إذن كيـف يكـون نقصان ديني هنـا؟وحتى لا أسمع لغة

التمتمة لديه أكملت حديثي دون انتظار الإجابة: وبرأيك الشخصي كيف

يكون نقصان عقلي.. فهل تعتقد بأن تكوينة عقلك تختلف عن تكوينة

عقلي.. أي أن الله خلق للرجال عقلا كاملا.. و خلق لنا نحن النساء

نصف عقل؟أشار بالنفي برأسه.. وكأنه يعلم جيدًا بأني قد سأمت من

تمتمته، أم تراه قد شعر بأنه أوقع نفسه في مطب لن يخرج منه سالمًا؟!

صَمِت قليلا.. وأخذت أتمعن جيدًا في وجه أخي الحائر.. أحاول جاهدة أن

أخترق جدار عقله علّني أحاول أن أكتشف بما يفكر به الآن.. وأراقب نظرات

عينيه التي أخذت تسافر من مكان إلى الأخر متحاشية أن تنظر في عيني.

أما هــو فقد ضنه صمتي هذا.. انتظارًا لإجابته.. فرجع أخي يتمتم ويتمتم..

فأشفقت عليه.. فاقتربت منه وجلست بقربه.. وأمسكت بيديه.. وقلت له:

أنا أعلم أنك لا تدرك ما تقوله.. ربما لأنه قد شاع لدى بعض الرجال هذه

المقولة بأنها نقص في حقنا وكأنها ممسك علينا.

عزيزي ما أرغبه منك الآن أن تسمعني جيدا.. ولا تقاطعني..

حتى أنتهي من حديثي.. وبعدها أبدي رأيك وقل ما تشاء وسأكون

لك مستمعه.. اتفقنــا وكأني هنـا قد رميت له طــوق النجاة من أسئلتي

فابتسم لي وهو يقول: بكـل سـرور، انصت لهذا الحديث الشريف الذي

سأقوله عن أبي سعيد الخدري

قال: خرج رسول الله صلّى الله عليه وسلّم في أضحى أو فطر إلى المصلى، فمرّ على النساء فقال: معشر النساء،

تصدقن، وأكثرن من الاستغفار. فإني رأيتكن أكثر أهل النارقلن: وبم يا رسول الله؟قال: تكثرن اللعن وتكفرن العشير،

ما رأيت من ناقصات عقل ودين أذهب للب الرجل الحازم من إحداكنقلن: وما نقصان ديننا وعقلنا يا رسول الله؟

قال: أليس شهادة المرأة نصف شهادة الرجل؟قلن: بلىقال: فذلك من نقصان عقلها. أليس إذا حاضت لم تصل

ولم تصم؟قلن: بلىقال: فذلك من نقصان دينها

وقصد هنا نقصان العقـل أن النساء لا تضبط مشاعرها كالرجل و لا تتصف برباطة الجأش ولأنه شهادتها نصف

شهادة الرجل لغلبة عاطفتها ونسيانها.. فلهذا أتى نقصان العقل.

أما نقصان الديـن.. حيث إن الرجل يصلي في الشهر 150 صلاة مفروضة بينما المرأة تصلي

أقل منه.. لعارض شرعي بذلك نقصت الصلاة.. وأيضا لأن الرجل يصوم شهر رمضان بأكمله.. أما هي

تضطر لأن تفطر بعض أيام لنفس هذا العارض الشرعي وهــذا بالنسبة للمرأة يُعــدّ كمـالاً

كمـالاً!! -قالها أخي متعجبــاً

نعم.. من المعلوم أن التي لا تحيض تكون غالباً عقيماً لا تحمل ولا تلد.. وقد جعل الله الدم غذاءً للجنينقال ابن القيم: خروج دم الحيض من المرأة هو عين مصلحتها وكمالها، ولهذا يكون احتباسه لفساد في الطبيعة ونقص فيها، ولا ينقص من قيمة المرأة.. كون عقلها أقل لغلبة عاطفتها.. أو دينها لأنها تترك الصلاة لعذر.. فهو ليس نقصاً في التكوين.. ولا نقصاً في اليقين وجوهر الدين.. ولكنه سُمي نقصاً لأن فيه مع وجود أسبابه ما يعد غير تام.

و صدق رسول الله صلى الله عليه وسلم إذ قال في حديثه اللطيف: وما رأيت من ناقصات عقل ودين أذهب للب الرجل الحازم من إحداكن

لذا يا أخي العزيز لا بد أن تعلم أنه لا يجـــــوز لك أن تقول هذا اللفظ: النساء ناقصات عقل ودين.. وكأنك تتعال على المرأة وتسلبها حقها في دينهـا وعقلها.. وهذا لا يحق لك كرجل مسلم؛ لانك تأخذ ما تريد من الحديث وتترك الباقيكمن يقرأ: ولا تقربوا الصلاة.. ويسكت.. أو يقرأ: ويل للمصلين.. ويسكت... فهنـا مـع السكوت يختلف معنى الآية.. فأنت فعلت كذلك ... أخذت من الحديث ما أعجبك فقط.. وتجاهلت البقية.. فاختلف المعنى كليًا ..وقد قال النبي صلى الله عليه وسلم: إنما النساء شقائق الرجال.. رواه الإمام أحمد وغيره، وهو حديث حسن

.....................................

الموضوع دا نقلا عن موقع عمرو خالد..قرأته وعجبنى التوضيح اللى فيه لمعنى ناقصات عقل ودين اللى كتير من الرجالة بيستخدموها غلط دلوقتى ..فقلت أنقله عندنا فى البلوج

فيروس النفوس

هو فيروس مش بيصيب جسمك لكنه يصيب نفسك ويبدأ بعد ذلك بالانتشار

والتوغل فى كل ركن من اركان نفسك.. وبما أن الفيروسات قد تؤدى الى

الموت ففيروس النفوس الجديد قد يؤدى الى الموت بردو بس مش موتك

كإنسان ولكن موت جمال نفسك.. ومن أعراض الإصابة بهذا الفيروس : الحقد

والحسد ونميمة وعدم سيطرة على شهوات النفس وموت النخوة والشهامة ..

بعد ظهور هذه الاعراض لديك تأكد أنك مصاب بمرض خطير يوشك على تدميرك

ويؤدى الى فقدانك كل من حولك.. أقعد مع نفسك شوية وراقب تصرفاتك

وسلوكك وردود أفعالك مع من حولك ولكن افعل ذلك بصدق ولترى

إذا كنت مصاب بهذا الفيروس أم لا.. .............................

أنا كتبت الموضوع دا ليه؟

عشان انا ملاحظة أن الناس كلهم متغيرين..

كل واحد مستنى للتانى على غلطة.. ومبقاش فى حكاية أعمل

الخير وارميه البحر زى زمان.. الاخوات بقوا يحسدوا بعض

ويتضايقوا من حدوث الخير لبعض.. الاصحاب مش مأمنين

بعض وبيغيروا من بعض.. معنى العائلة بتاع زمان راح.. معنى

الحب والمودة والرحمة مبقاش زى الاول.. دا مش تعميم ولكن

دا الغالب دلوقتى .. لما بشوف كدا فى اللى حواليا بقول لنفسى

كل دول أتغيروا ..طب وأنا ؟؟ يا ترى اتغيرت وللا لاءة؟؟ ياترى

كل واحد قرأ فيكم التوبيك دا أتغير وللا لاءة؟؟ وياريت بلاش كل

واحد يبص لنفسه على انه منزه عن الغلط !! عشان لو كلنا منزهين

عن الغلط يبقى الناس اللى بتكلم عنهم دول فى كوكب تانى..