BLOGGER TEMPLATES - TWITTER BACKGROUNDS »

٢٥‏/٠٣‏/٢٠٠٨

عاوز حقك وللا عاوز حقى؟؟

كل واحد بيصحى كل يوم الصبح عاوز حقه
وبيفكر انه مظلوم من اللى حواليه
ومن اول ما يصحى لحد ما ينام وهو بيفكر ازاى يأخد حقه!!
الزوج تجاه مراته عاوز كل حقوقه من رعاية وحب واهتمام ومعاشرة وأكل وشرب ونضافة للبيت..
الأب تجاه أولاده :عاوز كل الاحترام والتقدير اللى يمكن يوصل فى فكره الى درجة التقديس ليه كأب والطاعة..
الزوجة تجاه زوجها: حب وكلمة حلوة وفلووووووووس طبعا
الام: عاوزة من ولادها الحب والطاعة والاهتمام
الاولاد تجاه الاب والام: عاوزين حب واهتمام دائم وترتيب لمستقبل كويس ليهم وفلوس وتلبية كل الطلبات
الصديق تجاه صديقه: انه يلاقيه دائما واقف جنبه وميعملش معه مواقف ندالة..مع الدعم المعنوى الدائم
المدير فى الشغل: عاوز دائما يطحن كل اللى بيشتغلوا تحته..ومش عاوز اى تقصير وشخط ونطر وزعيق وخصم..لدرجة
انه بيفتكر انه ولى نعمتهم اللى فاتح بيوتهم كمان.. كل واحد بيفكر فى حقوقه كااااااااااااااااااااااااااااااملة
طب لو سمحتم بس قبل ما تتطلب حقوقك شوف الاول انت عملت واجباتك تجاه الأخرين دول وللا لاءة؟؟
لما تلاقى إنك أديت كل واجباتك بقى ابقى اطلب كل حقوقك
ولو مخدتهاش ساعتها تبقى تقول انك مظلوم وتطلب حقك بقلب جامد

17 comments:

Unknown يقول...

عندك حق يابنتي كل اللي بيفكر ياخدلازم يفكر يدي الاول
علشان يبقي لية عين يطلب اصلا
بوست جميل واعذريني ع التاخير
سلام

بطوط حبوب يقول...

هى عامله زى البيضه قبل الفرخه ولا الفرخه قبل البيضه
اخد حقى قبل ما ادى وجباتى ولا ادى وجباتى وبعدين ابقى اطلب بحقى

princess يقول...

الفكرة ان الانسان طبعه كده ولو ماعملش كده كانت الدنيا هتبقى مفيهاش الى صراعات او اى حاجة.بس للاسف هى دى الدنيا

ღϠ₡ღأمير الهدوءღϠ₡ღ يقول...

فعلا
لو عملنا اللي علينا

مش هيبقى في كده

لكن نفسية الانسان دايما انه مش بيبص على نفسه
وبيفتكر إنه أحسن واحد

وهو أ:تر واحد بيغلط

تحياتي لموضوعك الجميل

:)

غير معرف يقول...

السلام عليكم
القناعة هيا أساس كل شئ لو كل واحد أقتنع بذاته وبالأخرين كل واحد فى مكانه الطبيعى لأن الحقوق تجلب للذات
تحياتى على حسن الطرح وعمق الفكرة

barbie girl يقول...

My Hope$ :
اهلا بيكى يا جميل..متفقة معاكى فى الراى..بس هى المشكلة فى كلمة لازم يدى دى ..مين اللى هيفهمه بقى انه لازم يدى

...................

بطوط حبوب :

لا طبعا تدى واجباتك الاول وبعدين تاخد حقك:)

....................
princess :
طبعه انه يدور ازاى ياخد بس من غير ما يفكر ازاى يدى..يبقى مش هنتغير :(

..................

أمير الهدوء :

يعنى ممكن واحنا بنعلق على الموضوع دا وكل واحد فينا بيتكلم على اساس ان الحاجة دى مش فيه..نكون كلنا كدا بس مش واخدين بالنا وقعدين ننتقد نفسنا :)

..................

عمر المصرى : وعليكم السلام ورحمة الله

هى المشكلة مش فى ان كل واحد يقتنع بنفسه
..لا ..دا المشكلة فى ان كل واحد مقتنع بنفسه وبإن المفروض يفضل ياخد وياخد وياخد ومعتقد انه خلاص ادى اللى مطلوب منه..

Reham Mahmoud يقول...

عندك حق والله
كل واحد يقوم عايز كذا طب انت عملت ايه علشان تخده
الشعب متخلف وانانى كل واحد بيفكر فى نفسه انا بشكرك على موضوعك الجميل
تحياتى
ريهام

Rehab Saber يقول...

مش حاسة انى اول مبصحى لحد مبنام بفكر انى عايزة اخد حقى

بس زى مانتى بتقولىة كدة بالظبط

اللى يطلب حقه يكون بيعكل وجباته

زى الهوا يقول...

جامد البوست دا , طب مانا عاملة كل اللى عليا هههههههههههه , فعلا الواحد عايز ديما ياخد وياخد من غير ما يدى اى بتاع , هاحاول اعمل بنصيحتك دى يابربر , وبعدين سيادتك زعلانة مننا ليه إن شاء الله انا عرفت إن اليوم الالمانى اتعمل غير منك ؟؟؟؟ طب كنتى طلبتى قبلها ( ال يعن كنت هاجى ) ___( وش مطلع لسانه)

lonlysmily يقول...

الناس بقت بتفكر تاخد قبل ما تدى
علشان كدا بتفكر فى حقوقها اكتر بكتير ما بتفكر فى واجباتها
وفى الاخر بردة يقولك احنا مظلومين واحنا مقهورين
ما لو كل واحد عمل الل عليه هيلاقى حقه بيوصله من غير حتى ما يطالب بيه اصلا
بس هنقول ايه؟
من له

barbie girl يقول...

Reham Mahmoud :
حلو اوى ان حضرتك فهمتى الموضوع على مستوى أكبر من اللى انا اقصده..الشعوب عاوزة حقها قبل ما تفكر فى واجباتها..والحكومات عاوزة حقها قبل ما تقوم بواجباتها..فعلا عندك حق والله

...................

غيـــــداء...caaaaat :

يعنى متخديش المعنى الحرفى يا كات..واكيد انتى بردوا شايفة انك مؤدية واجباتك كلها تجاه كل الناس..لكن يمكن للاخرين رأى تانى..كل انسان صعب يشوف نواقصه..والحكاية دى فى كل الناس..

....................
زى الهوا ::) انتى عاملة واجباتك كلها يا ميييس ومش محتاجة حد يسألك عليها طبعا هههههههههههه..خلاص مش زعلانة انا بس كنت نفسى اشوفكم واسلم عليكم....

....................

lonlysmily :
انا حاسة انها طبيعة بشرية فى كل الناس..واللى بيضايقنى ان كل واحد مش بياخد باله ان الحكاية دى فيه هو كمان
:)

oceaneyes يقول...

عندك حق .. كل واحد لازم يعرف واجباته الاول ويعملها ..قبل ما يسأل على حقوقه

بس الغريب ان كل واحد يببقى فاهم انه بيعمل اللى عليه ومتصور انه صح واللى حواليه غلط ومش بيدوله حقوقه ..طبعا الكلام ده على المستوى الشخصى وبين الأفراد وبعضها ..

لكن لو هانتكلم عن الدولة نفسها ..( كمثال يعنى ) فأعتقد ان الكلام هايختلف وقتها



بوست حلو



تحياتى


:)

barbie girl يقول...

oceaneyes :
متفقين فى الراى:)

ولد مصري يقول...

ميتافيزيا الحضور واحترام الآخر:

من أهم ما عرفه الانسان على مدار التاريخ أنه تعرف على حقيقة لا تحوزها الأنا أو الذات بلغة الفلسفة وإدراكه لكائن مماثل يحتل مساحة وجود لا يمكن للأنا ان تتمدد في فضائها, هذا الكائن يمثله الآخر سواء كان في الكتابة أوالرغبة أو حتى في الحُمق ومن المستحيل تشكيل الآخر باعتباره ذاتا فاقدة للذاتية أو أن يكون هناك مركز واحد للذات يفرض على الآخر أن يكون بلا مركز بدافع أنه ليس للدائرة سوى مركز واحد ليس موجود عند هذاالآخر, ويعتبر الآخر جزء غريب لا يشكل مادة لأي اكتشاف.

إذا كان تعليقي اللى فات معجبش ومسحتوه فأنا بعتذر عنه وبالمناسبة أنا مزعلتش ومش هزعل المرة دي كمان لو طبقتي ديمقراطيتك على التعليق ده كمان اللى اتمنى انه يكون مفهوم

وكلمة أخيرة
مادام احنا بنعمل في بعض كده يبقى ياريت مانزعلش بقى لما حكامنا يطبقوا معانا نفس مبدأ الديمقراطية بتاعتك

آسف مرة تانية

The Rock يقول...

Walad_Masry

أولا: أهلا بيك في المدونة عندنا

ثانيا:

حضرتك بادئ كلامك بعبارة:
"ميتافيزيا الحضور واحترام الآخر"

طب هو حضرتك شايف إن كلام على شاكلة

"ياض منك له"
و
" كسر حقك منك له لها"

في أي نوع من أنواع إحترام الأخر...؟!

حضرتك عاوز تقول الكلام ده في مدونتك..في بيتك..أو على القهوة براحتك دي حرية شخصية ولكن إسمح لي سيدي الفاضل مش عندنا هنا في المدونة
حضرتك ليك كامل الحرية تعبر عن رأيك وتقول اللي عاوزه لكن في حدود الأدب

الكل هنا مرحب بيه وبنسعد بتعليقاتكم كلكم
ولكن مرة أخرى في حدود الأدب وإحترام الأخر

حتى المختلفين معاهم في الرأي.

عشان كده تعليق حضرتك اللي فات أتحذف
لإنه لم يحتوي على أدنى حدود اللباقة أو اللياقة ومش عاوز أقول الأدب.

فأسمح لي سيدي الفاضل وأنزع عنك رداء المظلوم والمقهور

زي ماحضرتك شايف كان معلق قبلك حوالي 9 أفراد ولم تحذف أي مشاركة وإحنا هنا لانميز ولا نفضل أحد على آخر
كلكم زوار أعزاء علينا وبتنوروا مدونتا وبتثرونا بأرائكم في كثير من الأحيان

وعلى فكرة لو إحنا تعاملنا مع حكامنا بقلة أدب وقلة إحترام فنستحق أن نعامل منهم بالمثل طالما كنا نحن البادئين

ولا إيه رأي حضرتك

وأخيرا أذكرك وأذكر نفسي بأن حرية الفرد تنتهي عند حدود حرية الأخرين

ولد مصري يقول...

شكر وتأييد

أشكرك على ردك وأأيدك في الكلام الجميل اللى حضرتك قلتيه ولكن:

أولا خلينا نتفق على مبدأ مهم ان ماينفعش اننا ننفصل بأي حال من الأحوال عن اللى بيحصل في المجتمع اللى احنا عايشين فيه سواء كان بيعجبنا ولا لأ والحقيقة ان الكلام اللى انا كتبته - مع اتفاقي ان الألفاظ اللى ذكرتيها خارج حدود الأدب - لكن للأسف ان دي بقت المصطلحات المتعارف عليها بين طوائف الشعب لأ وكمان بقوا بيتغنوا بيها وحضرتك تقدري ترجعي لأغنية "أنا بحبك يا حمار" لمزيد من الايضاح.
ثانيا لو سمحتيلي أنا بقترح اننا نعرض اللى أنا كتبته على السادة القراء ونخليهم يقولوا رأيهم بحرية وديمقراطية ونشوف تعليقاتهم جايز يكون رأيهم من رأيك وجايز يعجبهم وجايز يشوفوا أنها مش فارقة معاهم لكن في كل الحالات هيكون الجميع مستفيد لأننا هنقدر نعرف مستوى الانحدار اللى احنا وصلناله وجايز جدا تكون فرصة ان الشعب المصري يترشح للدخول في موسوعة جينيس لأول مرة في حياته لأعلى نسبة إنحدار في العالم!!

دعاء مواجهات يقول...

عندك حق بصرااحة

بس المشكلة ان الكل باصص ع غيرة مش ع نفسة

مدونة لذيذة