BLOGGER TEMPLATES - TWITTER BACKGROUNDS »

١٣‏/٠٣‏/٢٠٠٨

خدعوك فقالوا

خدعوك فقالوا هو البرنامج الجديد للداعية الشيخ مصطفى حسنى
البرنامج بيتكلم عن المبادئ و المفاهيم و المعتقدات الغلط اللى اتربينا عليها...و هى ليه
غلط المفاهيم دى....و ايه سبب وجود المفاهيم دى بينا و فى مجتمعنا...و ايه الصور
اللى بنشوفها تخلينا نقتنع بإن المفاهيم دى صح مع انها غلط...و ايه هى الصور
الصحيحة اللى هتشجعنا إن شاء الله على تصحيح المفاهيم دى...وتخلينا نرجع
للمفاهيم اللى الله سبحانه و تعالى قالها و اللى النبى صلى الله عليه و سلم
قالها.... و ايه هو الصح اللى المفروض نعمله بدال الغلط دا.كل دا إن شاء الله
هيكون فى البرنامج الرائع اللى بدأ يوم الجمعة اللى فاتت...واللى ماشفش الحلقة
اللى فاتت يا جماعة مش مشكلة لانها كانت عبارة عن مقدمة فقط وممكن
تبدأوا تتابعوا ابتداء من الأسبوع ده ان شاء الله مواعيد البرنامج:يوم الجمعة الساعة 8 مساء مباشر
والاعادة الساعة 12 مساء نفس اليوم يوم السبت الساعة 12 ظهراالبرنامج يذاع على قناة اقرأ
يا ريت تقولوا لكل اللى تعرفوهم على البرنامج والمواعيد بتاعته
وربنا يكرمنا ويكرمكم جميعا

8 comments:

Rehab Saber يقول...

اااه

جميل اوووى

فعلا ربنا يكرمك يا قمرى

هشوفه معاكى ان شاء الله

:D

barbie girl يقول...

ههههههههه

ماشى

oceaneyes يقول...

بتبقى حلوة اوى البرامج اللى زى كدة دى ..

وانا عن نفسى بحب اتابعها جداااا ..المشكلة بس فى الوقت ..لانى فعلا مش بتفرج على تليفزيونات خالص مالص يعنى ..

بس شكرا جدا يا جميل على البوست الحلو ده وعلى المواعيد ..ربنا يكرمك يارب


تحياتى

:)

The Rock يقول...

وكمان ياباربي بتعملي دعاية مجانية على البلوج بتاعنا والفيس بوك

ماشي
عشان خاطرك بس

مصطفى حسني وعمر خالد يستاهلوا كل خير بجد ربنا يكرمهم ويكتر من أمثلهم ومن أمثال شيوخنا محمد حسان وعائض القرني

وبإذن الله نتفرج عليهم كلهم في بتنا سوا إن شاء الله

حاجة صغونتوتة كده خالص خالص
أنا شايف من رأي الشخصي يعني إن كلمة شيخ دي كبيرة حبتين على مصطفى حسني متهيألي داعية أنسب

وحشتيني أوي

barbie girl يقول...

oceaneyes :

يارب تلاقى وقت يا قمراية عشان تتابعى البرنامج
بجد حلووووووووو اوووووووووى اوووووووى..وربنا يكرمك ويجريكى كل الخير

barbie girl يقول...

روك :

كنت عارفة ردك من قبل ما تكتبه
وحتى لو مكنتش كتبته كنت هتقولهولى فى اى وقت تانى..:)

يا حبيبى انا مش باتعامل مع الموضوع بشكل مادى من منطلق ان دى دعاية او لاءة
لكن بتعامل معها من منطلق انى نفسى الناس تتصلح وانا كمان اتصلح
نفسى اخد ثواب لانى بجد محتاجاله

نفسى اشوف المسلمين مسلمين على حق ورسولنا يفخر بيهم وبينا

.........

ان شاء الله نتفرج عليهم سوا لما نتجوز بإذن الرحمن

ومتعلقش يعنى اوى سواء قلنا شيخ مصطفى حسنى او قلنا الداعية مصطفى حسنى..المهم المضمون يا سمسمتى:)

بقالى كتير مرخمتش عليك فقلت محرمكش من رخامتى بقى لانها اكيييييييييييد وحشتك هههه:)

The Rock يقول...

إيه ده إيه ده

كده تشردلي قدام الناس وتقولي إني بتعامل بشكل مادي ومش عارف إيه

طب خلي الكلام دع بنا

أنا كنت رادد وبهزر يابيبي

وعلى فكرة دي حاجة بسيطة من الحاجات اللي بتخليني أمووت فيكي يا عمري

بعد كده هو الدلع ده أسمه رخامة

إتني على قلبي زي العسسسسسسسسسسسسسسل

ويارب تفضلي ياستي ترخمي عليا طول العمر

غير معرف يقول...

كح كح كح..
نحن هنا يا ناس :p :p :p


تصدقى من كتر الكسل والطحن فى الشغل او فى الجامعه كنت مكسل اعرف البرنامج ده عن ايه اصلا ...ولا مين اللى بيقدمه

ميرسىىىىىىىىىىىىىىىىىىىىىىىىىىى كتير ...وان شاء الله احاول اتابعه